Upanishads 269

Upaniṣads 269

Language: Sanskrit

269.12 — 1 part

269.1

atha bhusuṇḍaḥ kālāgnirudraṃ nāmapañcakasya māhātmyaṃ
brūhīti hovāca | atha vasiṣṭhavaṃśajasya śatabhāryāsametasya
dhanaṃjayasya brāhmaṇasya jyeṣṭhabhāryāputraḥ karuṇa iti nāma
tasya śucismitā bhāryā | asau karuṇo bhrātṛvairamasahamāno bhavānītaṭasthaṃ nṛsiṃhamagamat | tatra devasamīpe'nyenopāyanārthaṃ samarpitaṃ jambīraphalaṃ gṛhītvājighrattadā tatrasthā aśapanpāpa makṣiko bhava varṣāṇāṃ śatamiti | so'pi śāpamādāya makṣikaḥ sansvaceṣṭitaṃ tasyai nivedya māṃ
rakṣeti svabhāryāmavadattadā makṣiko'bhavattamevaṃ jñātvā
jñātayastailamadhye hyamārayantsā mṛtaṃ patimādāyārundhatīmagamadbhro śucismite śokenālamarundhatyāhāmuṃ jīvayāmyadya vibhūtimādāyeti eṣāmihotrajaṃ bhasma | mṛtyuṃjayena
mantreṇa mṛtajantau tadākṣipat | mandavāyustadā jajñe vyajanena śucismitaḥ

269.2

udatiṣṭhattadā janturbhasmano'sya
prabhāvataḥ | tato varṣaśate pūrṇe jñātireko hyamārayat

269.3

bhasmaiva jīvayāmāsa kāśyāṃ pañca tadābhavan | devānapi
tathābhūtānmāmapyetādṛśaṃ purā

269.4

tasmāttu bhasmanā
jantuṃ jīvayāmi tadānaghe | ityevamuktvā bhagavāndadhīciḥ
samajāyata

269.5

svarūpaṃ ca tato gatvā svamāśramapadaṃ
yayāviti || idānīmasya bhasmanaḥ sarvāghabhakṣaṇasāmarthyaṃ
vidhatta ityāha | śrīgautamavivāhakāle tāmahalyāṃ dṛṣṭvā
sarve devāḥ kāmāturā abhavan tadā naṣṭajñānā dūrvāsasaṃ
gatvā papracchustaddoṣaṃ śamayiṣyāmītyuvāca tataḥ śatarudreṇa
mantreṇa mantritaṃ bhasma vai purā mayāpi dattaṃ brahmahatyādi
śāntam | ityevamuktvā dūrvāsā dattavānbhasma cottamam
jātā madvacanātsarve yūyaṃ te'dhikatejasaḥ

269.6

śatarudreṇa mantreṇa bhasmoddhūlitavigrahāḥ | nirdhūtarajasaḥ sarve
tatkṣaṇācca vayaṃ mune

269.7

āścaryametajjānīmo bhasmasāmarghyamīdṛśam | asya bhasmanaḥ śaktimanyāṃ śṛṇu | etadeva
hariśaṃkarayorjñānapradam | brahmahatyādipāpanāśakam | mahāvibhūtidamiti śivavakṣasi sthitaṃ nakhenādāya praṇavenābhimantrya gāyatryā pañcākṣareṇābhimantrya harirmastakagātreṣu
samarpayet tathā hṛdi dhyāyasveti harimuktvā haraḥ svahṛdi
dhyātvā dṛṣṭo dṛṣṭa iti śivamāha | tato bhasma bhakṣyeti
harimāha harastataḥ | bhakṣayiṣye śivaṃ bhasma jñātvāhaṃ bhasmanā purā

269.8

pṛṣṭveśvaraṃ bhaktigamyaṃ bhasmābhakṣayadacyutaḥ | tatrāścaryamatīvāsītpratibimbasamadyutiḥ

269.9

vāsudevaḥ śuddhasuktāphalavarṇo'bhavatkṣaṇāt | tadāprabhṛti śuklābho vāsudevaḥ prasannavān

269.10

na śakyaṃ bhasmano
jñānaṃ prabhāvaṃ te kuto vibho | namaste'stu namaste'stu
tvāmahaṃ śaraṇaṃ gataḥ

269.11

tvatpādayugale śaṃbho bhaktirastu sadā mama | bhasmadhāraṇasaṃpanno mama bhakto bhaviṣyati

269.12

ata evaiṣā bhūtirbhūtikarītyuktā | asya
purastāddhasava āsanrudrā dakṣiṇata ādityāḥ paścādviśvedevā
uttarato brahmaviṣṇumaheśvarā nābhyāṃ sūryācandramasau pārśvaṃyostadetaddacābhyuktam | ṛco akṣare parame vyoman | yasbhindevā adhiviśce niṣeduḥ | yastanna veda kimṛcā kariṣyati | ya ittadvidusta ime samāsate | ya etadvṛhajjābālaṃ
sārvakāmikaṃ mokṣadvāramṛḍmayaṃ yajurmayaṃ sāmamayaṃ brahmamayamamṛtamayaṃ bhavati| ya etadvṛhajjābālaṃ bālo vā yuvā vā
veda sa mahānbhavati | sa guruḥ sarveṣāṃ mantrāṇāmupadeṣṭā
bhavati | mṛtyutārakaṃ guruṇā labdhaṃ kaṇṭhe bāhau śikhāyāṃ
vā badhnīta | saptadvīpavatī bhūmirdakṣiṇārthaṃ nāvakalpate
tasmācchraddhayā yāṃ kāñciddāṃ dadyātsā dakṣiṇā bhavati

269.12.p1

iti ṣaṣṭhaṃ brāhmaṇam || 6