Vrittamanjari 30
Vṛttamañjarī 30
- Language
- Sanskrit
30.1
vipulākusumam
hrasvaḥ syātsaptamo varṇaḥ pādayoryadi yugmayoḥ
akalaṅkaśaśāṅkāsye syādyugmavipulā tadā
30.2
caturṣu caraṇeṣvapi hrasvaṃ bhavati saptamam
cettarhi vipuleti sā saitavācāryyasammatā
30.3
turyyādayugme caraṇaṃ dīrghādyaṃ tryakṣaraṃ yadā
kānte prayuktaṃ kriyate jñeyā bhavipulā tadā
30.4
ādye tṛtīye dvayorvāṅghrostūryādakṣarātparam
hrasvamadhyaṃ tryakṣarañcettadā ravipulā bhavet
30.5
ādye tṛtīya ubhayorvāṅghrorvarṇāccaturthataḥ
varṇāstrayo'pi laghavaḥ syuścennavipulā tadā
30.6
ādye tṛtīye'ṅghrordvayorvā caturthākṣarādyadi
hrasvāntaṃ syādvarṇatrayaṃ tadā tavipulā bhavet
30.7
ādye tṛtīye vāpyaṅṅghro rubhayorvā caturthataḥ
trīndīrghavarṇānnṛttvāhuḥ kecinmavipulāmpriye
30.8
ādime vā tṛtīye vā dvayorvānyasya pādayoḥ
laghunī dve guru caikaṃ turyyātsavipulāṃ viduḥ
30.6-2
bhavetsaṅkīrṇavipulā vipulāpādamiśraṇāt
caturthavarṇaśca gururamūṣāmprāyaśaḥ smṛtaḥ
30.10
prakārāścārusarvāṅgi vipulānāmanekakaḥ
saṅkīrṇāścānulakṣyante mahākāvyeṣu bhūriṣu