Upanishads 277

277.20

oṃ vāṅme manasīti śāntiḥ || iti kauṣītakibrāhmaṇopaniṣatsamāptā
oṃ bhadraṃkarṇebhiriti śāntiḥ || hariḥ om| atha sūryāṃtharvāṅgirasaṃ vyākhyāsyāmaḥ| brahmā ṛṣiḥ| gāyatrī cchandaḥ
ādityo devatā | haṃsaḥ so'hamagninārāyaṇayuktaṃ bījam| hallekhā śaktiḥ | viyadādisargasaṃyuktaṃ kīlakam
caturvidhapuruṣārthasiddhyarthe jape viniyogaḥ| ṣaṭsvarārūḍhena
bījena ṣaḍaṅgaṃ raktāmbujasaṃsthitaṃ saptāśvarathinaṃ hiraṇyavarṇaṃ caturbhujaṃ padmadvayābhayavaradahastaṃ kālacakrapraṇetāraṃ
śrīsūryanārāyaṇaṃ ya evaṃ veda sa vai brāhmaṇaḥ| oṃ bhūrbhuvaḥ suvaḥ| oṃ tatsaviturvareṇyaṃ bhargo devasya dhīmahi
dhiyo yo naḥ pracodayāt| sūrya ātmā jagatastasthuṣaśca| sūryādvai khalvimāni bhūtāni jāyante| sūryādyajñaḥ
parjanyo'nnamātmā| namasta āditya| tvameva pratyakṣaṃ
karmakartāsi| tvameva pratyakṣaṃ brahmāsi| tvameva pratyakṣaṃ
viṣṇurasi| tvameva pratyakṣaṃ rudro'si| tvameva pratyakṣamṛgasi| tvameva pratyakṣaṃ yajurasi| tvameva pratyakṣaṃ sāmāsi
tvameva pratyakṣamatharvāsi| tvameva sarvaṃ chando'si| ādityādvāyurjāyate| ādityādbhūmirjāyate| ādityādāpo
jāyante| ādityājjyotirjāyate| ādityādyoma diśo
jāyante | ādityādevā jāyante | ādityādvedā jāyante
ādityo vā eṣa etanmaṇḍalaṃ tapati | asāvādityo brahma
ādityo'ntaḥkaraṇaṃmanobuddhicittāhaṃkārāḥ | ādityo vai
vyānaḥ samānodāno'pānaḥ prāṇaḥ | ādityo vai śrotratvakcakṣūrasanaghrāṇāḥ | ādityo vai vākpāṇipādapāyūpasthāḥ | ādityo vai śabdasparśarūparasagandhāḥ | ādityo
vai vacanādānagamanavisargānandāḥ | ānandamayo vijñānamayo vijñānamayaghana ādityaḥ | namo mitrāya bhānave
mṛtyormā pāhi | ajiṣṇave viśvahetave namaḥ
sūryādevanti bhūtāni sūryeṇa pālitāni tu | sūrye layaṃ
prāmuvanti yaḥ sūryaḥ so'hameva ca | cakṣurno devaḥ savitā
cakṣurna uta parvataḥ | cakṣurdhātā dadhātu naḥ | ādityāya
vidmahe sahasrakiraṇāya dhīmahi | tannaḥ sūryaḥ pracodayāt
savitā purastātsavitā paścāttātsavitottarāttātsavitādharāttātsavitā naḥ suvatu sarvatātiḥ savitā no rāsatāṃ
dīrghamāyuḥ | omityekākṣaraṃ brahma | ghṛṇiriti dve akṣare
sūrya ityakṣaradvayam | āditya iti trīṇyakṣarāṇi | etasyaiva sūryasyāṣṭākṣaro manuḥ | yaḥ sadāharaharjapati sa
vai brāhmaṇo bhavati sa vai brāhmaṇo bhavati | sūryābhimukho japavā mahāvyādhibhayātpramucyate | alakṣmīrnaśyati | abhakṣyabhakṣaṇātpūto bhavati | agamyāgamanātpūto
bhavati | patitasaṃbhāṣaṇātpūto bhavati | asatsaṃbhāṣaṇātpūto bhavati | madhyāhne sūryābhimukhaḥ paṭhet
sadyotpannapañcamahāpātakātpramucyate | saiṣā sāvitrīṃ vidyāṃ
na kiṃcidapi na kasmaicidpraśaṃsayet | ya etāṃ mahābhāgaḥ
prātaḥ paṭhati sa bhāgyavāñjāyate paśūnivandati | vedārthaṃ
labhate | trikālametajjaptvā kratuśataphalamavāpnoti
hastādipye japati sa mahāsmṛtyuṃ tarati sa mahāsmṛtyuṃ
tarati ya evaṃ veda || ityupaniṣat | hariḥ oṃ tatsat
oṃbhadraṃ karṇebhiriti śāntiḥ
iti sūryopaniṣatsamāptā
kṛṣṇopaniṣat