Vrittamanjari 3
Vṛttamañjarī 3
- Language
- Sanskrit
3.1
dvitīyaḥ stavakaḥ
(ka) gurulaghusaṃjñākusumam
akṣasūtrakarakājinojjvalaḥ sopavītadhṛtamauñjamekhalaḥ
jvālapiṅgalajaṭaḥ sadagraṇīśchāndaso jayati piṅgalomuniḥ
3.2
yasya nāma rasanāṃ kalāvatī sābhilāṣamadhiruhya bhāratī
nṛtyati sma tamahaṃ mahākaviṃ kālidāsamabhivādaye mudā
3.3
pāṭhamātrata ihākhilaṃ yathā mandadhībhirapi vṛttalakṣaṇam
jñāyate sphuṭamayatnatastathā vacmi vṛttavati vṛttamañjarīm
3.4
cāṣasāhajikaghoṣasamparicchinnakāla iha mātrayākhyayā
komalāṅgi kalayā ca satpriye chandasi vyavahṛto maharṣibhiḥ
3.5
ekamātrakamudīritambudhairhasvaminduvadane dvimātrakam
dīrghamāśravaṇadīrghalocane hrasvameva laghu vakti pāṇiniḥ
3.6
yuktapūrvagatamakṣaraṃ guru jñeyamasvarahalaśca pūrvagam
tadvadindumukhi bindusaṃyutaṃ dīrghamapyuta visargamiśritam
3.7
kiñca bhāvini visarjanīyato jātayoḥ kupunimittayoḥ priye
pūrvagaśca ≍ka≍payorgurustvayāgneyasammatamidaṃ nibudhyatām
3.8
prahapūrvvagalaghorna paiṅgalaṃ sūtramasti gurutāvikalpakṛt
bhrāntimūlakamata eva mañjarīcchandasāṃ racayiturvvacaḥ priye
3.6-2
syāddvitīyakacaturthayorguruḥ pādayorlaghurapi priye'ntimaḥ
nāpavādaviṣaye'nyayorapi syādvasantatilakopajātiṣu
3.10
ceddvitīyakacaturthapādayorādisambhavati yuktamakṣaram
tannimittakaguruḥ kvacillaghurnāparo gururiti vyavasthitiḥ
3.11
yadgurāvagurutāṅghriśeṣage yacca pattriṇi pade patattri tā
svīkṛtā sumukhi mañjarīkṛtā chandasāṃ tadubhayampramādajam
3.12
iti saṃñjñā mayā proktā guruladhvoryathāgamam
śṛṇu padmapalāśākṣi paribhāṣāsystem
tataḥ param