Vrittamanjari 29
Vṛttamañjarī 29
- Language
- Sanskrit
29.1
pañcamaḥ stavakaḥ
viṣamavṛttāni
vaktrakusumam
dīrghāntā na trayo varṇā hrasvāḥ syurvākṣarādādyāt
hrasvādyāścettrayasturyyātpāde tvaṣṭākṣare vaktram
29.2
yugmayoḥ pādayornādyādvarṇātpaścāttrayo varṇāḥ
hrasvamadhyā na karttavyā munirityabravītkānte
29.3
catvāri yugmayoḥ prāñci gurūkhyevākṣarāṇīti
gaṅgādāsena yattūktaṃ munermatavirodhvetat
29.4
yugmayoḥ pādayosturyyādūrddhaṃñcedgurumadhyagāḥ
varṇāstrayaḥ prayujyante pathyāvaktraṃ tadoditam
29.5
turyyato'ṅghryorayugmayossminmadhyaguruvarṇāścet
pathyāvaktrantadā bhavedviparītādyamaikīyam
29.6
dayite'ṅghryorviṣamayoścaturthāccettrayo hrasvāḥ
capalāvaktramuditaṃ tadācāryyāni vāgīśaiḥ