Upanishads 242
Upaniṣads 242
- Language
- Sanskrit
Contents
- 242.13 — 1 part
242.1
sa yaḥ kāmayeta mahatprāpnuyāmityudagayana āpūryamāṇapakṣasya puṇyāhe dvādaśāhamupasadvratī bhūtvaudumbare kam̐se
camase vā sarvauṣadhaṃ phalānīti saṃbhṛtya parisamūhya parilipyāgnimupasamādhāya paristīryāvṛtājyam̐ saṃskṛtya
pum̐sā nakṣatreṇa mantham̐ saṃnīya juhoti-yāvanto devāsvayi jātavedastiryañco dyanti puruṣasya kāmān| tebhyo'haṃ
bhāgadheyaṃ juhomi te mā tṛptāḥ sarvaiḥ kāmaistarpayantu svāhā
yā tiraścī nipadyate'haṃ vidharaṇī iti| tāṃ tvā ghṛtasya
dhārayā yaje sam̐rādhanīmaham̐ svāhā
242.2
jyeṣṭhāya
svāhā śreṣṭhāya svāhetyagnau hutvā manthe sam̐sravamavanayati
prāṇāya svāhā vasiṣṭhāyai svāhetyagnau hutvā manthe sam̐svamavanayati vāce svāhā pratiṣṭhāyai svāhetyagnau hutvā manthe
sam̐sravamavanayati cakṣuṣe svāhā saṃpade svāhetyagnau hutvā
manthe sam̐sravamavanayati śrotrāya svāhā''yatanāya svāhetyagnau hutvā manthe sam̐sravamavanayati manase svāhā
prajāyai svāhetyagnau hutvā manthe sam̐sravamavanayati retase
svāhetyagnau hutvā manthe sam̐sravamavanayati
242.3
amnaye
svāhetyagnau hutvā manthe sam̐sravamavanayati somāya svāhetyagnau hutvā manthe sam̐sravamavanayati bhūḥ svāhetyagnau hutvā
manthe saṃsravamavanayati bhuvaḥ svāhetyagnau hutvā manthe
saṃsravamavanayati svaḥ svāhetyagnau hutvā manthe saṃsravamavanayati bhūrbhuvaḥsvaḥ svāhetyagnau hutvā manthe saṃsravamavanayati brahmaṇe svāhetyagnau hutvā manthe saṃsravamavanayati kṣatrāya svāhetyagnau hutvā manthe saṃsravamavanayati
bhūtāya svāhetyagnau hutvā manthe saṃsravamavanayati bhaviṣyate svāhetyagnau hutvā manthe saṃsravamavanayati viśvāya
svāhetyagnau hutvā manthe saṃsravamavanayati sarvāya svāhetyagnau hutvā manthe saṃsravamavanayati prajāpataye svāhetyagnau hutvā manthe saṃsravamavanayati
242.4
athainamabhimṛśati agmadasi jvaladasi pūrṇamasi prastabdhamasyekasabhamasi hiṃkṛtamasi hiṃkriyamāṇamasyudgīthamasi udgīyamānamasi śrāvitamasi pratyāśrāvitamasyārre saṃdīptamasi
vibhūrasi prabhūrasyannamasi jyotirasi nidhanamasi saṃvargo'sīti
242.5
athainamudyacchayāmaḥsyāmaḥhi te mahi
sahi rājeśāno'dhipatiḥ sa mā̱ rājeśāno'dhipatiṃ
karotviti
242.6
athainamācāmati tatsaviturvareṇyaṃ madhuvātā ṛtāyate madhu kṣaranti sindhavaḥ mādhvīrnaḥ santvoṣadhīrbhūḥ svāhā bhargo devasya dhīmahi madhu naktamutoṣaso
madhumatpārthivam̐rajaḥ madhudyaurastu naḥ pitā bhuvaḥ svāhā
dhiyo yo naḥ pracodayānmadhumānno vanaspatirmadhumām̐ 3 astu
sūryaḥ mādhvīrgāvo bhavantu naḥ svaḥ svāheti sarvāṃ ca sāvitrīmanvāha sarvāśca madhumatīrahamevedam̐ sarvaṃ bhūyāsaṃ
bhūrbhuvaḥ svaḥ svāhetyantata ācamya pāṇī prakṣālya jaghanenāgniṃ prākśirāḥ saṃviśati prātarādityamupatiṣṭhate diśāmekapuṇḍarīkamasyahaṃ manuṣyāṇāmekapuṇḍarīkaṃ bhūyāsamiti
yathetametya jaghanenāgnimāsīno vaśaṃ japati
242.7
tam̐
haitamuddālaka āruṇirvājasaneyāya yājñavalkyāyāntevāsina uktvovācāpi ya enam̐ śuṣke sthāṇau niṣiñcejāyerañchākhāḥ praroheyuḥ palāśānīti
242.8
etamuhaiva vājasaneyo yājñavalkyo madhukāya paiṅgyāyāntevāsina uktvovācāpi ya enam̐ śuṣke sthāṇau niṣiñcejāyerañchākhāḥ
praroheyuḥ palāśānīti
242.9
etamuhaiva madhukaḥ paiṅgyaśralāya bhāgavittaye'ntevāsina uktvovācāpi ya enam̐
śuṣke sthāṇau niṣiñcejāyerañchākhāḥ praroheyuḥ palāśānīti
242.10
etamu haiva cūlo bhāgavittirjānakaya āyasthūṇāyāntevāsina uktvovācāpi ya enam̐ śuṣke sthāṇau
niṣiñcejāyerañchākhāḥ praroheyuḥ palāśānīti
242.11
etamu haiva jānakirāyasthūṇaḥ satyakāmāya jābālāyāntevāsina uktvovācāpi ya enam̐ śuṣke sthāṇau niṣiñcejāyerañchākhāḥ praroheyuḥ palāśānīti
242.12
etamu
haiva satyakāmo jābālo'ntevāsibhya uktvovācāpi ya
enam̐ śuṣke sthāṇau niṣiñcejāyerañchākhāḥ praroheyuḥ palāśānīti tametannāputrāya vānantevāsine vā brūyāt
242.13
caturaudumbaro bhavatyaudumbaraḥ sruva audumbaraścamasa audumbara idhma audumbaryā upamanthanyau daśa grāmyāṇi dhānyāni bhavanti vrīhiyavāstilamāṣā aṇupriyaṅgavo godhūmāśca masūrāśca khalvāśca khalakulāśca tān piṣṭāndadhani
madhuni ghṛta upasiñcatyājyasya juhoti
242.13.p1
iti ṣaṣṭhe tṛtīyaṃ brāhmaṇam