Pramāṇa · Search · About · API

Manjari 5

Mañjarī 5

Language
Sanskrit

5.p1

samāptohaẏaṃ granthaḥ.

5.p2

śrutabodhaḥ.

5.p3

chandasāṃ lakṣaṇaṃ yena śrutamātreṇa budhyate. tamahaṃ kathaẏiṣyāmi śrutabodhamabistaram .. 1 .. saṃyuktādyaṃ dīrghaṃ sānuṣbāraṃ bisargasammiśram. bijñeẏamakṣaraṃ guru, pādāṃstasthaṃ bikalpena .. 2 .. ekamātro bhabeddhrasbo, dbimātro dīrgha ucyate. trimātrasta pluto jñeẏo, byañjanañcārddhamātrakam .. 3 .. yasyāḥ pāde prathame dbādaśa mātrāṃstathā tṛtīẏe'pi. aṣṭādaśa dbitīẏe, caturthāke pañcadaśa sāryyā .. 4 ..

5.p4

āryyāpūrbbāddhisamaṃ dbitīẏamapi bhabati yatra haṃsagate. chandobidastadānīṃ gītiṃ tāmamṛtabāṇi! bhāṣante .. 5 .. āryyottarārddhatulyaṃ prathamārddhamapi prayuktaṃ cet. kāmini! tāmupagītiṃ paribhāṣante mahākabaẏaḥ .. 6 .. ādyacaturthaṃ pañcamakañcet. yatra guru syāt sākkṣarapaṅ‌ktiḥ .. 7 .. agurūcatuṣkaṃ bhabati guru dbau. ghanakucayugme! śaśibadanādau .. 8 .. turyyaṃ pañcamakaṃ ced‌ yatra syāllaghu bāle!. dbidbaddbiganetre! proktā sā madalekhā .. 9 .. śloke ṣaṣṭhaṃ guru jñeẏaṃ sarbbatra laghu pañcamam. dbicaturthapādaẏorhrasbaṃ saptamaṃ dīrghamanyaẏoḥ .. 10 .. ādigataṃ turyyagataṃ pañcamagaṃ cāntyagatam. syād guru cet tat kathitaṃ māṇabakakrīr̤amidam .. 11 ..

5.p5

dbituryyaṣaṣṭhamaṣṭamaṃ guru prayuktiṃ yadā. tadā nibedaẏanti tāṃ budhā nagasbarūpiṇīm .. 12 .. sarbbe barṇā dīrghā yasyā biśrāmaḥ syāda bedairbbedaiḥ. bidbadbaidৰībāṇi! khyātā sā bidyunmālā .. 13 .. campakamālā yatra bhabedantyabihīnā premanidhe! chandasi dakṣā ye kabaẏastanmaṇimadhyaṃ te brubate .. 14 .. tanbi! guru syādādyacaturthaṃ pañcamaṣaṣṭhaṃ cāntyamupāntyam. indriẏabāṇairyatra birāmaḥ sā kathanīẏā campakamālā .. 15 .. mandākrāntāntyayatirahitā sālaṅkāre! yadi bhabati yā. sā bidbadbhidhra bamabhihitā jñeẏā haṃsī kamalabadane! .. 16 .. hrasbo barṇo jāẏate yatra ṣaṣṭhaḥ kambugrībe! tadbadebāṣṭamāntyaḥ. biśrāmaḥ syāttanbi! bedaisturaṅgaistāt bhāṣante śālinīṃ chandasīẏāḥ .. 17 .. ādyacaturthamahīnanitambe! saptamakaṃ daśamañca tathāntyam. yatra guru prakaṭambararāge! tat kathitaṃ nanu dodhakabṛttam .. 18 .. yasyāstriṣaṭsaptamamakṣaraṃ syād hrasbaṃ sumadhye! nabamañca tadbat. gatyā bilajjīkṛtahaṃsakānte! tāmindrabajrāṃ brubate kabīndrāḥ .. 19 ..

5.p6

yadīndrabajrācaraṇeyu pūrbbe bhabanti barṇā laghabaḥ subarṇe!. amandasādānandane! tadānīmupendrabajrā kathitā kabīndraiḥ .. 20 .. yatra dbaẏorapyanaẏoru pādā bhabanti sīmantini! candrakānte!. bidbadbhirādyaiḥ parikīrttitā sā prayujyatāmityupajātireṣā .. 21 .. ākhyānakī sā prakaṭīkṛtārthe yadīndrabajrācaraṇaḥ purastāt. upendrabajrācaraṇāstraẏo'nye manīṣiṇoktā biparītapūrbbā .. 22 .. ādyamakṣaramastṛtīẏakaṃ saptamañca nabamaṃ tathāntimam. dīrghamindumukhi! yatra jāẏate tāṃ badanti kabaẏo rathoddhatām .. 23 .. akṣarañca nabamaṃ daśamañca byatyaẏāda bhabati yatra binīte!. pārśbaṇendumukhi! cañcalanetre! sbāgateti kabibhiḥ kathitā sā .. 24 .. satṛtīẏakaṣaṣṭhamanaṅgarate! nabamaṃ biratiprabhabaṃ guru cet. ghanapīnapaẏodharabhāranate! nanu toṭakabṛttamidaṃ kathitam .. 25 .. yadi toṭakasya guru pañcamakaṃ bihitaṃ bilāsini! tadakṣarakaṃ. rasasaṅkhyakaṃ guru na cedabale! pramitākṣareti kabibhiḥ kathitā .. 26 .. yadādyaṃ caturthaṃ tathā saptamaṃ syāttathaibākṣaraṃ hrasbamekādaśādyam. śaraccandrabidbeṣibaktrārabinde! tabhuktaṃ kabīndrairbhujaṅgapraẏātam .. 27 ..

