Vrittamanjari 35
Vṛttamañjarī 35
- Language
- Sanskrit
35.1
ityāryyākusumam !
vaitālīgrantaducyate mātrā yatra caturddaśāsame
yugme yadi ṣoḍaśāntimā varṇāḥ pañca gurulaghuḥ kramāt
35.2
viṣame parayeha miśritā karaṇīyā na kalā dvituryyagā
caraṇe tu same hite rate nanu ṣaṣṭhī ca tathaiva vallabhe
35.3
viṣamacaraṇayoryadṛcchayoditaniyametarathāpi vallabhe
aparacaraṇayoḥ punarna ṣallaghumātrāḥ kurutāṃ pṛthak pṛthak
35.4
nīlāyatalolalocanābje vaitālīyacatuṣpadāvasāne
ekaṃ guru jāyate'dhikañcedaupacchandasakantadoktamāryaiḥ
35.5
ekagururdvāvagurū ca dvau dīrghau sto yatra padānte
āpātalikā kathitā sā nanu sakalaṃ yadi pūrvavadanyat
35.6
caturṣu pādeