Upanishads 29
Upaniṣads 29
- Language
- Sanskrit
29.1
vedamanūcyācāryo'ntevāsinamanuśāsti || satyaṃ vada
dharmaṃ cara || svādhyāyānmā pramadaḥ || ācāryāya priyaṃ
dhanamāhṛtya prajātantuṃ mā vyavacchetsīḥ || satyānna pramaditavyam || dharmānna pramaditavyam || kuśalānna pramaditavyam || bhūtyai na pramaditavyam || svādhyāyapravacanābhyāṃ
na pramaditavyam
29.2
devapitṛkāryābhyāṃ na pramaditavyam || mātṛdevo bhava || pitṛdevo bhava || ācāryadevo bhava
athitidevo bhava || yānyanavadyāni karmāṇi || tāni
sevitavyāni || no itarāṇi || yānyasmākam̐ sucaritāni || tāni tvayopāsyāni
29.3
no itarāṇi || ye kecāsmacchreyām̐so brāhmaṇāḥ || teṣāṃ tvayā''sane na praśrasitavyam || śraddhayā deyam || aśraddhayā deyam || śriyā
deyam || hriyā deyam || bhiyā deyam || saṃvidā deyam
atha yadi te karmavicikitsā vā || vṛttavicikitsā vā
syāt
29.4
ye tatra brāhmaṇāḥ saṃmarśinaḥ || yuktā āyuktāḥ || alūkṣā dharmakāmāḥ syuḥ || yathā te tatra varteran
tathā tatra vartethāḥ || athābhyākhyāteṣu || ye tatra brāhmaṇāḥ
saṃmarśinaḥ || yuktā āyuktāḥ || alūkṣā dharmakāmāḥ syuḥ
yathā te teṣu varteran || tathā teṣu vartethāḥ || eṣa ādeśaḥ || eṣa upadeśaḥ|| eṣā vedopaniṣat|| etadanuśāsanam
evamupāsitavyam || evamu caitadupāsyam
29.11
(svādhyāyapravacanābhyāṃ na pramaditavyaṃ tāni tvayopāsyāni
syātteṣu varteran sapta ca ) || ityekādaśo'nuvākaḥ
Linked texts (7)
- Īśādiviṃśottaraśatopaniṣadaḥ — Sanskrit
- Taittirīyāraṇyaka (complete text) — Sanskrit
- Yajurveda — Sanskrit
- Aṣṭottaraśatopaniṣadaḥ — Sanskrit
- Aṣṭāviṃśatyupaniṣad — Sanskrit
- Taittirīyāruṇa — Sanskrit
- Cittiprapāṭhaka — Sanskrit