Vrittamanjari 13
Vṛttamañjarī 13
- Language
- Sanskrit
13.1
ityuṣṇikkusumam
yasyāmaṣṭau dīrghā varṇāḥ syuścedvedairvedaiśchedaḥ
chandovidbhiḥ saṅkhyāvadbhiḥ sā saṅgīnā vidyunmālā
13.2
guru dvitīyañcaturthaṃ sapañcamaṃ saptamañca
yadāṣṭamañca prayuktaṃ priye vitānantadā syāt
13.3
dīrghāścetsyu rihādyā varṇāḥ saptama utāntyaḥ
jātā yatna sumanojñaṃ tatsyāddhaṃsarutasaṃjñam
13.3-2
yathā—[ abhyāgāmiśiśiradasīmañjīrakvaṇitatulyam | tīre rājati nadīnāṃ ramyaṃ
haṃsarutametat || (halāyudhaḥ ) ]
13.4
prathamamaguravaḥ ṣaṭ tadanu yadi gurū dvau
nanu sutanu tadoktā sukavibhiriha tuṅgā
13.5
gurū dvitīyaturyyakaṃ yadā saṣaṣṭhamaṣṭamam
bhavettadā pramāṇyaye'thavā pramāṇikā priye
13.6
bhavati guru ṣaṣṭhakambhavati punaraṣṭamam
kamalavadane yadā kamalamuditantadā
13.7
yadi satī dviguṇitā bhavati sāmalamate
sukavibhiḥ prakathitā gajagatirgajagate
13.7-2
prakathitā | yathā—ravisutāparisare viharato dṛśi hareḥ | vrajavadhūrgajagatirmudamalaṃ vyatanuta || [ gaṅgādāsaḥ ] | pādānte yatiḥ
13.8
saprathamantvaryamatho pañcamakañcāṣṭamakam
syādguru cedbhe dayatirmmāṇavakākrīr̤itakam
13.6-2
kaiṭabhajidbhaktirate vakti kaviḥ śuddhamate
māṇavakaṃ ko'pyathavā māṇavakākrīr̤amidam
13.10
ādimantṛtīyakañca pañcamañca saptamañca
yatra dīrghamacchadanti malliketi tāṃ vadanti
13.11
vyāpṛte sadaiva daivakāgrasañcayeṣu saiva
ai samānikātha vādikovidaiḥ samānyavādi
13.12
satṛtīyaṃ nanu turyyaṃ guru cetsaptamakaṃ syāt
api yatrāṣṭamamuccairvada tattarhi vitānam
13.13
ādigataṃ sacaturthaṃ saptamakañca tathāntyam
yatra guru pramade syāccitrapadā gaditā sā
13.14
yasmiṃstu tṛtīyaṃ laghu tadvacca caturthaṃ sati
syātsaptamamapyaṣṭamametacca vitānaṃ vada
13.15
ādyaṃ dvitīyaturyyakaṃ ṣaṣṭhantathāṣṭamaṃ guru
yasyāṃ prayujyate priye nārācikāṃ vadanti tām
13.16
ādyadvitayaṃ guru cet syātpañcamamaṣṭamakam
yasyāṃ sati sā prathinā nārācikayābhidhayā
13.17
dviguṇacaturagururanudinanutaguru
yadi sa vimalamamaciracala iti vadati