Upanishads 281

Upaniṣads 281

Language: Sanskrit

281.1

dattātreyībrahmavidyāsaṃvedyānandavigraham
tripānnārāyaṇākāraṃ dattātreyamupāsmahe

bhadraṃ karṇebhiriti śāntiḥ || hariḥ oṃ satyakṣetre
brahmā nārāyaṇaṃ mahāsāmrājyaṃ kiṃ tārakaṃ tanno brūhītyuvāca bhagavannityuktaḥ satyānandacidātmakaṃ sāttvikaṃ
māmakaṃ dhāmopāssvetyāha | sadā datto'hamasmīti pratyetatsaṃvadanti yena te saṃsāriṇo bhavanti nārāyaṇenaivaṃ vivakṣito brahmā viśvarūpadharaṃ viṣṇuṃ nārāyaṇaṃ dattātreyaṃ
dhyātvā sadgadati | damiti haṃsaḥ | dāmiti dīrghaṃ tadbījaṃ
nāma bījastham | dāmityekākṣaraṃ bhavati | tadetattārakaṃ
bhavati | tadevopāsitavyaṃ vijñeyaṃ garbhāditāraṇam
gāyatrī chandaḥ | sadāśiva ṛṣiḥ | dattātreyo devatā
vaṭabījasthamiva dattabījasthaṃ sarvaṃ jagat | etadevaikākṣaraṃ
vyākhyātam | vyākhyāsye ṣaḍakṣaram | omiti prathamam
śrīmiti dvitīyam | hīmiti tṛtīyam | klīmiti caturtham | glaumiti pañcamam | drāmiti ṣaṣṭham | ṣaḍakṣaro'yaṃ bhavati | sarvasaṃpadvṛddhikaro bhavati | yogānubhavo
bhavati | gāyatrī chandaḥ | sadāśiva ṛṣiḥ | dattātreyo
devatā | dramityuktvā drāmityuktvā vā dattātreyāya
nama ityaṣṭākṣaraḥ | dattātreyāyeti satyānandacidātmakam | nama iti pūrṇānandakavigraham | gāyatrī chandaḥ | sadāśiva ṛṣiḥ | dattātreyo devatā | dattātreyāyeti kīlakam | tadeva bījam | namaḥśaktirbhavati
omiti prathamam | āmiti dvitīyam | hrīmiti tṛtīyam | kromiti caturtham | ehīti tadeva vadet
dattātreyeti svāheti mantrarājo'yaṃ dvādaśākṣaraḥ | jagatī chandaḥ | sadāśiva ṛṣiḥ | dattātreyo devatā
omiti bījam | svāheti śaktiḥ | saṃbuddhiriti kīlakam | dramiti hṛdaye | hrīṃ krīmiti śīrṣe | ehīti
śikhāyām | datteti kavace | ātreyeti cakṣuṣi | svāhetyastre | tanmayo bhavati | ya evaṃ veda | ṣoḍaśākṣaraṃ vyākhyāsye | prāṇaṃ deyam | mānaṃ deyam | cakṣurdeyam | śrotraṃ
deyam | ṣaḍdaśaśiraśchinatti ṣoḍaśākṣaramantro na deyo
bhavati | atisevāparabhaktaguṇavacchiṣyāya vadet | omiti prathamaṃ bhavati | aimiti dvitīyam | kromiti tṛtīyam | krīmiti caturtham | krīmiti pañcamam | hrāmiti
ṣaṣṭham | hrīmiti saptamam | hramityaṣṭamam | sauriti
navamam | dattātreyāyeti caturdaśa | svāheti ṣoḍaśa
gāyatrī chandaḥ | sadāśiva ṛṣiḥ | dattātreyo devatā
oṃ bījam | svāhā śaktiḥ | caturthyantaṃ kīlakam | omiti hṛdaye | krāṃ krīṃ krūmiti śikhāyām | sauriti
kavace | caturthyantaṃ cakṣuṣi | svāhetyastre | yo nityamadhīyānaḥ saccidānandasukhī mokṣī bhavati | saurityante śrīvaiṣṇava ityucyate | tajjāpī viṣṇurūpī bhavati | anuṣṭup
chando vyākhyāsye | sarvatra saṃbuddhirimānītyucyante
dattātreya hare kṛṣṇa unmattānandadāyaka | digambara mune
bāla piśāca jñānasāgara

281.1-3

281.2

iti prathamaḥ khaṇḍaḥ
omiti vyāharet | oṃ namo bhagavate dattātreyāya
smaraṇamātrasaṃtuṣṭāya mahābhayanivāraṇāya mahājñānapradāya
cidānandātmane bālonmattapiśācaveṣāyeti mahāyogine'vadhūtāyeti anusūyānandavardhanāyātriputrāyeti sarvakāmaphalapradāya omiti vyāharet | bhavabandhamocanāyeti hrīmiti vyāharet | sakalavibhūtidāyeti kromiti
vyāharet| sādhyākarṣaṇāyeti sauriti vyāharet| sarvamanaḥkṣobhaṇāyeti śrīmiti vyāharet| mahomiti vyāharet| ciraṃjīvine vaṣaḍiti vyāharet| vaśīkuruvaśīkuru
vauṣaḍiti vyāharet| ākarṣayākarṣaya humiti vyāharet| vidveṣayavidveṣaya phaḍiti vyāharet| uccāṭayoccāṭaya
ṭhaṭheti vyāharet| stambhayastambhaya khakheti vyāharet| mārayamāraya namaḥsaṃpannāya namaḥ namaḥsaṃpannāya svāhā poṣayapoṣaya paramantraparayantraparatantrām̐śchindhicchindhi grahānnivārayanivāraya vyādhīnnivārayanivāraya duḥkhaṃ harayaharaya dāridryaṃ
vidrāvayavidrāvaya dehaṃ poṣayapoṣaya cittaṃ toṣayatoṣayeti
sarvamantrasarvayantrasarvatantrasarvapallavasvarūpāyeti oṃ namaḥ
śivāyetyupaniṣat

281.1-4

iti dvitīyaḥ khaṇḍaḥ || || ya
evaṃ veda| anuṣṭup chandaḥ| sadāśiva ṛṣiḥ| dattātreyo devatā| omiti bījam| svāheti śaktiḥ| drāmiti kīlakam| aṣṭamūrtyaṣṭamantrā bhavanti| yo niyamadhīte vāyvagnisomādityabrahmaviṣṇurudraiḥ pūto bhavati
gāyatryāḥ śatasahasraṃ japaṃ bhavati| mahārudraśatasahasrajāpī
bhavati| praṇavāyutakoṭijapo bhavati| śatapūrvāñchatāparānpunāti| sa paṅktipāvano bhavati| brahmahatyādipātaikairmukto bhavati| gohatyādipātakairmukto bhavati
tulāpuruṣādidānaiḥ prapādānataḥ pūto bhavati| aśeṣapāpānmukto bhavati| abhakṣyābhakṣapāpairmukto bhavati
sarvamantrayogapārīṇo bhavati | sa eva brāhmaṇo bhavati
tasmācchiṣyaṃ bhaktaṃ pratigṛhṇīyāt | so'nantaphalamaśnute
sa jīvanmukto bhavatītyāha bhagavānnārāyaṇo brahmāṇamityupaniṣat | oṃ bhadraṃ karṇebhiriti śāntiḥ || hariḥ oṃ tatsat
iti dattātreyopaniṣatsamāptā
rudrākṣopaniṣadvedyaṃ mahārudratayojjvalam
pratiyogivinirmuktaṃ śivamātrapadaṃ bhaje

281.1-5

oṃ āpyāyantu iti śāntiḥ
hariḥ om || atha hainaṃ kālāgnirudraṃ bhusuṇḍaḥ
papraccha kathaṃ rudrākṣotpattiḥ | taddhāraṇādikaṃ phalamiti
taṃ hovāca bhagavānkālāgnirudraḥ | tripuravadhārthamahaṃ
nimīlitākṣo'bhavam | tebhyo jalabindavo bhūmau patitāste rudrākṣā jātāḥ | sarvānugrahārthāya teṣāṃ nāmoccāramātreṇa daśagopradānaphalaṃ darśanasparśanābhyāṃ dviguṇaṃ
phalamata ūrdhvaṃ vaktuṃ na śaknomi | tatraite ślokā bhavanti
kasminnisthataṃ tu kiṃ nāma kathaṃ vā dhāryate naraiḥ | katibhedamukhānyatra kairmantrairdhāryate katham

Linked texts (12)

Rudrākṣajābālopaniṣad — Sanskrit
Īśādiviṃśottaraśatopaniṣadaḥ — Sanskrit
Dattātreyopaniṣad — Sanskrit
Kriyāsāra — Śrīkaṇtha, Sanskrit
Aṣṭāviṃśatyupaniṣad — Sanskrit
Śaivopaniṣat — Sanskrit
Various Upaniṣads — Sanskrit
Śaivopaniṣadbhāga — Sanskrit
Rudrākṣopaniṣad — Sanskrit
Aṣṭottaraśatopaniṣadaḥ — Sanskrit
Śaivaratnākara — Jyotirnātha, Sanskrit
Sadācārasamuccaya — Harerāma Śarman, Sanskrit

Upanishads 281

281.1

281.1-2

281.1-3

281.2

281.1-4

281.1-5

281.2-2

281.3

281.4

281.5

281.6

281.7

281.8

281.9

281.10

281.11

281.12

281.13

281.14

281.15

281.16

281.17

281.18

281.19

281.20

281.21

281.22

281.23

Linked texts (12)