Upanishads 237
Upaniṣads 237
- Language
- Sanskrit
Contents
- 237.8 — 1 part
237.1
bhūmirantarikṣaṃ dyaurityaṣṭāvakṣarāṇyaṣṭākṣaram̐ ha vā ekaṃ
gāyatryai padmetadu haivāsyā etatsa yāvaddeṣu triṣu lokeṣu
tāvaddha jayati yo'syā etadevaṃ padaṃ veda
237.2
ṛco
yajūm̐ṣi sāmānītyaṣṭāvakṣarāṇyaṣṭākṣaram̐ ha vā ekaṃ gāyatryai padametadu haivāsyā etatsa yāvatīyaṃ trayī vidyā tāvaddha jayati yo'syā etadevaṃ padaṃ veda
237.3
prāṇo'pāno vyāna ityaṣṭāvakṣarāṇyaṣṭākṣaram̐ ha vā ekaṃ
gāyatryai padametadu haivāsyā etatsa yāvadidaṃ prāṇi tāvaddha
jayati yo'syā etadevaṃ padaṃ vedāthāsyā etadeva turīyaṃ
darśataṃ padaṃ paro rajā ya eṣa tapati yadvai caturthaṃ tatturīyaṃ
darśataṃ padamiti daddaśa iva hyeṣa parorajā iti sarvamu hyevaiṣa raja uparyupari tapatyevam̐ ha vaiva śriyā yaśasā tapati
yo'syā etadevaṃ padaṃ veda
237.4
saiṣā gāyatraitasmim̐sturīye darśate pade parorajasi pratiṣṭhitā tadvaitatsatye pratiṣṭhitaṃ cakṣurvai satyaṃ cakṣurhi vai satyaṃ tasmādyadidānīṃ dvau vivadamānāveyātāmahamadarśamahamaśrauṣamiti ya evaṃ brūyādahamadarśamiti tasmā eva śraddadhyāma tadvai tatsatyaṃ bale
pratiṣṭhitaṃ prāṇo vai balaṃ tatprāṇe pratiṣṭhitaṃ tasmādāhurbalam̐satyādojīya ityevaṃvaiṣā gāyatryadhyātmaṃ pratiṣṭhitā sā
haiṣā gayām̐statre prāṇā vai gayāstatprāṇām̐statre tadvayām̐statre tasmādgāyatrī nāma sa yāmevāsū m̐ sāvitrīmanvāhaivaiva sa yasmā anvāha tasya prāṇām̐strāyate
237.5
tām̐
haitāmeke sāvitrīmanuṣṭubhamanvāhurvāganuṣṭuvetadvācamanubrūma
iti na tathā kuryādgāyatrīmeva sāvitrīmanubrūyādyadiha
vā apyevaṃvidvahiva pratigṛhṇāti na haiva tadvāyatryā ekaṃ
ca na padaṃ prati
237.6
sa ya imām̐llokānpūrṇānpratigṛhṇīyātso'syā etatprathamaṃ padamāpnuyādatha yāvatīyaṃ
trayī vidyā yastāvatpratigṛhṇīyātso'syā etaddvitīyaṃ padamāpnuyādatha yāvadidaṃ prāṇi yastāvatpratigṛhṇīyātso'syā
etattṛtīyaṃ padamāpnuyādathāsyā etadeva turīyaṃ darśataṃ padaṃ
parorajā ya eṣa tapati naiva kenacanāpyaṃ kuta u etāvatpratigṛhṇīyāt
237.7
tasyā upasthānaṃ gāyatryasyekapadī
dvipadī tripadī catuṣpadyapadasi nahi padyase namaste turīyāya darśatāya padāya parorajase'sāvadomā prāpaditi
yaṃ dviṣyādasāvasmai kāmo mā samṛddhīti vā na haivāsmai
sa kāmaḥ samṛdhyate yasmā evamupatiṣṭhate'hamadaḥprāpamiti
vā
237.8
etaddha vai tajjanako vaideho buḍilamāśvatarāśvimuvāca
yannuho tadgāyatrīvidabrūthā atha katham̐ hastībhūto vahasīti mukham̐ hyasyāḥ samrāṇna vidāṃcakāreti hovāca tasyā
agnireva mukhaṃ yadiha vā api bahvivājyāvabhyādadhati
sarvameva tat saṃdahatyevam̐ haivaṃvidyapi bahviva pāpaṃ kurvate sarvameva tatsaṃpsāya śuddhaḥ pūto'jaro'mṛtaḥ saṃbhavati
237.8.p1
iti pañcamasya caturdaśaṃ brāhmaṇam
Linked texts (1)
- Mādhyandina — Sanskrit