Pramāṇa · Search · About · API

Upanishads 267

Upaniṣads 267

Language
Sanskrit

Contents

267.1

atha bhusuṇḍaḥ kālāgnirudraṃ bhasmasnānavidhiṃ brūhīti
hovāca| praṇavena visṛjyātha ṣaḍpraṇavenābhimantritamāgamena tu tenaiva digbandhanaṃ kārayetpunarapi tenāśvamantreṇājñāni mūrdhādīnyuddhūlayenmalasnānamidamīśānādyaiḥ pañcabhirmantraistanuṃ kramāduddhūlayet| īśāneti śirodeśaṃ mukhaṃ
tatpuruṣeṇa tu | ūrudeśamaghoreṇa guhyakaṃ vāmadevataḥ | sadyojātena vai pādau sarvāṅgaṃ praṇavena tu | āpādatalamastakaṃ
sarvāṅgaṃ tata uddhūlyācamya vasanaṃ dhautaṃ śvetaṃ pradhārayeddhividhisnānamidam| tatra ślokā bhavanti| bhassamuṣṭiṃ samādāya saṃhitāmantramantritām| mastakātpādaparyantaṃ malasnānaṃ
puroditam

267.2

tanmantreṇaiva kartavyaṃ vidhisnānaṃ samācaret| īśāne pañcadhā bhasma vikirenmūrdhni yatnataḥ

267.3

mukhe caturthavaktreṇa aghoreṇāṣṭadhā hṛdi| vāmena guhyadeśe tu
tridaśasthānabhedataḥ

267.4

aṣṭāvantena sādhyena pādāvuddhūlya yatnataḥ| sarvāṅgoddhūlanaṃ kāryaṃ rājanyasya yathāvidhi

267.5

mukhaṃ vinā ca tatsarvamuddhūlya kramayogataḥ| saṃdhyādvaye niśīthe ca tathā pūrvāvasānayoḥ

267.6

suhvābhuktvā payaḥ pītvā kṛtvā cāvaśyakādikam| striyaṃ
napuṃsakaṃ gṛdhraṃ biḍālaṃ bakamūṣikam

267.7

spṛṣṭvā tathāvidhānanyānbhasmasnānaṃ samācaret| devāgniguruvṛddhānāṃ
samīpe'nyajadarśane

267.8

aśuddhabhūtale mārge kuryānnoddhūlanaṃ vratī| śaṅkatoyena mūlena bhasmanā miśraṇaṃ bhavet

267.9

yojitaṃ candanenaiva vāriṇā bhasmasaṃyutam| candanena samālimpejjñānadaṃ cūrṇameva tat

267.10

madhyāhnāṣṭhāgjalairyuktaṃ toyaṃ tadanuvarjayet || atha bhusuṇḍo bhagavantaṃ
kālāgnirudraṃ tripuṇḍravidhiṃ papraccha| tatraite ślokā bhavanti| tripuṇḍraṃ kārayetpaścādbrahmaviṣṇuśivātmakam
madhyāṅgulibhirādāya tisṛbhirmūlamantrataḥ

267.11

anāmāmadhyamāṅguṣṭhairathavā syāttripuṇḍrakam| uddhūlayenmukhaṃ vipraḥ
kṣatriyastacchiroditam

267.12

dvātriṃśatsthānake cārdhe
ṣoḍaśasthānake'pi vā | aṣṭasthāne tathā caiva pañcasthāne'pi yojayet

267.13

uttamāṅge lalāṭe ca karṇayornetrayostathā | nāsāvakre gale caivamaṃsadvayamataḥ param

267.14

kūrpare maṇibandhe ca hṛdaye pārśvayordvayoḥ | nābhau guhyadvaye
caivamūrvoḥ sphigbhimbajānuni

267.15

jaṅghādvaye ca pādau
ca dvātriṃśatsthānamuttamam | aṣṭamūrtyaṣṭavidyeśāndikpālānvasubhiḥ saha

267.16

dharo dhruvaśca somaśca kṛpaścaivānilo'nalaḥ | pratyūṣaśca prabhāsaśca vasavo'ṣṭāviti smṛtāḥ

267.17

eteṣāṃ nāmamantreṇa tripuṇḍrāndhārayedbudhaḥ | viddhyātṣoḍaśasthāne tripuṇḍraṃ tu samāhitaḥ

