Upanishads 91
Upaniṣads 91
- Language
- Sanskrit
Contents
- 91.7 — 1 part
91.1
puruṣo vāva yajñastasya yāni caturviṃśativarṣāṇi
tatprātaḥsavanaṃ caturviṃśatyakṣarā gāyatrī gāyatraṃ prātaḥsavanaṃ
tadasya vasavo'nvāyattāḥ prāṇā vāva vasava ete hīdaṃ
sarvaṃ vāsayanti
91.2
taṃ cedetasminvayasi kiṃcidupatapetsa brūyātprāṇā vasava idaṃ me prātaḥsavanaṃ mādhyandinaṃ
savanamanusantanuteti māhaṃ prāṇānāṃ vasūnāṃ madhye yajño
vilopsīyetyuddhaiva tata etyagado ha bhavati
91.3
atha
yāni catuścatvāriṃśadakṣarṣāṇi tanmādhyandinam̐ savanaṃ catuścatvārim̐śadakṣarā triṣṭup traiṣṭubhaṃ mādhyadinam̐ savanaṃ
tadasya rudrā anvāyattāḥ prāṇā vāva rudrā ete hīdam̐
sarvam̐ rodayanti
91.4
taṃ cedetasminvayasi kiṃcidupatapetsa brūyātprāṇā rudrā idaṃ me mādhyandinam̐ savanaṃ
tṛtīyasavanamanusantanuteti māhaṃ prāṇānām̐ rudrāṇāṃ madhye
yajño vilopsīyetyuddhaiva tata etyagado ha bhavati
91.5
atha yānyaṣṭācatvārim̐śadvarṣāṇi tṛtīyasavanamaṣṭācatvārim̐śadakṣarā jagatī jāgataṃ tṛtīyasavanaṃ tadasyādityā
anvāyattāḥ prāṇā vāvādityā ete hīdam̐sarvamādadate
91.6
taṃ cedetasminvayasi kiṃcidupatapetsa brūyātprāṇā
ādityā idaṃ me tṛtīyasavanamāyuranusantanuteti māhaṃ
prāṇānāmādityānāṃ madhye yajño vilopsīyetyuddhaiva tata
etyagado haiva bhavati
91.7
etaddha sma vai tadvidvānāha mahidāsa aitareyaḥ sa kiṃ ma etadupatapasi yo'hamanena na preṣyāmīti sa ha ṣoḍaśaṃ varṣaśatamajīvatpraha
ṣoḍaśaṃ varṣaśataṃ jīvati ya evaṃ veda
91.7.p1
iti ṣoḍaśaḥ khaṇḍaḥ