Pramāṇa · Search · About · API

Upanishads 250

Upaniṣads 250

Language
Sanskrit

Contents

250.1

dve akṣare brahmapare tvanante vidyāvidye nihite yatra gūḍhe
kṣaraṃ tvavidyā hyamṛtaṃ tu vidyā vidyāvidye īśate yastu so'nyaḥ

250.2

yo yoniṃ yonimadhitiṣṭhatyeko viśvāni rūpāṇi yonīśca sarvāḥ| ṛṣiṃ prasūtaṃ kapilaṃ yastamagre jñānairbibharti jāyamānaṃ ca paśyet

250.3

ekaikaṃ jālaṃ bahudhā vikurvannasminkṣetre saṃcaratyeṣa devaḥ| bhūyaḥ sṛṣṭvā yatayastatheśaḥ sarvādhipatyaṃ kurute mahātmā

250.4

sarvā diśaṃ ūrdhvamadhaśca tiryakprakāśayanprājate yadvanaḍvān| evaṃ sa devo bhagavānvareṇyo yonisvabhāvānadhitiṣṭhatyekaḥ

250.5

yaśca svabhāvaṃ pacati viśvayoniḥ pācyāṃśca sarvānpariṇāmayedyaḥ| sarvametadviśvamadhitiṣṭhatyeko guṇāṃśca sarvānviniyojayedyaḥ

250.6

tadveda guhyopaniṣatsu gūḍhaṃ tadbrahmā vedate brahmayonim| ye pūrvaṃ devā ṛṣayaśca tadviduste tanmayā amṛtā vai babhūvuḥ

250.7

guṇānvayo yaḥ phalakarmakartā kṛtasya tasyaiva sa copabhoktā| sa viśvarūpatriguṇastrivartmā prāṇādhipaḥ saṃcarati svakarmabhiḥ

250.8

aṅguṣṭhamātro ravitulyarūpaḥ saṃkalpāhaṃkārasamanvito yaḥ| buddherguṇenātmaguṇena caiva ārāgramātro'pyaparo'pi dṛṣṭaḥ

250.9

bālāgraśatabhāgasya śatadhā kalpitasya ca| bhāgo
jīvaḥ sa vijñeyaḥ sa cānantyāya kalpyate

250.10

naiva
strī na pumāneṣa na caivāyaṃ napuṃsakaḥ | yadyaccharīramādatte
tena tena sa yujyate

250.11

saṃkalpanasparśanadṛṣṭimohairgrāsāṃbuvṛṣṭyātmavivṛddhajanma | karmānugānyanukrameṇa dehī
sthāneṣu rūpāṇyabhisaṃprapadyate

250.12

sthūlāni sūkṣmāṇi bahūni caiva rūpāṇi dehī svaguṇairvṛṇoti | kriyāguṇairātmaguṇaiśca teṣāṃ saṃyogaheturaparo'pi dṛṣṭaḥ

250.13

anādyanantaṃ kalilasya madhye viśvasya sraṣṭāramanekarūpam | viśvasyaikaṃ pariveṣṭitāraṃ jñātvā devaṃ mucyate sarvapāśaiḥ

250.14

bhāvagrāhyamanīḍākhyaṃ bhāvābhāvakaraṃ śivam | kalāsargakaraṃ devaṃ
ye viduste jahustanum

250.14.p1

iti śvetāśvataropaniṣatsu pañcamo'dhyāyaḥ

Linked texts (5)