Upanishads 60
Upaniṣads 60
- Language
- Sanskrit
Contents
- 60.8 — 1 part
60.1
atha khalvamumādityam̐ saptavidham̐ sāmopāsīta sarvadā
samastena sāma māṃ prati māṃ pratīti sarveṇa samastena sāma
60.2
tasminnimāni sarvāṇi bhūtānyanvāyattānīti
vidyāttasya yadurodayātsa hiṃkārastadasya paśavo'nvāyattāstasmātte hiṃkurvanti hiṃkārabhājino hyetasya sāmnaḥ
60.3
atha yatprathamodite sa prastāvastadasya manuṣyā anvāyattāstasmātte prastutikāmāḥ praśam̐sākāmāḥ prastāvabhājino
hyetasya sāmnaḥ
60.4
atha yatsaṅgavavelāyām̐ sa ādistadasya vayām̐syanvāyattāni tasmāttānyantarikṣe'nārambhaṇānyādāyātmānaṃ paripatantyādibhājīni hyetasya sāmnaḥ
60.5
atha yatsaṃprati madhyandine sa udgīthastadasya devā
anvāyattāstasmātte sattamāḥ prājāpatyānāmudgīthabhājino
hyetasya sāmnaḥ
60.6
atha yadūrdhvaṃ madhyaṃdinātprāgaparāddhātsa pratihārastadasya garbhā anvāyattāstasmātte pratihatā
nāvapadyante pratihārabhājino hyetasya sāmnaḥ
60.7
atha
yadūrdhvamaparāddhātprāgastamayātsa upadravastadasyāraṇyā anvāyattāstasmātte puruṣaṃ dṛṣṭvā kakṣaḥ śvabhramityupadravantyupadravabhājino hyetasya sāmnaḥ
60.8
atha yatprathamāstamite tannidhanaṃ tadasya pitaro'nvāyattāstasmāttānnidadhati
nidhanabhājino hyetasya sāmna evaṃ khalvamumādityam̐ saptavidham̐ sāmopāste
60.8.p1
iti navamaḥ khaṇḍaḥ
Linked texts (12)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Aṣṭottaraśatopaniṣadaḥ — Sanskrit
- Mantrapuṣpa — Sanskrit
- Sāmavedabrāhmaṇānyaṣṭau — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Chāndogyadīpikā — Sanskrit
- Chāndogyopaniṣatkhaṇḍārtha — Sanskrit
- Chāndogyopaniṣad C — Rāmānuja Yatirāj, Sanskrit
- Aṣṭāviṃśatyupaniṣad — Sanskrit
- Different Upaniṣads — Sanskrit