Upanishads 32
Upaniṣads 32
- Language
- Sanskrit
32.3
atha bhṛguvallī
32.1
hariḥ oṃ || saha nāvavatu || saha nau bhunaktu || saha
vīryaṃ karavāvahai || tejasvināvadhītamastu mā vidviṣāvahai
oṃ śāntiḥ śāntiḥ śāntiḥ
bhṛgurvai vāruṇiḥ || varuṇaṃ pitaramupasasāra || adhīhi
bhagavo brahmeti || tasmā etatprovāca || annaṃ prāṇaṃ cakṣuḥ
śrotraṃ mano vācamiti || taṃ hovāca || yato vā imāni
bhūtāni jāyante || yena jātāni jīvanti || yatprayantyabhisaṃviśanti || tadvijijñāsasva || tadbrahmeti || sa tapo'tapyata || sa tapastaptvā || iti prathamo'nuvākaḥ
32.2
annaṃ brahmeti vyajānāt || annāddhyeva khalvimāni
bhūtāni jāyante || annena jātāni jīvanti || annaṃ
prayantyabhisaṃviśantīti || tadvijñāya || punareva varuṇaṃ
pitaramupasasāra || adhīhi bhagavo brahmeti || taṃ hovāca
tapasā brahma vijijñāsasva || tapo brahmeti || sa tapo'tapyata || sa tapastaptvā || iti dvitīyo'nuvākaḥ
32.3-2
prāṇo brahmeti vyajānāt || prāṇāddhyeva khalvimāni
bhūtāni jāyante || prāṇena jātāni jīvanti || prāṇaṃ
prayantyabhisaṃviśantīti || tadvijñāya || punareva varuṇaṃ
pitaramupasasāra || adhīhi bhagavo brahmeti || taṃ hovāca
tapasā brahma vijijñāsasva || tapo brahmeti || sa tapo'tapyata || sa tapastaptvā || iti tṛtīyo'nuvākaḥ
32.4
mano brahmeti vyajānāt || manaso hyeva khalvimāni
bhūtāni jāyante || manasā jātāni jīvanti || manaḥ
prayantyabhisaṃviśantīti || tadvijijñāya || punareva varuṇaṃ
pitaramupasasāra || adhīhi bhagavo brahmeti || tastrovāca
tapasā brahma vijijñāsasva || tapo brahmeti || sa tapo'tapyata || sa tapastaptvā || iti caturtho'nuvākaḥ
32.5
vijñānaṃ brahmeti vyajānāt || vijñānādghyeva khalvimāni bhūtāni jāyante || vijñānena jātāni jīvanti
vijñānaṃ prayantyabhisaṃviśantīti || tadvijijñāya || punareva
varuṇaṃ pitaramupasasāra || adhīhi bhagavo brahmeti || tast
hovāca || tapasā brahma vijijñāsasva || tapo brahmeti
sa tapo'tapyata || sa tapastaptvā || iti pañcamo'nuvākaḥ
32.6
ānando brahmeti vyajānāt || ānandādghyeva khalvimāni bhūtāni jāyante || ānandena jātāni jīvanti
ānandaṃ prayantyabhisaṃviśantīti || saiṣā bhārgavī vāruṇī
vidyā || parame vyoman pratiṣṭhitā || ya evaṃ veda pratitiṣṭhati || annavānannādo bhavati || mahān bhavati prajayā
paśubhirbrahmavarcasena || mahān kīrtyā || iti ṣaṣṭho'nuvākaḥ
32.7
annaṃ na nindyāt || tadvratam || prāṇo vā annam
śarīramannādam || prāṇe śarīraṃ pratiṣṭhitam || śarīre prāṇaḥ
pratiṣṭhitaḥ || tadetadannamante pratiṣṭhitam || sa ya etadannamante pratiṣṭhitaṃ veda pratitiṣṭhati || annavānannādo bhavati
mahān bhavati prajayā paśubhirbrahmavarcasena || mahān
kīrtyā || iti saptamo'nuvākaḥ
32.8
annaṃ na paricakṣīta || tadvratam || āpo vā annam
jyotirannādam || apsu jyotiḥ pratiṣṭhitam || jyotiṣyāpaḥ pratiṣṭhitāḥ || tadetadannamante pratiṣṭhitam || sa ya
etadannamante pratiṣṭhitaṃ veda pratitiṣṭhati || annavānannādo
bhavati || mahānbhavati prajayā paśubhirbrahmavarcasena || mahānkīrtyā || ityaṣṭamo'nuvākaḥ
32.9
annaṃ bahu kurvīta || tadvratam || pṛthivī vā annam
ākāśo'nnādaḥ || pṛthivyāmākāśaḥ pratiṣṭhitaḥ || ākāśe
pṛthivī pratiṣṭhitā || tadetadannamante pratiṣṭhitam || sa ya
etadannamante pratiṣṭhitaṃ veda pratitiṣṭhati || annavānannādo
bhavati || mahānbhavati prajayā paśubhirbrahmavarcasena || mahānkīrtyā || iti navamo'nuvākaḥ