Upanishads 88
Upaniṣads 88
- Language
- Sanskrit
Contents
- 88.8 — 1 part
88.1
tasya ha vā etasya hṛdayasya pañca devasuṣayaḥ sa yo'sya
prāṅsuṣiḥ sa prāṇastaccakṣuḥ sa ādityastadetattejo'nnādyamityupāsīta tejasvyannādo bhavati ya evaṃ veda
88.2
atha yo'sya dakṣiṇaḥ suṣiḥ sa vyānastacchrotraṃ sa candramāstadetacchrīśca yaśaścetyupāsīta śrīmānyaśasvī bhavati
ya evaṃ veda
88.3
atha yo'sya pratyaṅ suṣiḥ so'pānaḥ
sā vāk so'gnistadetadbrahmavarcasamannādyamityupāsīta brahmavarcasvyannādo bhavati ya evaṃ veda
88.4
atha yo'syo
daṅṅ suṣiḥ sa samānastanmanaḥ sa parjanyastadetatkīrtiśca
vyuṣṭiścetyupāsīta kīrtimānvyuṣṭimānbhavati ya evaṃ veda
88.5
atha yo'syordhvaḥ suṣiḥ sa udānaḥ sa vāyuḥ sa
ākāśastadetadojaśca mahaścetyupāsītaujasvī mahasvānbhavati ya evaṃ veda
88.6
te vā ete pañca brahmapuruṣāsvargasya lokasya dvārapāḥ sa ya etānevaṃ pañca brahmapuruṣāḥ
svargasya lokasya dvārapānvedāsya kule vīro jāyate pratipadyate svargaṃ lokaṃ ya etānevaṃ pañca brahmapuruṣānsvargasya
lokasya dvārapānveda
88.7
atha yadataḥ paro divo jyotidīpyate viśvataḥpṛṣṭheṣu sarvataḥpṛṣṭheṣvanuttameṣūttameṣu lokeṣvidaṃ vāva tadyadidamasminnantaḥ puruṣe jyotistasyaiṣā
dṛṣṭiḥ
88.8
yatraitadasmiñcharīre sam̐sparśenoṣṇimānaṃ
vijānāti tasyaiṣā śrutiryatraitatkarṇāvapigṛhya ninadamiva
nadathurivāgneriva jvalata upaśṛṇoti tadetaddṛṣṭaṃ ca śrutaṃ cetyupāsīta cakṣuṣyaḥ śruto bhavati ya evaṃ veda ya evaṃ veda
88.8.p1
iti trayodaśaḥ khaṇḍaḥ || 13
Linked texts (12)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Aṣṭottaraśatopaniṣadaḥ — Sanskrit
- Sāmavedabrāhmaṇānyaṣṭau — Sanskrit
- Mantrapuṣpa — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Different Upaniṣads — Sanskrit
- Chāndogyopaniṣatkhaṇḍārtha — Sanskrit
- Chāndogyopaniṣad C — Rāmānuja Yatirāj, Sanskrit
- Aṣṭāviṃśatyupaniṣad — Sanskrit
- Chāndogyadīpikā — Sanskrit