Pramāṇa · Search · About · API

Upanishads 42

Upaniṣads 42

Language
Sanskrit

42.1

tṛtīyasya prathamaḥ khaṇḍaḥ

42.1-2

devāsurā ha vai yatra saṃyetira ubhaye prājāpatyāstaddha
devā udgīthamājahuranenainānabhibhaviṣyāma iti

42.2

te ha nāsikyaṃ prāṇamudgīthamupāsāṃcakrire taśhāsurāḥ
pāpmanā vividhustasmāttenobhayaṃ jighrati surabhi ca durgandhi
ca pāpmanā hyeṣa viddhaḥ

42.3

atha ha vācamudgīthamupāsāṃcakrire tāśhāsurāḥ pāpmanā vividhustasmāttayobhayaṃ
vadati satyaṃ cānṛtaṃ ca pāpmanā hyeṣā viddhā

42.4

atha
ha cakṣurudgīthamupāsāṃcakrire taddhāsurāḥ pāpmanā vividhustasmāttenobhayaṃ paśyati darśanīyaṃ cādarśanīyaṃ ca pāpmanā
hyetadviddham

42.5

atha ha śrotramudgīthamupāsāṃcakrire
taddhāsurāḥ pāpmanā vividhustasmāttenobhayaṃ' śṛṇoti
śravaṇīyaṃ cāśravaṇīyaṃ ca pāpmanā hyetadviddham

42.6

atha ha mana udgīthamupāsāṃcakrire taddhāsurāḥ pāpmanā
vividhustasmāttenobhayaṃ' saṃkalpayate saṃkalpanīyaṃ cāsaṃkalpanīyaṃ ca pāpmanā hyetadviddham

42.7

atha ha ya evāyaṃ
mukhyaḥ prāṇastamudgīthamupāsāṃcakrire taddhāsurā ṛtvā vidadhvaṃsuryathāśmānamākhaṇamṛtvā vidhvaṃset

42.8

evaṃ
yathāśmānamākhaṇamṛtvā vidhvaṃsata evam̐ haiva sa vidhvaṃsate ya evaṃvidi pāpaṃ kāmayate yaścainamabhidāsati sa
eṣo'śmākhaṇaḥ

42.9

naivaitena surabhi na durgandhi vijānātyapahatapāpmā hyeṣa tena yadaśnāti yatpibati tenetarān
prāṇānavatyetamu evāntato'viccotkrāmati vyādadātyevāntata iti

42.10

taddhāṅgirā udgīthamupasāṃcakre evāṅgirasaṃ manyate'ṅgānāṃ yadrasaḥ

42.11

tena taddha bṛhaspatirudgīthamupāsāṃcakra etamu eva bṛhaspatiṃ manyate
vāgghi bṛhatī tasyā eṣa patiḥ

42.12

tena taddhāyāsya udgīthamupāsāṃcakra etamu evāyāsyaṃ manyanta āsyādyadayate

42.13

tena taddha bako dālbhyo vidāṃcakāra
saha naimiṣīyānāmudgātā babhūva sa ha sraibhyaḥ kāmānāgāyati

42.14

āgātā ha vai kāmānāṃ bhavati ya
etadevaṃ vidvānakṣarasudgīthamupāsta ityadhyātmam

Linked texts (11)