Upanishads 3

Language: Sanskrit

3.25 — 2 parts

3.1

ahamasmi jaritā sarvatomukhaḥ paryaraṇaḥ parameṣṭhī nṛcakṣāḥ
ahaṃ vipravḍahamasmi prasatvānahameko'smi yadidaṃ nu kiṃ ca
iti bāṣkalamantropaniṣat samāptā
dyā meṣabhūyopagato vidānaḥ
tamanya ittamanaṃ pariprāṭ
pada enaṃ niyuyuje parasmin

3.2

ko ha smaiṣa bhavasi vyayāyaḥ
nāvāyo ma iha śaśvadasti
surovamiccakramasi
prapaśyan itthā na kaścoraṇamācakṣe

3.3

nemāmaspṛkṣadidudyamānaḥ
ko addhāmumabhicakramīti
tadicchādhi yo asi sarvavittamaḥ
tyāha| na tvāśvavadbrahma ripā mayastri

3.4

indro nṛcakṣā vṛṣabhasturāṣāṭ
prasāsahistapasā mā vicakṣe
sa idevo ṛtamanvayantam
prabhīmakarmā tavaso'paviddhāt

3.5

kuheva māvaśamito nayātai
kuheva te citratamapratiṣṭhā
kuhācideṣa svapitā pitā naḥ
yo na veda na hūtaṃ harantam

3.6

pratyaṅṅavāṅprāṅtiro ca neha
nāhamenānupatasthiraddhā
na māmime nūnamitthā
patho viduḥ
viduḥ | ye mā na yanti mithu cākśānāḥ

3.7

paraḥ smiyāno avivarasya śūkam
na ha tvāhamapraṇīya svaviṣṭhāmitthā jahāmi śapamānamintu

3.8

ahamasmi jaritṛṇāmu dāvā
ahaṃ viśvā bhuvanā vicakṣannahaṃ devānāmāsannavodaḥ

3.9

mama pratiṣṭhā bhuva āṇḍakośāḥ
vi caimi saṃ ca hi nu yo virapśī
ahaṃ nvahiṃ parvate śiśriyāṇam
ugro nvahaṃ tavasāvasyuradrā

3.10

pravaṅkṣaṇānabhidaṃ parvatānām
yatsīmindro akarodanīkaiḥ
ko addhā veda ka iha pravocat
ko aśravadabhimārti vijaghnuṣaḥ

3.11

ko me avo dāśuṣo viṣvagūtīritthā dadaśe bhuvanādhi viśvā
rūpaṃrūpaṃ januṣā bobhavīmi
māyābhireko abhicākaśānaḥ

3.12

viśvaṃ vicakṣe yamayannabhīkaḥ
neśe me kaśca mahimānamanyaḥ
ahaṃ dyāvāpṛthivī ātatāno vibharmi dharmamavase janānām

3.13

ahamu ha pravarti yajñiyāmiyām
ahaṃ veda bhuvanasya nābhim
ahaṃ divyā āntarikṣyāstukā vahaṃ

3.14

sarirasya madhye

3.15

ahaminnu paramo jātavedā yamadhvaryurabhilokampṛṇaidhīt
yamanvāha nabhaso na pakṣī kāṣṭhā bhindan gobhirito'mutaśca

3.16

ahamu yannapatatā rathena dviṣaḍāreṇa padhinaikacakraḥ| ahaṃ u
ahamintu didyutāno divedive tanvaṃ pupuṣyānamṛtaṃ vahāmi

3.17

ahaṃ diśaḥ pradiśa ādiśaśca viṣvak punānaḥ paryemi lokam
ahaṃ viśvā oṣadhīrgarbhe ādhāṃ yābhiridaṃ dhinuyurdāśuṣaḥ prajāḥ

3.19

mayā tatamidamaśnute tadanyathāsadyadi me asadbhiduḥ

3.20

na māmaśnoti jaritā kaścana na māśnoti pari gobhirāmiḥ| kaścit jaritā yajamānaḥ māṃ na aśnoti na prāpnoti| "na karmaṇā na prajayā dhanena" iti śruteḥ| ābhirgobhirvābhiḥ vedairiti yāvat| na māṃ pari
na me'nāśvānuta dāśvānajagrabhīt sarve inmāmupayanti viśvataḥ

