Upanishads 49
Upaniṣads 49
- Language
- Sanskrit
49.1
atha hainaṃ yajamāna uvāca bhagavantaṃ vā ahaṃ vividiṣāṇītyuṣastirasmi cākrāyaṇa iti hovāca
49.2
sa
hovāca bhagavantaṃ vā ahamebhiḥ sarvairārtvijyaiḥ paryiśirṣaṃ
bhagavato vā ahamavityānyānavṛṣi
49.3
bhagavāṃstveva
me sarvairārtvijyairiti tathetyatha tatheta eva samatisṛṣṭāḥ
stuvatāṃ yāvattvebhyo dhanaṃ dadyāstāvanmama dadyā iti tatheti
ha yajamāna uvāca
49.4
atha hainaṃ prastotopasasāda
prastotaryā devatā prastāvamanvāyattā tāṃ cedvidvānprastoṣyasi mūrdhā te vipatiṣyatīti mā bhagavānavocatkatamā
sā devateti
49.5
prāṇa iti hovāca sarvāṇi ha vā
imāni bhūtāni prāṇamevābhisaṃviśanti prāṇamabhyujjihate
saiṣā devatā prastāvamanvāyattā tāṃ cedvidvānprāstoṣyo
mūrdhā te vyapatiṣyattathoktasya mayeti
49.6
atha hainamudgātopasasādodgātaryāṃ devatodgīthamanvāyattā tāṃ cedvidvānudgāsyasi mūrdhā te vipatiṣyatīti mā bhagavānavocatkatamā sā devateti
49.7
āditya iti hovāca sarvāṇi
ha vā imāni bhūtānyādityamuccaiḥ santaṃ gāyanti saiṣā
devatodgīthamanvāyattā tāṃ cedvidvānudagāsyo mūrdhā te
vyapatiṣyattathoktasya mayeti
49.8
atha hainaṃ pratihartāpasasāda pratihartayām̐ devatā pratihāramanvāyattā tāṃ cedavidvānpratihariṣyasi mūrdhā te vipatiṣyatīti mā bhagavānavocatkatamā sā devateti
49.9
annamiti hovāca
sarvāṇi ha vā imāni bhūtānyannameva pratiharamāṇāni
jīvanti saiṣā devatā pratihāramanvāyattā tāṃ cedavidvānpratyahariṣyo mūrdhā te vyapatiṣyattathoktasya mayeti tathoktasya
mayeti
49.11
ekādaśaḥ khaṇḍaḥ
Linked texts (11)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Aṣṭottaraśatopaniṣadaḥ — Sanskrit
- Sāmavedabrāhmaṇānyaṣṭau — Sanskrit
- Mantrapuṣpa — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Aṣṭāviṃśatyupaniṣad — Sanskrit
- Different Upaniṣads — Sanskrit
- Chāndogyadīpikā — Sanskrit
- Chāndogyopaniṣatkhaṇḍārtha — Sanskrit