Pramāṇa · Search · About · API

Upanishads 33

Upaniṣads 33

Language
Sanskrit

33.1

na kaṃcana vasatau pratyācakṣīta || tadvratam || tasmādyayā kayā ca vidhayā bahvannaṃ prāpnuyāt || arādhyasmā
annamityācakṣate || etadvai sukhato'nnaṃ rāddham || sukhato'syā annaṃ rādhyate || etadvai madhyato'nnaṃ rāddham
madhyato'syā annaṃ rādhyate || etadvā antato'nnaṃ
rāddham || antato'syā annaṃ rādhyate

33.2

ya evaṃ
veda || kṣema iti vāci || yogakṣema iti prāṇāpānayoḥ
karmeti hastayoḥ || gatiriti pādayoḥ || vimuktiriti
pāyau || iti mānuṣīḥ samājñāḥ || atha daivīḥ || tṛptiriti
vṛṣṭau || balamiti vidyuti

33.3

yaśa iti paśuṣu
jyotiriti nakṣatreṣu || prajātiramṛtamānanda ityupasthe
sarvamityākāśe || tatpratiṣṭhetyupāsīta || pratiṣṭhāvān
bhavati || tanmaha ityupāsīta || mahān bhavati || tanmana
ityupāsīta || mānavān bhavati

33.4

tannama ityupāsīta || namyante'smai kāmāḥ || tabrahmetyupāsīta || brahmavān bhavati || tadbrahmaṇaḥ parimara ityupāsīta || paryeṇaṃ
mriyante dviṣantaḥ sapatnāḥ || pari ye'priyā bhrātṛvyāḥ
sa yaścāyaṃ puruṣe || yaścāsāvāditye || sa ekaḥ

33.5

sa ya evaṃvit || asmāllokātpretya || etamannamayamātmānamupasaṃkramya || etaṃ prāṇamayamātmānamupasaṃkramya || etaṃ
manomayamātmānamupasaṃkramya || etaṃ vijñānamayamātmānamupasaṃkramya || etamānandamayamātmānamupasaṃkramya || imām̐llokānkāmānnīkāmarūpyanusaṃcaran || etatsāmagāyannāste
hā 3 vu hā 3 vu hā 3 vu

33.6

ahamannamahamannamahamannam || ahamannādo 2 'hamannādo 2 'hamannādaḥ
ahaṃ ślokakṛdahaṃ ślokakṛdahaṃ ślokakṛt || ahamasmi
prathamajā ṛtā 3 sya || pūrvaṃ devebhyo'mṛtasya nā 3
bhāyi || yo mā dadāti sa ideva mā 3 vāḥ || ahamaṛmannamadantamā 3 oṃ || ahaṃ viśvaṃ bhuvanamabhyabhavāṃ 3
suvarṇajyotīḥ || ya evaṃ veda || ityupaniṣat

33.3-2

bhṛgustasmai yato viśanti tadvijijñāsasva tatrayodaśānnaṃ prāṇaṃ mano vijñānamiti vijñāya taṃ tapasā dvādaśa
dvādaśānanda iti saiṣādaśānnaṃ na nindyāt prāṇaḥ śarīramannaṃ na paricakṣītāpo jyotirannaṃ bahu kurvīta pṛthivyāmākāśa ekādaśaikādaśa || na kaṃcanaikaṣaṣṭirekānnaviṃśatirekānnaviṃśatiḥ || saha nāvavatu || saha nau bhunaktu
saha vīryaṃ karavāvahai || tejasvināvadhītamastu mā vidviṣāvahai || oṃ śāntiḥ śāntiḥ śāntiḥ
bhṛgurityupaniṣat
iti bhṛguvallī samāptā

33.7

śaṃ no mitraḥ śaṃ varuṇaḥ || śaṃ no bhavatvaryamā || śaṃ na
indro bṛhaspatiḥ || śaṃ no viṣṇururukramaḥ || namo brahmaṇe
namaste vāyo || tvameva pratyakṣaṃ brahmāsi || tvāmeva pratyakṣaṃ
brahma vadiṣyāmi || ṛtaṃ vadiṣyāmi || satyaṃ vadiṣyāmi
tanmāmavatu || tadvaktāramavatu || avatu māmū || avatu
vaktāram || oṃ śāntiḥ śāntiḥ śāntiḥ
iti taittirīyopaniṣatsaṃpūrṇā

Linked texts (4)