3.21

ka śarāruḥ ka smaraḥ ka nūraṇaḥ sarvamidaṃ tvaccadito vahāmi
yanmadime vibhyati tanma ekam
me te akṣannahamu tānanukṣam

3.22

yattapyathā bahudhā me purā cit
tannu bhuve'haṃ uraṇo bobhuve
ṛtasya panthāmasi hi papantho'yase sa me
satyamidekamehi

3.23

ahaṃ jyotirahamamṛtaṃ vinaddhiḥ
ahaṃ jātaṃ jani janiṣyamāṇam
ahaṃ tvamahamahaṃ tvaminnu tvamahaṃ cakṣva
ahaṃ tvameva | ahaṃ dṛśyamānaścet pratibimbavat tvam | tarhi kadācit mama mithyābhūtatvaṃ pratibimbavat syādata āha
ahaṃ cāhameva | na pratibimbavanmithyābhūta ityarthaḥ | tarhi tavaiva pratibimbavanmithyābhūtatvaṃ kadācit syādata āha | tvaminnu tvamahaṃ cakṣva | tvamapi tvameva ahaṃ ceti cakṣva jānīhi
vicikitsīrmā ṛjvā

3.24

viśvaśāstā vidharaṇo viśvarūpo rudraḥ praṇītī tamanaḥ prajāpatiḥ
haṃso viśoko ajaraḥ purāṇo ṛtīyamāno ahamasmi nāma

3.25

ahaṃ viṣvaṅṅahamasmi prasatvānahmeko asmi yadidaṃ nu kiñca

3.25.p1.1

maṭhāmnāyopaniṣat
oṃ ūrdhvāmnāyagurūpadeśabhuvanākārasiṃhāsanasiddhācāravanditaṃ samastavedavedāntasāranirmārṇaṃ parātparaṃ nirañjanajñānārthaṣaṭcakrajāgratīmayaṃ parāvācā
parātparaṃ sarvasākṣibhūtaṃ cinmayaṃ jyotirliṅgaṃ nirākāraṃ galitaṃ pūrṇaprabhāśobhitaṃ
śāntaṃ candrodayanibhaṃ bhaja manastacchrīgurucaitanyaṃ praṇamāmi
akhaṇḍamaṇḍalākāraṃ vyāptaṃ yena carācaram
tatpadaṃ darśitaṃ yena tasmai śrīgurave namaḥ
oṃ prathame paścimāmnāyaḥ śāradāmaṭhaḥ kīṭavārisaṃpradāyaḥ
tīrthāśramapadaṃ dvārakākṣetraṃ siddheśvaro devaḥ bhadrakāḷī devī brahmasvarūpācāryaḥ
gaṅgāgomatītīrthe svarūpabrahmacārī sāmavedapaṭhanaṃ "tattvamasi" ityādivākyavicāraḥ nityānityavivekenātmanopāsti ātmatīrthe ātmoddhārārthe sākṣātkārārthe
saṃnyāsagrahaṇaṃ kariṣye | oṃ namo nārāyaṇāyeti
oṃ dvitīye pūrvāmnāyaḥ govardhanamaṭhaḥ bhogavārisaṃpradāyaḥ vanāraṇye
puruṣottamaṃ kṣetraṃ jagannāthaḥ vimalā devī bhadrapadmapādācāryaḥ mahodadhitīrthe
prakāśabrahmacārī ṛgvedapaṭhanaṃ tamevaikyaṃ jānatha "prajñānamānandaṃ brahma"
ityādivākyavicāraḥ nityānityavivekenātmanopāsti ātmatīrthe ātmoddhārārthe
sākṣātkārārthe saṃnyāsagrahaṇaṃ kariṣye | oṃ namo nārāyaṇāyeti
oṃ tṛtīye uttarāmnāyaḥ jyotirmaṭhaḥ ānandavārisaṃpradāyaḥ giriparvatasāgarapadāni badarikāśramakṣetraṃ nārāyaṇo devatā pūrṇagirī devī troṭakācāryaḥ
alakanandātīrthe ānandabrahmacārī atharvaṇavedapaṭhanaṃ tame vaikyaṃ jānatha "ayamātmā
brahma" ityādivākyavicāraḥ nityānityavivekenātmanopāsti ātmatīrthe

3.25.p1.2

ātmoddhārārthe sākṣātkārārthe saṃnyāsagrahaṇaṃ kariṣye | oṃ namo nārāyaṇāyeti
oṃ caturthe dakṣiṇāmnāyaḥ śṛṅgerīmaṭhaḥ bhūrivārisaṃpradāyaḥ sarasvatībhāratīpurī cetipadāni rāmeśvarakṣetraṃ ādivarāho devatā kāmākṣī
devī śṛṅgī ṛṣiḥ pṛthvīdharācāryaḥ tuṅgabhadrātīrthaṃ caitanyabrahmacārī yajurvedaprapaṭhanaṃ tamevaivayaṃ jānatha "ahaṃ brahmāsmi" ityādivākyavicāraḥ
nityānityavivekenātmanopāsti ātmatīrthe ātmoddhārārthe sākṣātkārārthe
saṃnyāsagrahaṇaṃ kariṣye | oṃ namo nārāyaṇāyeti
oṃ pañcame ūrdhvāmnāyaḥ sumerumaṭhaḥ kāśīsaṃpradāyaḥ janakayājñavalkyādiśukavāmadevādijīvanmuktāḥ etatsanakasanandanakapilanāradādibrahmaniṣṭhāḥ
nityabrahmacārī kailāsakṣetraṃ mānasasarovaraṃ tīrthaṃ nirañjano devatā māyā devī
īśvarācāryaḥ anantabrahmacārī śukadevavāmadevādijīvanmuktānāṃ susaṃvedaprapaṭhanaṃ
parorajasesāvadoṃ "saṃjñānamanantaṃ brahma" ityādivākyavicāraḥ nityānityavivekenātmanopāsti ātmatīrthe ātmoddhārārthe sākṣātkārārthe saṃnyāsagrahaṇaṃ
kariṣye | oṃ namo nārāyaṇāyeti
oṃ ṣaṣṭhe ātmāmnāyaḥ paramātmā maṭhaḥ satyasusaṃpradāyaḥ nābhikuṇḍalikṣetraṃ trikuṭī tīrthaṃ haṃso devī paramahaṃso devatā ajapāsohaṃmahāmantraḥ brahmaviṣṇumaheśvarādyāḥ jīvabrahmacārī haṃsavida upāstiḥ upādhibhedasaṃnyāsārthe
jñānasaṃnyāsagrahaṇaṃ kariṣye | oṃ namo nārāyaṇāyeti
oṃ saptame jambūdvīpaḥ samyagjñānaṃ śikhā na sūtraṃ vedyavedakaḥ
śraddhā nadī vimalātīrthaṃ ātmaliṅgaśāntyarthe vicāraḥ nityānityavivekena
ātmanopāsti ātmatīrthe ātmoddhārārthe sākṣātkārārthe saṃnyāsagrahaṇaṃ kariṣye
oṃ namo nārāyaṇāyeti

3.25.p1.3

iti śrīmatparamahaṃsaparivrājakācāryaśrīmacchaṅkarācāryaviracitā maṭhāmnāyopaniṣat samāptā
oṃ pūrvadale śvetavarṇe yadā viśrāmyate manaḥ
tadā dhairyamudāraṃ ca dharmakīrtimatirbhavet
agnidale raktavarṇe yadā viśrāmyate manaḥ
tadā krodhaśca kāmaśca mandaṃ buddhirmatirbhavet
kṛṣṇavarṇe dakṣiṇadale yadā viśrāmyate manaḥ
nidrālasyabhayaṃ devi matsare ca matirbhavet
nairṛtadale nīlavarṇe yadā viśrāmyate manaḥ
tadā krodhaśca kāmaśca manobhinnamatirbhavet
paścimadale kapilavarṇe yadā viśrāmyate manaḥ
tadā hāsyavinodau ca utsāhe ca matirbhavet
śyāmavarṇe vāyudale yadā viśrāmyate manaḥ
tadā cintoccāṭanaṃ ca vairāgye ca matirbhavet
pītavarṇottaradale yadā viśrāmyate manaḥ
tadā śṛṃgārabhogau ca kalpanāyāṃ matirbhavet
gauravarṇeśānadale yadā viśrāmyate manaḥ
tadā kramātmānaṃ dharmakīrtimatirbhavet
sandhau sandhau miśritānāṃ yadā viśrāmyate manaḥ
tadā deho gṛhaṃ rājyaṃ nirdoṣā ca matirbhavet
śyāmavarṇe madhyadale yadā viśrāmyate manaḥ
tadā sarvaguṇaṃ jñānaṃ caitanyaṃ ca matirbhavet
yasya smaraṇamātreṇa sarvapāpaiḥ pramucyate
ye paṭhanti sadā bhaktyā sāyujyapadamāmuyuḥ

3.25.p1.4

oṃ devāsurāḥ saṃyattā āsan | teṣāmindro na pratyapadyata | te ha vasūneva prātassavaneṣu purodhāya vyajigīṣanta | te ha nunneṣu nārāśaṃseṣu ṛṣīṇāṃ yajñavāsvabhyāyan haniṣyāma vā etadvo yaddevānna parābhāviṣyatheti | te ha vibhyata eva stokānudakalpayan vijeṣyadhve vāvaitāniti | te ha tata evārtimācchaistānanvitarān parābhāvayan | tato hendro'paśyat | sa ha gāyatrīmeva pratisaṃdideśa | sā hovāca | vibhemi vā etadetebhyo yathaitatparābrutanniti | sa praṇavamevāsyāḥ purogamakarodeṣa vāva te gopyāyeti | sā hovāca | yadeṣa purogāḥ udeṣa me bhāgadheyī syāditi | sa hovāca | na ha vāvaiṣa tvadbhāgadheyī bhavati | mahānvā asya mahimā na ha vā mahīyāṃso bhāgaklṛptamapyābhajantīti | viśvamitru samanvālabhadhvamiti | senānyāstu prathamajānāpyāyayiṣyasītyomiti hovāca | sa hovāca yatprathamaṃ nābhyakīrtayo nāmagrāhamatha nānuvatsya iti | nāmagrāhametena sarvamabhipadyante | sarvaṃ vā eṣa sarvamaśnotīti | akṣaraṃ vā eṣaḥ | tasmādomityanujānanti | omiti pratipadyanta omityabhyādadata omityabhinidhāpayanti | tadetadakṣaraṃ jaitramabhitvaraṃ sarvāṇi bhūtānyabhyāttaṃ yadanekamekaṃ nānāvarṇa nānārūpaṃ nānāśabdaṃ nānāgandhaṃ nānārasaṃ nānāsparśamiti | atho khalvāhurindro vā
caitadakṣaram| sarvāṇi ha vā imāni bhūtānyetadakṣaramanvāyattāni sarve vedāḥ
sarve yajñā ityatha khalvindramanvāyattamiti
sa maṃdreṇaivānvābhakko vididyute'jñasaiva bhrātṛvyānapahanānīti
tasmānmandraṃ prātaḥsavanamabhavadgāyatraṃ tadgāyatrī tadgāyatraṃ yadrasavaḥ tadrasavyam

3.25.p1.5

sa ha praṇava uvāca| yadahaṃ sarvaṃ bhavāni yadgāyatrī vai purogāḥ tarki me syāditi| gāyatramanveva gāyatrīmanveva tvā sarvarūpamimaṃ kṛtvā hiṃkurvanti
sa hāpaśyatkaitadajñasaiva sarvā rūpāṇyevamabhicakṣīranniti| sa hāntata evātmānamupasaṃhṛtya tāvadevāmrāhayat| sa viśraṅga evābhavat| tasmādviśraṅgamevaita-dihānudravanti| tadāhuryadvā etasya vīryaṃ yacchuṃkaṃ yajjyotiryadamṛtaṃ yadajaryaṃ tadavaramiti| tasmāttata evāto jyotiramṛtamajaryaṃ pratipadyante| tato hāsurāḥ parābhavan| sa eṣa indraḥ sarvaṃ yadgāyatrī udgītho vasavaḥ prātassavanamiti
tadāhuḥ| sarvī vā etadindro yajjagadyathaiveti
tato hāsurāḥ punarevodayanti| te ha mādhyaṃdinasyaiva savanasya pavamāneṣu yajñavāstvabhyāyan| teṣāṃ jaritāro bibhyata eva vasa-tīvarīrupākalpayan| te ha tābhireva jighāṃsan| teṣāmindro rudrāneva senānyo'kaḥ| te hākṣīyanta| sa ha triṣṭubhameva pratisaṃdadat| sābravīt| bibhemi vā etadetebhyo yathaujīyāṃso balīyāṃsa ime parābhavantīti| sa ha praṇavamevovāca purogāyamevārabhasveti| so'bravīt| kiṃ me'taḥ syāditi| yadahaṃ sa tvaṃ mamaiva rūpeṇa nyūṃkhayiṣyanti tvāmiti| sa hāpaiyat| sarva eva nyūṃkhayanto māmabhicakṣīranniti| sa ha sarvamevātmānamupasaṃhṛtya śrṛṃga evāgūhayat| sa ha viśraṅga evābhavat| tasmāditthaiva nyūṃkhayanti| tato hāsurāḥ parābhāvayan| tasmāddhvāneva mādhyaṃdinaṃ savanaṃ traiṣṭubhaṃ ceti
te hāsurāḥ punarevodapatiṣyanta | te ha tṛtīyasyeha savanasya pavamāneṣu
yajñavāstvabhyāyan | teṣāmime vibhyata evāṃśūnupākalpayan | te ha taireva

3.25.p1.6

devānapājighāṃsan | teṣāmindro jagatīmeva pratisaṃdideśa | sātravīt vibhemi
vā etadetebhyo yathaujīyāṃso balīyāṃsa ime parāvṛtatriti | tasyā indraḥ
praṇavameva purogāmakarot | sa hovāca | kiṃ me'taḥ syāditi | sa
hovācendro yattvāmudgīthenopāvaneṣyante tenaiva te kalpayiṣyantīti | senānyo
hi tarhyādityānakalpayan tasmājjāgataṃ tṛtīyasavanamādityānām | sa
hāpaśyadādityo vā udgītho'sau khalvādityo brahma | na ha vā enaṃ mithu
cidemīti | sa ha svenaiva rupeṇādityānagacchat | sa ha tenaiva vajreṇāsurān
parābhāvayan | tadyat svenaiva rūpeṇāvistarāmagacchattatpratiṣṭhāmavindat
pratiṣṭhā ha vā eṣā yatpraṇavaḥ | sarvāṇi ha vā imāni bhūtāni praṇava eva
pratitiṣṭhanti | tasya ha vā eṣā pratiṣṭhā yatrāsāvātmānamupasaṃhṛtyājugupat
tasmāttadevopanvīteti tadevopāsīta | tadetadṛcābhyuktam—
catvāri śrṛṅgā trayo asya pādāḥ
dve śīrṣe saptahastāso asya
tridhā baddho vṛṣabho roravīti
maho devo martyām̐ āviveśa || iti
yadimāstisrothāsāviti catvārīti | yadime dve evākṣare tribhirupanvinta
tattvaya iti | yatpratyakṣaṃ tadve iti | yadudgīthaṃ saptabhirabhiprapadyante tatseti
atho khalvāhuḥ | saptabhirenaṃ svārayantīti | yadīmān trīnabhidhatte tatriṣeti
yadindra evodgīthastadvṛṣabha iti | tadetadṛcābhyuktam—
marutvantaṃ vṛṣabhaṃ vāvṛdhānam
yadbhāvayanti tadgoravīti
yadeṣa sarvāṇi bhūtānyanupraviṣṭastanmartyaśca āviveśeti | tasmādomityekākṣaramudgīthamupāsītetyāha bhagavān śaunakaḥ śaunaka iti
oṃ atha bhagavantaṃ kamalāsanaṃ caturmukhaṃ pitaraṃ brahmāṇaṃ sanatkumāra

3.25.p1.7

upasasāra | praṇanāmāhaṃ bho iti | adhīhi bho iti papraccha | ko manuḥ
divyaṃ kiṃ dhyeyam | yajjapātsarvenonivṛttiḥ | yadvacanātsārūpyasiddhiḥ tadbravītu
bhagavān lokānugrahāyeti | tacchrutvā pitāmaha āha —śrṛṇotu bhavānekamanāḥ
sarvadā yamāmananti yanmasyanti devāḥ sa brahmā sa śivaḥ sa harisendraḥ
so'kṣaraḥ paramaḥ svarāṭ sa sūryo bhagavān sahasrāṃśuḥ taṃ sūryaṃ bhagavantaṃ
sarvasvarūpiṇaṃ nigamā bahudhā varṇayanti | kaśyapaḥ paśyako bhavati | yatsarvaṃ
paripaśyatīti saukṣmyāt | kaśyapāduditāḥ sūryāḥ pāpānnirmunti sarvadā
rodasyorantardeśeṣu | apaitaṃ mṛtyuṃ jayati | ya evaṃ veda | yo'sau tapannudeti
asau yo'stameti | asau yo'pakṣīyati | eṣa hi devaḥ pradiśo'nusarvāḥ
pūrvo hi jātaḥ sa u garbhe antaḥ | sa vijāyamānaḥ sa janiṣyamāṇaḥ
pratyaṅmukhāstiṣṭhati viśvatomukhaḥ | asau yo'vasarpati nīlagrīvo vilohitaḥ
utainaṃ gopā adṛśannadṛśannudahāryaḥ | utainaṃ viśvā bhūtāni sa dṛṣṭo
mṛḍayāti naḥ | ṛgbhiḥ pūrvāhne divi deva īyate | yajurvede tiṣṭhati madhye
ahnaḥ | sāmavedenāstamaye mahīyate | vedairaśūnyastribhireti sūryaḥ | ṛgbhyo
jātāṃ sarvaśo mūrtimāhuḥ
eṣa brahmā ca viṣṇuśca rudra eṣa hi bhāskaraḥ
trimūrtyātmā trivedātmā sarvadevamayo raviḥ || iti
yogena ūrdhvamanthinaḥ sūryaṃ bhagavantamupāsate | dhanadhānyabahuratnavanto nirvyādhivanta
āyuṣyavanta ārogyavanto rayivanto dhanavanto balavanto bahuputravanta iti
yaḥ śrīkāmaḥ śāntikāmaḥ tuṣṭikāmaḥ puṣṭikāmo medhākāmaḥ prajñākāma
āyuṣkāma ārogyakāmo'nnādyakāmo bhāskaraṃ bhagavantamupāsīta | sayoniḥ

3.25.p1.8

sarūpatāṃ salokatāṃ gatvā stutvā mahānandamudakamupaspṛśyāpo'vagāhya vāgyataḥ
nityakarma kṛtvā śucau deśe'pyāsīno darbhān dhārayamāṇaḥ prāṅmukha upaviśya
prāṇānāyamya deśakālau saṅkīrtya trivedamayaṃ trimūrtiṃ triguṇaṃ catuṣpadaṃ pañcarūpaṃ ṣaḍarṇavedyaṃ saptāśvamaṣṭaśāpeti (?) mudayādrisamārūḍhamudayantaṃ padmakaraṃ padmāsanaṃ
padmanayanaṃ padmabāndhavaṃ divyāmbaradharaṃ divyagandhānulepanaṃ sarvābharaṇabhūṣitaṃ
sarvevedasaṃ sarvedevādhidaivataṃ sarvedevanamasyantaṃ kāśyapaṃ bhāskaraṃ dhyātvā praskaṇvaḥ
kaṇvaputro munirasya chando'nuṣṭubbhāskaro dvādaśātmako daivatamudāttasvaro jñānaṃ
netraṃ sūryastattvaṃ prathamaṃ bījaṃ dvitīyaṃ śaktistṛtīyaṃ kīlakamathāpi śrīṃbījaṃ śaktiḥ
sūrya iti kīlakam | atha pādādhairardharcaiḥ ṛgabhistūcena dvādaśabhirnāmabhiḥ
mitraravisūryabhānukhagapūṣahiraṇyagarbhamarīcyādityasavitrarkabhāskarāsyaiḥ ṣaḍbījaiḥ
saṃpuṭitāḥ | stasya sidhyanti | gacchedaṃte paraṃ padam
proktamādityamāhātmyaṃ yanmāṃ tvamanupṛcchasi
pratyakṣadaivataṃ bhānuḥ parokṣaṃ sarvadevatāḥ
tadvacānaṃ pūjanaṃ kāryaṃ śreyaskāmairjitendriyaiḥ
jitendriyāya śāntāya mantraṃ deyamidaṃ mahat
na deyaṃ cakṣulākṣāya nābhaktāya kadācana
hasanti lokāyatikā hasanti kuṭilā janāḥ
tasmādgopyaṃ prayatnena na deyaṃ yasya kasyacit
rogī rogāt pramucyeta baddho mucyeta bandhanāt
tathā pratyarthikṛtyābhirmantrayantrādikilviṣaiḥ
kiṃ putra bahunoktena satyaṃ satyena me śape || iti

3.25.p2

ityātharvaṇaśirasi sūryatāpinīye prathamaḥ paṭalaḥ

Linked texts (2)

Sūryatāpinyupaniṣat — Sanskrit
Bāṣkalamantropaniṣad — Sanskrit

Upanishads 3

Contents

Linked texts (2)