5.p7

aẏi kṛśodari! yatra caturthakaṃ guru ca saptamakaṃ daśamaṃ tathā. biratipañca tathaiba bicakṣaṇairdৰutabilambitamityupadiśyate .. 28 .. prathamākṣaramādyatṛtīẏaẏodৰutabilambitakasya hi pādaẏoḥ. yadi nāsti tadā kamalekṣaṇe! bhabati sundari! sā hariṇaplutā .. 29 .. upendrabajrācaraṇeṣu santi cedupāntyabarṇā laghabaḥ pare kṛtāḥ. madollasadbijitakāmakārmmuke! badanti baṃśasthamidaṃ budhāstadā .. 30 .. yasyāmaśokāskurapāṇipallabe! baṃśasthapādā gurupūrbbabarṇakāḥ. tāruṇyahelāratiraṅgalālase! tāmindrabaṃśāṃ kabaẏaḥ pracaṇḍate .. 31 .. yasyāṃ priẏe prathamamakṣaradbaẏaṃ turyyaṃ tathā guru nabamaṃ daśāntimam. sāntyaṃ bhabed yatirapi ced yugagrahaiḥ sā lakṣyatāmamṛtarute! prabhābatī .. 32 .. ādyakṣaritritaẏamaṣṭamaṃ nabāntyaṃ copāntyaṃ gururbiratau subhāṣite! syāt. biśrāmo bhabati maheśanaitradigbhirbijñeẏā nanu sudati! praharṣiṇī sā .. 33..

5.p8

ādyāt dbitīẏamapi ced guru taccaturthaṃ yatrāṣṭamañca daśamāstyamapāntyamantyam. aṣṭābhirindubadane! biratiśca ṣar̤abhiḥ kānte! basantatilakaṃ kila taṃ badanti .. 34 ..

5.p9

prathamaguruṣaṭkaṃ bidyate yatra kānte! tadanu ca daśamañcaidakṣaraṃ dbādaśāntyam. giribhiratha turaṅgairyatra kānte! birāmaḥ sukabijanamanojñā mālinī sā prasiddhā .. 35 ..

5.p10

sumukhi! laghabaḥ pañca prācyāstato daśamāntimastadanu lalitālāpe! barṇau tṛtīẏacaturthakau. prabhabati punaryatropāntyaḥ sphuratkanakaprabhe! yatirapi rasairbedairahbaiḥ smṛtā hariṇīti sā .. 36 ..

5.p11

yadi prācyo hrasbaḥ kalitakamale! pañca gurabastato barṇāḥ pañca prakṛtisukumārāṅgi! laghabaḥ. traẏohantye copāntyāḥ sutanu! laghabo bhogasubhage! rasairīśairyasyāṃ bhabati biratiḥ sā śikhariṇī .. 37 ..

5.p12

dbitīẏamalikuntale! guru ṣar̤aṣṭamadbādaśaṃ caturdaśamatha priẏe! gurugabhīranābhihrade! saptadaśamāntimaṃ tadanu yatra kānte! yatirgirīndraphaṇabhṛtkulairbhabati subhru! pṛthbīti sā .. 38 ..

5.p13

catbāraḥ prāk sutanu! gurabo dbau daśaikādaśo ceṃ mugdhe! barṇau tadanū kumudāmodini! dbādaśāntyau. tadbaccāntyau yugaৱsasūryyairatha kānte! birāme mandākrāntāṃ prabarakabaẏastaddhi! tāṃ saṅgirante .. 39 .. ādyaṃ yatra gurutraẏaṃ priẏatame! ṣaṣṭhaṃ tataścāṣṭamaṃ santyekādaśatantraẏastadanū cedaṣṭādaśādyāntimāḥ. mārttaṇḍaimmunibhiśca yatra biratiḥ pūrṇendubimbānane! tadbṛttaṃ prabadanti kābyarasikāḥ śārddūlabikrīr̤itam .. 40 .. catbāro yatra barṇāḥ prathamamalaghabaḥ ṣaṣṭhakaḥ saptamohapi dbau tadbat ṣor̤aśādyau mṛgamadatilake! ṣor̤aśāntyo tathāntyau. rambhāstambhorukānte! munimunimunibhirddhate cedbirāmo bāle! bandyaiḥ kabīndraiḥ sutanu! nigaditā sragdharā sā prasiddhā .. 41 .. iti śrīkālidāsabiracitaḥ śrutabodhaḥ samāptaḥ.

Linked texts (3)