Vrittamanjari 12
Vṛttamañjarī 12
- Language
- Sanskrit
12.1
yasyāṃ sapta syuḥ kānte dīrghā varṇāḥ satsvānte
sā śīrṣākhyā vidvadbhirnirdiṣṭā chandovidbhiḥ
12.2
ayi yasyāṃ tṛtīyaṃ guru turyyañca ṣaṣṭham
api cāntyantathā cedvada tāṃ haṃsamālām
12.3
dīrghāḥ prāk traya eva hrasvau dvāvatha varṇau
yatnāntyau ca gurū sto jñeyā sā madalekhā
12.4
dvitīyamatha ṣaṣṭhaṃ yato'sti guru sāntyam
guṇābdhiviratiścet kumāralalitā sā
12.5
ādyakantṛtīyakaṃ pañcamañca saptamam
tanvi dīrghakaṃ yadā syāt samānikā tadā
12.6
ādyadvayaṃ guru cet turyyantathākṣarakam
yasmin sasaptamakaṃ cūḍāmaṇiṃ vad tam
12.7
prathamasamaguravaḥ ṣaḍatha yadi guruḥ
bhavati madhumatī madhumaditi ca vā
12.8
bhavati karahañca iti sa yadi pañca
laghava uta ṣaṣṭhapara uśati yatra
12.6-2
caturagurūttaramalaghu tato laghu
bhaṇati suvāsakamaguru punaryadi
12.10
ṣaḍguruparata uta laghu yadi ca
tadamṛtamuśati śubhamiha bhavati