Upanishads 13

Language: Sanskrit

13.p1

iti nārāyaṇapūrvatāpinīyopaniṣat samāptā
sa hovāca bhagavān brahmā ānandaṃ brahmaṇo vidvān saccidānandasvarūpo
bhavati
drā suparṇā sayujā sakhāyā samānaṃ vṛkṣaṃ pariṣasvajāte
tayoranyaḥ pippalaṃ svādvattyanaśnannanyo abhicākaśīti
yo vedādau svaraḥ prokto vedānte ca pratiṣṭhitaḥ
tasya prakṛtilīnasya yaḥ paraḥ sa maheśvaraḥ
aṇoraṇīyānmahato mahīyānātmā guhāyāṃ nihito'sya jantoḥ
tamakratuṃ paśyati vītaśoko dhātuḥ prasādānmahimānamīśam
vāsanādvāsudevasya vāsitaṃ hi jagattrayam
sarvabhūtanivāso'si vāsudeva namo'stu te
bhūśca nārāyaṇaḥ | bhuvaśca nārāyaṇaḥ | suvaśca nārāyaṇaḥ | mahaśca
nārāyaṇaḥ | janaśca nārāyaṇaḥ | tapaśca nārāyaṇaḥ | satyaṃ ca nārāyaṇaḥ
nārāyaṇaḥ paraṃ brahma | nārāyaṇa evedaṃ sarvam | nārāyaṇānna kiṃcidasti
satyaṃ jñānamanantaṃ brahma | yo veda nihitaṃ guhāyāṃ parame vyoman | tasmādvā
etasmādātmana ākāśaḥ saṃbhūtaḥ | ākāśādvāyuḥ | vāyoragniḥ | agnerāpaḥ
adbhyaḥ pṛthivī | pṛthivyā oṣadhayaḥ | oṣadhībhyo'nnam | annātpuruṣaḥ
nārāyaṇaḥ sarvapuruṣa evedaṃ parabrahma | nārāyaṇaḥ sarvabhūtāntaryāmyātmā | ātmedaṃ
sarvaṃ nārāyaṇaḥ | nārāyaṇaḥ svayaṃ jyotiḥ | tasmātprakāśātmā
nīvāraśūkavattanvī pītā bhāsvatyaṇūpamā
tasyāḥ śikhāyā madhye paramātmā vyavasthitaḥ
pāśabaddhaḥ smṛto jīvaḥ pāśamuktaḥ sanātanaḥ
tuṣeṇa baddho trīhiḥ syāttuṣābhāvena taṇḍulaḥ
parabrahma svayaṃ cātmā sākṣānnārāyaṇaḥ smṛtaḥ
nārāyaṇamanādiṃ ca yoganidrāparāyaṇam
jāgratsvapnasuṣuptīṣu sarvakālavyavasthitam
nārāyaṇaṃ mahātmānaṃ mahādhyānaparāyaṇam
sarvavedāntasaṃlakṣyaṃ tadbrahmetyabhidhīyate
sa hovāca bhagavān nārāyaṇa evedaṃ sarvaṃ pratiṣṭhitaṃ ya evaṃ veda
ityupaniṣat

13.p2

ityātharvaṇarahasye nārāyaṇottaratāpinīye prathamaḥ khaṇḍaḥ