Pramāṇa · Search · About · API

Upanishads 278

Upaniṣads 278

Language
Sanskrit

278.1

yo rāmaḥ kṛṣṇatāmetya sārvātmyaṃ prāpya līlayā
atopayahevamaunipaṭalaṃ taṃ nato'smyaham

278.1-2

oṃbhadraṃ karṇebhiriti śāntiḥ|| hariḥ oṃ śrīmahāviṣṇuṃ
saccidānandalakṣaṇaṃ rāmacandraṃ dṛṣṭvā sarvāṅgasundaraṃ munayo
vanavāsino vismitā babhūvuḥ | taṃ hocurno'vadyamavatārānvai gaṇyante āliṅgāmo bhavantamiti | bhavāntare kṛṣṇāvatāre yūyaṃ gopikā bhūtvā māmāliṅgatha anye ye'vatārāste hi gopā na strīśca no kuru | anyonyavigrahaṃ dhāryaṃ tavāṅgasparśanādiha | śaśvatsparśayitāsmākaṃ
gṛhlīmo'vatārānvayam

278.2

rudrādīnāṃ vacaḥ śutvā provāca bhagavānsvayam | aṅgasaṅgaṃ kariṣyāmi bhavadvākyaṃ karomyaham

278.3

moditāste surāḥ sarve kṛtakṛtyā'dhunā vayam | yo nandaḥ paramānando yaśodā muktimohinī

278.4

māyā sā trividhā proktā sattvarājasatāmasī | proktā ca sāttvikī rudre bhakte brahmāṇi rājasī

278.5

tāmasī daityapakṣeṣu māyā tredhā hyudāhatā | ajeyā vaiṣṇavī māyā japyena ca sutā purā

278.6

devakī
brahmaputrā sā yā vedairupagīyate | nigamo vasudevo yo
vedārthaḥ kṛṣṇarāmayoḥ

278.7

stuvīta satataṃ yastu
so'vatīrṇo mahītale | vane vṛndāvane krīḍan gopagopīsuraiḥ saha

278.8

gopyo gāva ṛcastasya yaṣṭikā kamalāsanaḥ | vaṃśastu bhagavānrudraḥ śrṛṅgamindraḥ sagosuraḥ

278.9

gokulaṃ vanavaikuṇṭhaṃ tāpasāstatra te drumāḥ | lobhakrodhādayo daityāḥ kalikālastiraskṛtaḥ

278.10

goparūpo
hariḥ sākṣānmāyāvigrahadhāraṇaḥ | durbodhaṃ kuhakaṃ tasya
māyayā mohitaṃ jagat

278.11

durjayā sā suraiḥ sarvairdhṛṣṭirūpo'bhavaddvijaḥ | rudro yena kṛto vaṃśastasya māyā
jagatkatham

278.12

balaṃ jñānaṃ surāṇāṃ vai teṣāṃ jñānaṃ
hataṃ kṣaṇāt | śeṣanāgo'bhavadrāmaḥ kṛṣṇo brahmaiva śāśvatam

278.13

aṣṭāvaṣṭasahasre dve śatādhikyā striyastathā
ṛcopaniṣadastāṃ vai brahmarūpā ṛcaḥ striyaḥ

278.14

dveṣaśrāṇūramallo'yaṃ matsaro muṣṭiko jayaḥ | darpaḥ kuvalayāpīḍo garvo rakṣaḥ khago bakaḥ

278.15

dayā sā rohiṇī
mātā satyabhāmā dhareti vai | aghāsuro mahāvyādhiḥ
kaliḥ kaṃsaḥ sa bhūpatiḥ

278.16

śamo mitraḥ sudāmā ca
satyākroddhavo damaḥ | yaḥ śaṅkhaḥ sa svayaṃ viṣṇurlakṣmīrūpo
vyavasthitaḥ

278.17

dugdhasindhau samutpanno meghaghoṣastu
saṃsmṛtaḥ | dugdhodadhiḥ kṛtastena bhannabhāṇḍo dadhigrahe

278.18

krīḍate bālako bhūtvā pūrvavatsumahodadhau
saṃhārārthe ca śatrūṇāṃ rakṣaṇāya ca saṃsthitaḥ

278.19

kṛpārthe sarvabhūtānāṃ goptāraṃ dharmamātmajam | yatsaptaṣṭumīśvareṇāsīttaccakraṃ brahmarūpadhṛk

278.20

jayantīsaṃbhavo
vāyuśramaro dharmasaṃjñitaḥ | yasyāsau jvalanābhāsaḥ
khaḍgarūpo maheśvaraḥ

278.21

kaśyapolūkhalaḥ khyāto
rajjurmātāditistathā | cakraṃ śāṅgaṃ ca saṃsiddhiṃ binduṃ
ca sarvamūrdhani

278.22

yāvanti devarūpāṇi vadanti vibudhā janāḥ | namanti devarūpebhya evamādi na
saṃśayaḥ

278.23

gadā ca kālikā sākṣātsarvaśatrunibarhiṇī | dhanuḥ śāṅgaṃ svamāyā ca śaratkālaḥ subhojanaḥ

278.24

ajakāṇḍaṃ jagadbījaṃ dhṛtaṃ pāṇau svalīlayā
garuḍo vaṭabhāṇḍīraḥ sudāmā nārado muniḥ

278.25

vṛndā bhaktiḥ kriyā buddhiḥ sarvajantuprakāśinī | tasmānna
bhinnaṃ nābhinnamābhirbhinno na vai vibhuḥ

278.21-2

bhūmāvuttāritaṃ sarvaṃ vaikuṇṭhaṃ svargavāsinām || sarvatīrthaphalaṃ labhate ya evaṃ veda | dehabandhādvimucyate || ityupaniṣat || oṃ bhadraṃ karṇebhiriti śāntiḥ || hariḥ oṃ tatsat
iti kṛṣṇopaniṣatsamāptā
hayagrīvopaniṣat

Linked texts (6)