Upanishads 34
Upaniṣads 34
- Language
- Sanskrit
Contents
- 34.4 — 1 part
34.1
vāṅ me manasi pratiṣṭhitā mano me vāci pratiṣthitamāāvirāvīrma edhi || vedasya ma āṇīsthaḥ śrutaṃ me mā prahā
sīranenādhītenā'horātrānsaṃdadhāmyṛtaṃ vadiṣyāmi || satyaṃ
vadiṣyāmi || tanmāmavatu tadvaktāramavatu avatu māmavatu
vaktāramavatu vaktāram || oṃ śāntiḥ śāntiḥ śāntiḥ
ātmā vā idameka evāgra āsīnnānyatkiṃcana miṣat
sa īkṣata lokānnu sṛjā iti
34.2
sa imāṃllokānasṛjata ambho marīcīrmaramāpo'do'mbhaḥ pareṇa divaṃ dyauḥ pratiṣṭhā'ntarikṣaṃ marīcayaḥ || pṛthivī maro yā adhastāttā
āpaḥ
34.3
sa īkṣateme nu lokā lokapālānnu sṛjā
iti || so'dya eva puruṣaṃ samuddhṛtyāmūrcchayat
34.4
tamabhyatapattasyābhitaptasya mukhaṃ nirabhidyata yathāṇḍaṃ mukhādvāgvāco'gnirnāsike nirabhidyetāṃ nāsikābhyāṃ prāṇaḥ
prāṇādvāyurakṣiṇī nirabhidyetāmakṣībhyāṃ cakṣuścakṣuṣa ādityaḥ karṇau nirabhidyetāṃ karṇābhyāṃ śrotraṃ śrotrāddiśastvaṅnirabhidyata tvaco lomāni lomabhya oṣadhivanaspatayo
hṛdayaṃ nirabhidyata hṛdayānmano manasaścandramā nābhirnirabhidyata nābhyā apāno'pānānmṛtyuḥ śiśnaṃ nirabhidyata
śiśnādreto retasa āpaḥ
34.4.p1
iti prathamaḥ khaṇḍaḥ