Upanishads 98
Upaniṣads 98
- Language
- Sanskrit
Contents
- 98.5 — 1 part
98.1
satyakāmo ha jābālo jabālāṃ mātaramāmantrayāṃcakre
brahmacaryaṃ bhavati vivatsyāmi kiṃgotro'hamasmīti
98.2
sā hainamuvāca nāhametadveda tāta yadgotrastvamasi bahvahaṃ
carantī paricāriṇī yauvane tvāmalabhe sāhametanna veda
yadgotrastvamasi jabālā tu nāmāhamasmi satyakāmo nāma
tvamasi sa satyakāma eva jābālo bruvīthā iti
98.3
saha
hāridrumataṃ gautamametyovāca brahmacaryaṃ bhagavati vatsyāmyupeyāṃ bhagavantamiti
98.4
tam̐ hovāca kiṃgotro nu
somyāsīti sa hovāca nāhametadveda bho yadgotro'hamasyapṛcchaṃ mātaram̐ sā mā pratyabravīdbahvahaṃ carantī paricāriṇī yauvane tvāmalabhe sāhametanna veda yadgotrastvamasi
jabālā tu nāmāhamasmi satyakāmo nāma tvamasīti
so'ham̐ satyakāmo jābālo'smi bho iti
98.5
tam̐
hovāca naitadbrāhmaṇo vivaktumarhati samidham̐ somyāharopa tvā neṣye na satyādagā iti tamupanīya kṛśānāmabalānāṃ catuḥśatā gā nirākṛtyovācemāḥ somyānusaṃvajeti tā abhiprasthāpayannuvāca nāsahasreṇāvartayeti sa ha
varṣagaṇaṃ provāsa tā yadā sahasram̐ saṃpeduḥ
98.5.p1
iti caturthaḥ khaṇḍaḥ
Linked texts (12)
- Chāndogyopaniṣad — Sanskrit
- Īśādiviṃśottaraśatopaniṣadaḥ — Sanskrit
- Aṣṭottaraśatopaniṣadaḥ — Sanskrit
- Aṣṭāviṃśatyupaniṣad — Sanskrit
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit
- Sāmavedabrāhmaṇānyaṣṭau — Sanskrit
- Mantrapuṣpa — Sanskrit
- Different Upaniṣads — Sanskrit
- Chāndogyopaniṣatkhaṇḍārtha — Sanskrit
- Chāndogyopaniṣad C — Rāmānuja Yatirāj, Sanskrit
- Chāndogyadīpikā — Sanskrit