Kaula Upaniṣad (Kaulopaniṣad)
कौलोपनिषद्
Aphorisms of Kaula Śākta doctrine and practice.
- Language
- Sanskrit
- Date
- 1000–1750 CE
- Extent
- 4 passages, 162 words
- Text
- complete digital text
- Source
- sanskritdocuments · https://shivashakti.com/texts · sanskritdocuments.org terms: prepared by volunteers for personal study and research; not to be copied or…
Contents
Text
p1
śrīḥ ||
p2
kaulopaniṣat |
śannaḥ kaulikaḥ śanno vāruṇī śannaḥ śuddhiḥ śanno'gniśśannaḥ sarvaṃ samabhavat | namo brahmaṇe namaḥ pṛthivyai namo'dbhyo namo'gnaye namo vāyave namo gurubhyaḥ |
tvameva pratyakṣaṃ saivāsi |
tvāmeva pratyakṣaṃ tāṃ vadiṣyāmi |
ṛtaṃ vadiṣyāmi |
satyaṃ vadiṣyāmi |
tanmāmavatu |
tadvaktāramavatu |
avatu mām |
avatu vaktāram |
oṃ śāntiḥ śāntiḥ śāntiḥ |
athāto dharmajijñāsā |
jñānaṃ buddhiśca |
jñānaṃ mokṣaikakāraṇam |
mokṣassarvātmatāsiddhiḥ |
pañca viṣayāḥ prapañcaḥ |
teṣāṃ jñānasvarūpāḥ |
yogo mokṣaḥ |
adharmakāraṇājñānameva jñānam |
prapañca īśvaraḥ |
anityaṃ nityam |
ajñānaṃ jñānam |
adharma eva dharmaḥ |
eṣa mokṣaḥ |
pañca bandhā jñānasvarūpāḥ |
piṇḍājjananam |
tatraiva mokṣaḥ |
etajjñānam |
sarvendriyāṇāṃ nayanaṃ pradhānam |
dharmaviruddhāḥ kāryyāḥ |
dharmavihitā na kāryyāḥ |
sarvaṃ śāmbhavīrūpam |
āmnāyā na vidyante |
gururekaḥ |
sarvaikyatābuddhimante |
āmantrasiddheḥ |
madādistyājyaḥ |
prākaṭyaṃ na kuryyāt |
na kuryyātpaśusambhāṣaṇam |
anyāyo nyāyaḥ |
na gaṇayetkamapi |
ātmarahasyaṃ na vadet |
śiṣyāya vadet |
antaḥ śāktaḥ |
bahiḥ śaivaḥ |
loke vaiṣṇavaḥ |
ayamevācāraḥ |
ātmajñānānmokṣaḥ |
lokānna nindyāt |
ityadhyātmam |
vrataṃ na caret |
na tiṣṭhenniyamena |
niyamānna mokṣaḥ |
kaulapratiṣṭhāṃ na kuryyāt |
sarvasamo bhavet |
sa mukto bhavati |
paṭhedetāni sūtrāṇi prātarutthāya deśikaḥ |
ājñāsiddhirbhavettasya ityājñā pārameśvarī |
yaścācāravihīno'pi yo vā pūjāṃ na kurvate |
yadi jyeṣṭhaṃ na manyeta nandate nandane vane |
śannaḥ kaulikaḥ |
oṃ śāntiḥ śāntiḥ śāntiḥ | ||
p3
kaulopaniṣatsamāptā ||
p4
iti kaulopaniṣat ||
Commentaries (2)
- Kaulopaniṣadbhāṣya (Bhāskararāya) — Bhāskararāya Makhin, Sanskrit
- Kaulopaniṣadbhāṣya — Sanskrit
See also: more in Śākta Upaniṣads
- Bhavana Upanishad (Bhāvanopaniṣad) — Sanskrit; 1200–1575 CE
- Tripuratapini Upanishad (Tripurātāpinyupaniṣad) — Sanskrit; 1200–1575 CE
- Bahvricha Upanishad (Bahvṛcopaniṣad) — Sanskrit; 1200–1575 CE
- Annapurna Upanishad (Annapūrṇopaniṣad) — Sanskrit; 1200–1575 CE
- Tripurā Upaniṣad (Tripuropaniṣad) — Sanskrit; 1200–1575 CE
- Sarasvatīrahasya Upaniṣad (Sarasvatīrahasyopaniṣad) — Sanskrit; 1200–1575 CE
Discussed in 4 studies in Pramāṇa (listed on the page).