Upanishads 90
Upaniṣads 90
- Language
- Sanskrit
Contents
- 90.7 — 1 part
90.1
antarikṣodaraḥ kośo bhūmibudhno na jīryati diśo
hyasya sraktyo dyaurasyottaraṃ bilañca sa eṣa kośo vasudhānastasminviśvamidaṃ śritam
90.2
tasya prācī
digjuhūrnāma sahamānā nāma dakṣiṇā rājñī nāma pratīcī
subhūtānāmodīcī tāsāṃ vāyurvatsaḥ sa ya etamevaṃ vāyuṃ
diśāṃ vatsaṃ veda na putrarodaṃ roditi so'hametamevaṃ
vāyuṃ diśāṃ vatsaṃ veda māputrarodaṃ rudam
90.3
ariṣṭaṃ
kośaṃ prapadye'munā'munā'munā prāṇaṃ prapadye'munā'munā'munā bhūḥ prapadye'munā'munā'munā bhuvaḥ prapadye'munā'munā'munā svaḥ prapadye'munā'munā'munā
90.4
sa yadvocaṃ prāṇaṃ prapadya iti prāṇo vā idaṃ sarvaṃ bhūtaṃ yadidaṃ
kiṃca tameva tatprāpatti
90.5
atha yadavocaṃ bhūḥ prapadya
iti pṛthivīṃ prapadye'ntarikṣaṃ prapadye divaṃ prapadye ityeva tadvocam
90.6
atha yadavocaṃ bhuvaḥ prapadya ityagniṃ prapadye
vāyuṃ prapadya ādityaṃ prapadya ityeva tadavocam
90.7
atha
yadavocaṃ svaḥ prapadya ityṛgvedaṃ prapadye yajurvedaṃ prapadye
sāmavedaṃ prapadya ityeva tadavocaṃ tadavocam
90.7.p1
iti pañcadaśaḥ khaṇḍaḥ
Linked texts (10)
- Chāndogyopaniṣad — Sanskrit
- Īśādyupaniṣadaḥ — Sanskrit
- Different Upaniṣads — Sanskrit
- Chāndogyopaniṣad C — Rāmānuja Yatirāj, Sanskrit
- Aṣṭottaraśatopaniṣadaḥ — Sanskrit
- Aṣṭāviṃśatyupaniṣad — Sanskrit
- Īśādidvādaśopaniṣadaḥ — Sanskrit
- Chāndogyadīpikā — Sanskrit
- Chāndogyopaniṣatkhaṇḍārtha — Sanskrit
- Vedāntasamanvaya — Gurugovinda Rāya, Sanskrit