Pramāṇa · Search · About · API

Upanishads 285

Upaniṣads 285

Language
Sanskrit

285.1

samyak parīkṣya dātavyamevamaṣṭottaraṃ śatam
yaḥ paṭhecchṛṇuyādvāpi sa māmeti na saṃśayaḥ
tadetadcāyuktam | tridhyā ha vai brāhmaṇamājagāma gopāya māṃ śevadhiṣṭe'hamasmi | asūyakāyānṛjave śaṭhāya mā mā brūyā vīryavatī tathā syām || yamevaiṣa vidyāśrutamapramattaṃ medhāvinaṃ brahmacaryopapannam | asmā imāmupasannāya samyak parīkṣya dyādvaiṣṇavīmātmaniṣṭhām

285.1-2

iti || atha hainaṃ śrīrāmacandraṃ mārutiḥ papraccha ṛgvedādivibhāgena pṛthak śāntimanubrūhīti | sahovāca śrīrāmaḥ | aitareyakauṣotakinādabindvātmaprabodhanirvāṇamudgalākṣamālikātripurāsaubhāgyabahvṛcānām ṛgvedagatānāṃ daśasaṃkhyākānāmupaniṣadāṃ vāṅme manasīti śāntiḥ

285.2

īśāvāsyabṛhadāraṇyajābālahaṃsaparamahaṃsaśubālamatrikānirālambatriśikhībrāhmaṇamaṇḍalabrāhmaṇādvayatārakapaiṅgalabhikṣuturīyātītādhyātmatārasārayājñavalkyaśāṭhyāyanīmuktikānāṃ śuklayajurvedagatānāmekonaviṃśatisaṃkhyākānāmupaniṣadāṃ pūrṇamada iti śāntiḥ

285.3

kaṭhavallītaittirīyakabrahmakaivalyaśvetāśvataragarbhanārāyaṇāmṛtabindumṛtanādakālāgnirudrakṣurikāsarvasāraśukarahasyatejobindudhyānabindubrahmavidyāyogatattvadakṣiṇāmūrtiskandaśārīrakayogaśikhaikākṣarākṣyavadhūtakaṭharudrahṛdayogakuṇḍalinīpañcabrahmaprāṇāgniho
travarāhakalisaṃtaraṇasarasvatīrahasyānāṃ kṛṣṇayajurvedagatānāṃ dvātriṃśatsaṃkhyākānāmupaniṣadāṃ sahanā vavatviti
śāntiḥ

285.4

kenacchāndogyāruṇimaitrāyaṇimaitreyīvajrasūcikāyogacūḍāmaṇivāsudevamahatsanyāsāvajrakuṇḍakāsāvitrīrudrākṣajābāladarśanajābālīnāṃ sāmavedagatānāṃ ṣoḍaśasaṃkhyākānāmupaniṣadāmāpyāyantviti śāntiḥ

285.5

praśnamuṇḍakamāṇḍūkyātharvaśiro'tharvaśikhābṛhajjābālanṛsiṃhatāpanīnāradaparivrājakasītāśārabhamahānārāyaṇarāmarahasyarāmatāpanīśāṇḍilyaparamahaṃsaparivrājakātrapūrṇāsūryātmapāśupataparabrahmatripurātapanadevībhāvanābrahmajābālagaṇapatimahāvākyagopālatapanakṛṣṇahayagrīvadattātreyagāruḍānāmatharvavedagatānāmekatriṃśatsaṃkhyānāmupaniṣadāṃ bhadraṃ karṇebhiriti śāntiḥ

Linked texts (8)