267.18

śīrṣake
ca lalāṭe ca karṇe kaṇṭheṃ'sakadvaye | kūrpare maṇibandhe ca
hṛdaye nābhipārśvayoḥ

267.19

pṛṣṭhe caikaṃ pratisthānaṃ japettatrādhidevatāḥ | śivaṃ śaktiṃ ca sādākhyāmīśaṃ vidyākhyameva ca

267.20

vāmādinavaśaktīśca ete ṣoḍaśa
devatāḥ | nāsatyo dasrakaścaiva aśvinau dvau samīritau

267.21

athavā mūrdhyalīke ca karṇayoḥ śvasane tathā
bāhudvaye ca hṛdaye nābhyāmūrvoryuge tathā

267.22

jānudvaye ca padayoḥ pṛṣṭhabhāge ca ṣoḍaśa | śivaścendraśca rudrākau
vighneśo viṣṇureva ca

267.23

śrīścaiva hṛdayeśaśca tathā nābhau
prajāpatiḥ | nāgaśca nāgakanyāśca ubhe ca ṛṣikanyake

267.24

pādayośca samudrāśca tīrthāḥ pṛṣṭhe'pi ca sthitāḥ
evaṃ vā ṣoḍaśasthānamaṣṭasthānamathocyate

267.25

gurusthānaṃ lalāṭaṃ ca karṇadvayamavāntaram | aṃsayugaṃ ca hṛdayaṃ
nābhiriyaṣṭamaṃ bhavet

267.26

brahmā ca ṛṣayaḥ sapta
devatāśca prakīrtitāḥ | athavā mastakaṃ bāhū hṛdayaṃ nābhireva ca

267.27

pañca sthānānyamūnyāhurbhasmatattvavido
janāḥ | yathāsaṃbhavataḥ kuryādeśakālādyapekṣayā

267.28

uddhūlane'pyaśaktaścetripuṇḍrādīni kārayet | lalāṭe hṛdaye
nābhau gale ca maṇibandhayoḥ

267.29

bāhumadhye bāhumūle
pṛṣṭhe caiva ca śīrṣake || lalāṭe brahmaṇe namaḥ | hṛdaye havyavāhanāya namaḥ | nābhau skandāya namaḥ | gale viṣṇave
namaḥ | madhye prabhañjanāya namaḥ | maṇibandhe vasubhyo namaḥ
pṛṣṭhe haraye namaḥ | kakudi śaṃbhave namaḥ | śirasi paramātmane namaḥ | ityādisthāneṣu tripuṇḍraṃ dhārayet | trinetraṃ
triguṇādhāraṃ trayāṇāṃ janakaṃ prabhum | smarannamaḥ śivāyeti
lalāṭe tattripuṇḍrakam

267.30

kūrparādiḥ pitṛbhyāṃ tu
īśānābhyāṃ tathopari | īśābhyāṃ nama ityuktvā pārśvayośca tripuṇḍrakam

267.31

svacchābhyāṃ nama ityuktvā
dhārayettatprakoṣṭayoḥ | bhīmāyeti tathā pṛṣṭhe śivāyeti ca
pārśvayoḥ

267.32

nīlakaṇṭhāya śirasi kṣipetsarvāghamane
namaḥ | pāpaṃ nāśayate kṛtsnamapi janmāntarārjitam

267.33

kaṇṭhopari kṛtaṃ pāpaṃ naṣṭaṃ syāttatra dhāraṇāt | karṇe tu
dhāraṇātkarṇarogādikṛtapātakam

267.34

bāhvorbāhukṛtaṃ
pāpaṃ vakṣaḥsu manasā kṛtam | nābhyāṃ śiśnakṛtaṃ pāpaṃ pṛṣṭhe
gudakṛtaṃ tathā

267.35

pārśvayordhāraṇātpāpaṃ paruyāliṅganādikam | tadvatsarvadhāraṇaṃ kuryātsarvatraiva tripuṇḍrakam

267.36

brahmaviṣṇumaheśānāṃ trayagnīnāṃ ca dhāraṇam | guṇalokatrayāṇāṃ ca dhāraṇaṃ tena vai śrutam

267.36.p1

iti caturthaṃ brāhmaṇam

Linked texts (11)