Upanishads 38
Upaniṣads 38
- Language
- Sanskrit
Contents
- 38.4 — 1 part
38.2
upaniṣatsu dvitīyo'dhyāyaḥ
38.1
ko'yamātmeti vayamupāsmahe kataraḥ sa ātmā yena
vā paśyati yena vā śṛṇoti yena vā gandhānājighrati yena vā vācaṃ vyākaroti yena vā svādu
cāsvādu ca vijānāti
38.2-2
yadetat hṛdayaṃ manaścaitat
saṃjñānamājñānaṃ vijñānaṃ prajñānaṃ medhā dṛṣṭirdhṛtirmatirmanīṣā
jūtiḥ smṛtiḥ saṃkalpaḥ kraturasuḥ kāmo vaśa iti || sarvāṇyevaitāni prajñānasya nāmadheyāni bhavanti
38.3
eṣa
brahmaiṣa indra eṣa prajāpatirete sarve devā imāni ca pañca
mahābhūtāni pṛthivī vāyurākāśa āpo jyotīṃṣītyetānīmāni ca kṣudramiśrāṇīva || bījānītarāṇi cetarāṇi
cāṇḍajāni ca jārujāni ca svedajāni codbhijjāni
cāśvā gāvaḥ puruṣā hastino yatkiṃcedaṃ prāṇi jaṅgamaṃ ca
patatri ca yacca sthāvaraṃ sarvaṃ tatprajñānetraṃ prajñāne pratiṣṭhitaṃ
prajñānetro lokaḥ prajñā pratiṣṭhā prajñānaṃ brahma
38.4
sa
etena prajñenātmanāsmāllokādutkramyāmuṣmin svarge loke
sarvānkāmānāptvā'mṛtaḥ samabhavat samabhavat || ityom
38.4.p1
iti pañcamaḥ khaṇḍaḥ