Upanishads 87

Upaniṣads 87

gāyatrī vā idam̐ sarvaṃ bhūtaṃ yadidaṃ kiṃca vāgvai
gāyatrī vāgvā idam̐ sarvaṃ bhūtaṃ gāyati ca trāyate ca

yā vai sā gāyatrī yaṃ vāva sā yeyaṃ pṛthivyasyām̐
hīdam̐ sarvaṃ bhūtaṃ pratiṣṭhitametāmeva nātiśīyate

yā vai sā pṛthivīyaṃ vāva sā yadidamasminpuruṣe śarīramasminhīme prāṇāḥ pratiṣṭhitā etadeva nātiśīyante

yadvai tatpuruṣe śarīramidaṃ vāva tadyadidamasminnantaḥ puruṣe
hṛdayamasminhīme prāṇāḥ pratiṣṭhitā etadeva nātiśīyante

saiṣā catuṣpadā ṣaḍvidhā gāyatrī tadetadcābhyanūktam

tāvānasya mahimā tato jyāyām̐śca puruṣaḥ
pādo'sya sarvā bhūtāni tripādasyāmṛtaṃ divīti

yadvai tadbrahmetīdaṃ vāva tadyo'yaṃ bahirdhā puruṣādākāśo yo
vai sa bahirdhā puruṣādākāśaḥ

ayaṃ vāva sa yo'yamantaḥ puruṣa ākāśo yo vai so'ntaḥpuruṣa ākāśaḥ

ayaṃ vāva sa yo'yamantarhṛdaya ākāśastadetatpūrṇamapravarti
pūrṇamapravartinīñca śriyaṃ labhate ya evaṃ veda

iti dvādaśaḥ khaṇḍaḥ

Contents