Vrittamanjari 26
Vṛttamañjarī 26
- Language
- Sanskrit
26.1
ityatidhṛtikusumam
laghu yatra prathamadvayaṃ sthiravacaḥ syātpañcamaṃ ṣaṣṭhakaṃ
sthiracitte'kṣaramaṣṭamaṃ sadaśamañcaikādaśaṃ dvādaśam
lalane ṣoḍaśamūnaviṃśamapi tanmattebhavikrīr̤itaṃ
viratiścedbhavati trayodaśahayairmattebhalīlāgate
26.2
satṛtīyakaṃ yadi pañcamaṃ bhavati priye guru sāṣṭamaṃ
daśamantrayodaśakañca pañcadaśañca saptadaśāntimam
api viṃśakaṃ śrutasatkathe śrutigāmidṛk śrutiśarmadādhyayanakramādalasalocane nanu gītikā kathitā tadā
26.3
catvāro yatra dīrghāḥ prathamamatha cetsaptakaḥ saptamo'pi
dvau taddvādaśāntyau śaśisukhi tato'ṣṭādaśādyau tathānyau
rambhāstambhoru phullāmbujasuvadane devaviprānurakte
vidvadvṛndaistadā sā sutanu bhaṇitā śuddhavaṃśye suvaṃśā
26.4
aviśrāntaṃ kānte haricaraṇarate ślakṣṇagambhīrabhāṣe
sadā pātivratyavratadhutadurite smeramugdhānanaśrīḥ
yadaikaḥ ṣaṣṭhānte nanu laghuradhiko jāyate vismitāyārasaṣṭyaiśvaryyasyāṃ bhavati ca viratistarhi śobhā bhavetsā
26.5
yasyāmbhoḥ pañcamaḥ syāllaghuralaghumate pūrṇenduviśade
varṇāḥ ṣaṭ saptamāccetsahajamadhuravāgambhojavadane
evañcetṣoḍaśācca traya iha viratirdvīpāmbudhirasairvidvadvṛndaistadā tāṃ vadati suvadanāṃ vā saumyavadanām
26.6
cañcalāṅghriśeṣato gurūttaraṃ laghu krameṇa cākṣarasya
ceccatuṣkamabjagandhituṇḍamaṇḍale vibhāti tanvi yatra
kāvyapuṇḍarīkaṣaṇḍabodhanapracaṇḍabhānu paṇḍitaistaduktamañjanāktenetri vṛttanāma gaṇḍakātha vā sugātri