Vrittamanjari 15
Vṛttamañjarī 15
- Language
- Sanskrit
15.1
iti vṛhatīkusumam
10 | paṅktiḥ
yasyādau traya uditā dīrghā
dṛśyante śaśivadane'nte'pi
catvāro yadi laghavo madhye
chinnaḥ kheṣviṣu paṇavaḥ sa syāt
15.2
yatra sadvitīyakañcaturthaṃ
ṣaṣṭhamaṣṭamañca cellaghu syāt
kundakudmalālikāntadante
sā mayūrasāriṇī tadoktā
15.3
ādyacaturthau pañcamaṣaṣṭhāvaṣṭamato dvau yatra gurū staḥ
rukmavatī vā rūpavatī vā
pañcakamālā vāpi bhavetsā
15.4
mastakarājaccampakamāle
candanavindūdbhāsitabhāle
sendriyavāṇaiścetsavirāmā
campakamālā syādabhirāmā
15.5
catvāri prāk sutanu gurūṇi
syuścettadvannavamamathāntyam
viśrāmaścecchrutira saśobhī
sadbhirmattā sumukhi tadoktā
15.6
ādyacaturthaṃ dīrghamakṣaraṃ
pañcamaṣaṣṭhaṃ yatra sāṣṭamam
syāddaśamañcāgāradīpike
dīpakamālā sā smṛtā budhaiḥ
15.7
guru caturthakañcalālake
bhavati ṣaṣṭhakantathāṣṭamam
daśamamakṣaraṃ yato hi sā
nigaditā budhairmanoramā
15.8
turyyampañcamasaptamaṃ priye
yatta syānnavamaṃ tathākṣaram
hrasvaṃ śuddhavirāṭparāyaṇe
dhīraiḥ śuddhavirāṭ sa īritaḥ
15.6-2
dayite tṛtīyakapañcamaṃ
guru yatra yojitamaṣṭamam
daśamañca kuñcitakeśi sā
kavibhirnu tā kila saṃyutā
15.10
sādyadvayapañcamamaṣṭamaṃ
dīrghandaśamañca yadākṣaram
dvābhyāṃ vasubhiśca yatistadā
gītāmaladhībhirupasthitā
15.11
ādyā yatra tu guravastrayo
varṇāścāṣṭamadaśamau tathā
śrīkṛṣṇāpacitiparāyaṇe
bho vāmoru sa paṇavo bhavet
15.12
ādyadvitayaṃ yasyāṃ gurukaṃ
syātpañcamakaṃ ṣaṣṭhañca tathā
cetsaptamakañcaiva daśamaṃ
sā tarhi budhaiḥ proktā suṣamā
15.12-2
preyān vad kiṃ kinno kurute | dhanyā ramaṇī sarvvaṃ sahate duḥkhaṃ sukhavatsvānte
manute || [ vāṇībhūṣaṇam ] | pādānte yatiḥ
15.13
ādigataṃ sacaturthamatho
saptamakañca tathā daśamam
yatra bhavedguru satyarate
sā kathitā nanu sāravatī
15.14
kulamahilākulatilake
dhṛtasitacandanatilake
yadi guru pañcamadaśamaṃ
tvamṛtagatirbhavati tadā
15.15
kamaladalāyatanayane
vratakṛtabhūtalaśayane
iyamapi cetvaśarayatirbhavati tadā tvaritagatiḥ
15.16
catvāraḥ prāk sutanu guravo
jātā yasyāṃ daśamasahitāḥ
vedaiḥ svādairbhavati viratiśced haṃsī sā kavibhiruditā