Vrittamanjari 14
Vṛttamañjarī 14
- Language
- Sanskrit
14.1
ityanuṣṭupkusumam
aṣṭābhyo dīrghebhyo varṇebhyo
bhūyaścaiko dīrgho yatra syāt
chandobhijñairvijñairvijñaptā
rūpāmālīsaṃjñā jñeyā sā
14.2
prathamamaguravaḥ ṣaṭ syustadanu ca guravo yasyām
traya uta hayadiśichinnā
bhujagaśiśusṛtā soktā
14.3
bhujagaśiśuyutāmetāṃ
śaśimukhi kathayantyeke
bhujagaśiśubhṛtāmanye
bhujagaśiśuvṛtāṃ kecit
14.4
ayi sudati yatra ṣaṣṭhaṃ
guru tadanu cāṣṭamañcet
navamamapi cākṣaraṃ syāt
taruṇi tadavehi vimbam
14.5
satṛtīyamamalavarṇe
calakuṇḍalayutakarṇe
guru cāṣṭamanavamañced
bṛhatī bhavati tadā sā
14.6
amalakamalavadane
calakuvalayanayane
navamakamalaghu yadā
kamalamiti vada tadā
14.7
ādimaṃ yatra gurvvakṣaraṃ
syāttṛtīyañca turyyantathā
ṣaṣṭhakaṃ saptamañcāntimaṃ
sā mahālakṣmyabhikhyā bhavet
14.7-2
śraddhayā śuddhabhaktyā ca yaḥ sevate śrīmahālakṣmikām| tasya bhūtiḥ sadā
varddhate śuklapakṣe yathā glaukalā || pādānte yatiḥ
14.8
prathamaṃ dvitīyaturyyakaṃ
laghu yatra ṣaṣṭhamaṣṭamam
api sā ciraṇṭi vaṇṭitā
kavibhirbhujaṅgasaṅgatā
14.6-2
dīrghakamprathamamakṣaraṃ
syāttṛtīyamatha saptamam
tadvadeva navamaṃ yadā
bhadrikā bhavati sā tadā
14.10
ādyacaturthau yatra gurū
pañcamaṣaṣṭhau cennavamaḥ
tanmaṇimadhyantanvi tadā
syānmaṇibandho vā pramade
14.11
bhavati guruḥ pañcamakastadanu saṣaṣṭho navamaḥ
śaśimukhi yasyāṃ kavibhirnanu kathitā sā hariṇī
14.12
punariyamevābhidhayā
vidhumukhi sāraṅgikayā
pratanakavīnāṃ vadane
sphuritavatī sadgadane
14.13
yasyāṃ prācyāḥ śaśivadane
catvāraḥ syuryyadi guravaḥ
varṇāstadvannanu navamaḥ
pāittā sā bhavati tadā
14.13-2
kṛṣṇasya śrīpadanaline | dattvā mṛtyoḥ śirasi padaṃ yāsyāmaḥ svābhimatapadam
pādānte yatiḥ
14.14
ādimambhavati gurukaṃ
cettṛtīyamatha navamam
yatra ca trirasaviratiḥ
sā smṛtā nanu halamukhī
14.15
prathamadvitīyacaturthamatha ṣaṣṭhasaptamakañca
navamañca yatra na dīrghamayi tomarantadavehi