Pramāṇa · Search · About · API

Upanishads 271

Upaniṣads 271

Language
Sanskrit

Contents

271.1

atha bṛhajjābālasya phalaṃ no brūhi bhagavanniti sa hovāca ya etadbṛhajjābālaṃ nityamadhīte so'gnipūto bhavati
sa vāyupūto bhavati sa ādityapūto bhavati sa somapūto bhavati sa brahmapūto bhavati sa viṣṇupūto bhavati sa
rudrapūto bhavati sa sarvapūto bhavati sa sarvapūto bhavati

271.2

ya etadbṛhajjābālaṃ nityamadhīte so'gniṃ stambhayati sa ādityaṃ stambhayati sa somaṃ stambhayati sa udakaṃ
stambhayati sa sarvāndevānstambhayati sa sarvāngṛhānstambhayati sa viṣaṃ stambhayati sa viṣaṃ stambhayati

271.3

ya etadbṛhajjābālaṃ nityamadhīte sa mṛtyuṃ tarati
sa pāpmānaṃ tarati sa brahmahatyāṃ tarati sa bhrūṇahatyāṃ
tarati sa vīrahatyāṃ tarati sa sarvahatyāṃ tarati sa
saṃsāraṃ tarati sa sarvaṃ tarati sa sarvaṃ tarati

271.4

ya
etadbṛhajjābālaṃ nityamadhīte sa bhūrlokaṃ jayati sa bhuvarlokaṃ jayati sa suvarlokaṃ jayati sa maharlokaṃ jayati sa
janolokaṃ jayati sa tapolokaṃ jayati sa satyalokaṃ jayati sa sarvāṃllokāñjayati sa sarvāṃllokāñjayati

271.5

ya etadbṛhajjābālaṃ nityamadhīte sa ṛco'dhīte sa yajūṣyadhīte sa sāmānyadhīte so'tharvaṇamadhīte so'ṅgirasamadhīte sa śākhā adhīte sa kalpānadhīte sa nārāśaṃsīradhīte sa purāṇānyadhīte sa brahmapraṇavamadhīte sa
brahmapraṇavamadhīte

271.6

anupanītaśatamekamekenopanītena tatsamamupanītaśatamekamekena gṛhasthena tatsamaṃ
gṛhasthaśatamekamekena vānaprasthena tatsamaṃ vānaprasthaṃ
śatamekamekena yatinā tatsamaṃ yatīnāṃ tu śataṃ
pūrṇamekamekena rudrajāpakena tatsamaṃ rudrajāpakaśatamekamekena
atharvaśiraḥśikhādhyāpakena tatsamamamatharvaśiraḥśikhādhyāpakaśatamekamekena bṛhajjābālopaniṣaddhyāpakena tatsamaṃ tadvā
etatparaṃ dhāma bṛhajjābālopaniṣajjapaśīlasya yatra na sūryastapati yatra na vāyurvāti yatra na candramā bhāti yatra na
nakṣatrāṇi bhānti yatra nāgnirdahati yatra na mṛtyuḥ praviśati yatra na duḥkhāni praviśanti sadānandaṃ paramānandaṃ
śāntaṃ śāśvataṃ sadāśivaṃ brahmādivanditaṃ yogidhyeyaṃ paraṃ
padaṃ yatra gatvā na nivartante yoginastadetadyacābhyuktam
tadviṣṇoḥ paramaṃ padaṃ sadā paśyanti sūrayaḥ | divīva cakṣurātanam || tadviprāso vipanyavo jāgṛvāṃsaḥ samindhate
viṣṇoryatparamaṃ padaṃ || oṃ satyamityupaniṣat

271.6.p1

ityaṣṭamaṃ brāhmaṇam || 8

Linked texts (4)