Upanishads 268

Upaniṣads 268

Language: Sanskrit

268.19 — 1 part

268.1

mānastokena mantreṇa mantritaṃ bhasma dhārayet | ūrdhvapuṇḍraṃ
bhavetsāmaṃ madhyapuṇḍraṃ triyāyuṣam

268.2

triyāyuṣāṇi
kurute lalāṭe ca bhujadvaye | nābhau śirasi hṛtpārśve brāhmaṇāḥ kṣatriyāstathā

268.3

traivarṇikānāṃ sarveṣāmagnihotrasamudbhavam | idaṃ mukhyaṃ gṛhasthānāṃ virajānalajaṃ bhavet

268.4

virajānalajaṃ caiva dhāryaṃ proktaṃ maharṣibhiḥ | aupāsanasamutpannaṃ gṛhasthānāṃ viśeṣataḥ

268.5

samidagnisamutpannaṃ dhāryaṃ vai brahmacāriṇā | śūdrāṇāṃ śrotriyāgārapacanāgnisamudbhavam

268.6

anyeṣāmapi sarveṣāṃ dhāryaṃ
caivānalodbhavam | yatīnāṃ jñānadaṃ proktaṃ vanasthānāṃ viraktidam

ativarṇāśramāṇāṃ tu śmaśānāgnisamudvam | sarveṣāṃ devālayasthaṃ bhasma śivāgnijaṃ śivayoginām | śivālayasthaṃ talliṅgaliṃ vā mantrasaṃskāradagdhaṃ vā
tatraite ślokā bhavanti | tenādhītaṃ śrutaṃ tena tena sarvamanuṣṭhitam | yena vipreṇa śirasi tripuṇḍraṃ bhasmanā dhṛtam

268.8

tyaktavarṇāśramācāro luptasarvakriyo'pi yaḥ | sakṛttryakatripuṇḍrāṅkadhāraṇātso'pi pūjyate

268.9

ye bhasmadhāraṇaṃ tyaktvā karma kurvanti mānavāḥ | teṣāṃ nāsti vinirmokṣaḥ saṃsārājanmakoṭibhiḥ

268.10

mahāpātakayuktānāṃ pūrvajanmārjitāgasām | tripuṇḍroddhūlanadveṣo jāyate
suddaḍhaṃ budhāḥ

268.11

yeṣāṃ kopo bhavedbrahmalalāṭe bhasmadarśanāt | teṣāmutpattisāṃkaryamanumeyaṃ vipaścitā

268.12

yeṣāṃ nāsti mune śraddhā śraute bhasmani sarvadā | garbhādhānādisaṃskārasteṣāṃ nāstīti niścayaḥ

268.13

ye bhasmadhāriṇaṃ dṛṣṭvā narāḥ kurvanti tāḍanam | teṣāṃ caṇḍālato janma
brahmannūhyaṃ vipaścitā

268.14

yeṣāṃ krodho bhavedbhasmadhāraṇe tatpramāṇake | te mahāpātakairyuktā iti śāstrasya niścayaḥ

268.15

tripuṇḍraṃ ye vinindanti nindanti śivameva
te | dhārayanti ca ye bhaktyā dhārayanti śivaṃ ca te

268.16

dhigbhasmarahitaṃ phālaṃ dhiggrāmamaśivālayam

268.16-2

dhiganīśārcanaṃ janma dhigvidyāmaśivāśrayām

268.17

rudrāgneyatparaṃ vīryaṃ tadbhasma parikīrtitam | tasmātsarveṣu
kāleṣu vīryavānbhasmasaṃyutaḥ

268.18

bhasmaniṣṭhasya dahyante
doṣā bhasmāgnisaṃgamāt | bhasmasnānaviśuddhātmā bhasmaniṣṭa iti smṛtaḥ

268.19

bhasmasaṃdigdhasarvāṅgo bhasmadīptatripuṇḍrakaḥ | bhasmaśāyī ca puruṣo bhasmaniṣṭha iti smṛtaḥ

268.19.p1

iti pañcamaṃ brāhmaṇam