Pramāṇa · Search · About · API

Upanishads 259

Upaniṣads 259

Language
Sanskrit

259.1

māyātatkāryamakhilaṃ yadbodhādyātyapahnavam
tripānnārāyaṇākhyaṃ tatkalaye svātmamātrataḥ
oṃ sahanāvavatiti śāntiḥ
oṃ atha puruṣo ha vai nārāyaṇo'kāmayata prajāḥ
sṛjeyeti || nārāyaṇātprāṇo jāyate || manaḥ sarvendriyāṇi
ca || khaṃ vāyurjyotirāpaḥ pṛthivī viśvasya dhāriṇī
nārāyaṇādbrahmā jāyate || nārāyaṇādrudro jāyate || nārāyaṇādindro jāyate || nārāyaṇātprajāpatiḥ prajāyate
nārāyaṇāddvādaśādityā rudrā vasavaḥ sarvāṇi cchandāṃsi
nārāyaṇādeva samutpadyante || nārāyaṇātpravartante || nārāyaṇe pralīyante || etadyajurvedaśiro'dhīte

259.2

atha nityo
nārāyaṇaḥ || brahmā nārāyaṇaḥ || śivaśca nārāyaṇaḥ || śakraśca nārāyaṇaḥ || kālaśca nārāyaṇaḥ || diśaśca nārāyaṇaḥ
vidiśaśca nārāyaṇaḥ || ūrdhvaṃ ca nārāyaṇaḥ || adhaśca nārāyaṇaḥ || antarbahiśca nārāyaṇaḥ || nārāyaṇa evedaṃ sarvaṃ
yadbhūtaṃ yacca bhavyam || niṣkalaṅko nirañjano nirvikalpo
nirākhyātaḥ śuddho deva eko nārāyaṇo na dvitīyo'sti kaścit || ya evaṃ veda sa viṣṇureva bhavati sa viṣṇureva bhavati || etadyajurvedaśiro'dhīte

259.3

oṃmityagre vyāharet
nama iti paścāt || nārāyaṇāyetyupariṣṭāt || oṃmityekākṣaram || nama iti dve akṣare || nārāṇāyeti pañcākṣarāṇi || etadvai nārāyaṇasyāṣṭākṣaraṃ padam || yo ha vai
nārāyaṇasyāṣṭākṣaraṃ padamadhīyeti||anapabruvaḥ sarvamāyureti
vindate prājāpatyaṃ rāyaspoṣaṃ gaupatyaṃ tato'mṛtatvamaśnute
tato'mṛtatvamaśnuta iṃti || etatsāmavedaśiro'dhīte

259.4

atyagānandaṃ brahmapuruṣaṃ praṇavasvarūpam || akāra ukāro
makāra iti || tā anekadhā samabhavattadetadomiti yamuktvā mucyate yogī janmasaṃsārabandhanāt || oṃ namo
nārāyaṇāyeti mantropāsako vaikuṇṭhabhuvanaṃ gamiṣyati
tadidaṃ puṇḍarīkaṃ vijñānaghanam || tasmāctaḍidābhamātram
brahmaṇyo devakīputro brahmaṇyo madhusūdanaḥ || brahmaṇyaḥ puṇḍarīkākṣo brahmaṇyo viṣṇuracyuta iti || sarvabhūtasthamekaṃ vai
nārāyaṇaṃ kāraṇapuruṣamakāraṇaṃ paraṃ brahmom || etadatharvaśiro yo'dhīte

259.5

prātaradhīyāno rātrikṛtaṃ pāpaṃ nāśayati || sāyamadhīyāno divasakṛtaṃ pāpaṃ nāśayati
tatsāyaṃprātaradhīyāno'pāpo bhavati || madhyaṃdinamādityābhimukho'dhīyānaḥ pañcamahāpātakopapātakātpramucyate
sarvaṃvedapārāyaṇapuṇyaṃ labhate || nārāyaṇasāyujyamavāpnoti || śrīmannārāyaṇasāyujyamavāpnoti ya evaṃ veda

259.15

oṃ sahanāvavativati śāntiḥ
iti nārāyaṇātharvaśiraupaniṣatsamāptā

259.16

nārāyaṇopaniṣat

Linked texts (2)