Upanishads 8
Upaniṣads 8
- Language
- Sanskrit
Contents
- 8.6-2 — 1 part
8.1
ūrdhvamūlo'vākśākha eṣo'śvatthaḥ sanātanaḥ || tadeva
śukraṃ tadbrahma tadevāmṛtamucyate || tasmim̐llokāḥ śritāḥ
sarve tadu nātyeti kaścana etadvai tat
8.2
yadidaṃ
kiṃca jagatsarvaṃ prāṇa ejati niḥsṛtam || mahadbhayaṃ vajramudyataṃ ya etadviduramṛtāste bhavanti
8.3
bhayādasyāgnistapati bhayāttapati sūryaḥ || bhayādindraśca vāyuśca mṛtyurdhāvati pañcamaḥ
8.4
iha cedaśakadboddhuṃ prāk śarīrasya
visrasaḥ || tataḥ sargeṣu lokeṣu śarīratvāya kalpate
8.5
yathādarśe tathātmani yathā svapne tathā pitṛloke || yathāpsu
parīva dadṛśe tathā gandharvaloke chāyātapayoriva brahmaloke
8.6
indriyāṇāṃ pṛthagbhāvamudayāstamayau ca yat
pṛthagutpadyamānānāṃ matvā dhīro na śocati
8.7
indriyebhyaḥ paraṃ mano manasaḥ sattvamuttamam || sattvādadhi
mahānātmā mahato'vyaktamuttamam
8.8
avyaktāttu paraḥ
puruṣo vyāpako'liṅga eva ca || yajjñātvā mucyate janturamṛtatvaṃ ca gacchati
8.9
na saṃdṛśe tiṣṭhati rūpamasya
na cakṣuṣā paśyati kaścanainam || hṛdā manīṣī manasābhikṣo ya etadviduramṛtāste bhavanti
8.10
yadā pañcāvatiṣṭhante jñānāni manasā saha || buddhiśca na viceṣṭati
tāmāhuḥ paramāṃ gatim
8.11
tāṃ yogamiti manyante
sthirāmindriyadhāraṇām || apramattastadā bhavati yogo
hi prabhavāpyayau
8.12
naiva vācā na manasā prāptuṃ
śakyo na cakṣuṣā || astīti bruvato'nyatra kathaṃ tadupalabhyate
8.13
astītyevopalabdhasya tattvabhāvaḥ prasīdati
8.14
yadā
sarve pramucyante kāmā ye'sya hṛdi śritāḥ || atha martyo'mṛto bhavatyatra brahma samaśnute
8.15
yadā sarve prabhidyante hṛdayasyeha granthayaḥ || atha martyo'mṛto bhavatyetāvadanuśāsanam
8.16
śataṃ caikā ca hṛdayasya nāḍyastāsāṃ mūrdhānamabhiniḥsṛtaikā || tayordhvamāyannamṛtatvameti viṣvaṅnyā utkramaṇe bhavanti
8.17
aṅguṣṭamātraḥ puruṣo'ntarātmā sadā janānāṃ hṛdaye saṃniviṣṭaḥ
taṃ svāccharīrātpravṛhenmuñjādiveṣīkāṃ dhairyeṇa || taṃ vidyācchukramṛtaṃ taṃ vidyācchukramṛtamiti
8.18
mṛtyuproktāṃ
naciketo'tha labdhvā vidyāmetāṃ yogavidhiṃ ca kṛtsnam
brahmaprāpto virajo'bhūdvimṛtyuranyo'pyevaṃ yo vidadhyātmaseva
8.6-2
iti dvitīye'dhyāye ṣaṣṭhī vallī samāptā
8.6-2.p1
iti dvitīyo'dhyāyaḥ || 2
Linked texts (12)
- Īśādiviṃśottaraśatopaniṣadaḥ — Sanskrit
- Kaṭhopaniṣad — Sanskrit
- Aṣṭāviṃśatyupaniṣad — Sanskrit
- Aṣṭottaraśatopaniṣadaḥ — Sanskrit
- Mantrapuṣpa — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Daśopaniṣad — Sanskrit
- Upaniṣads Īśa to Aitareya — Sanskrit
- Pañcopaniṣadaḥ — Sanskrit
- Viṣayavākyadīpikā — Raṅgarāmānuja Muni 1550, Sanskrit
- Vedāntaviṣayavākyadīpikā — Raṅgarāmānuja Muni, Sanskrit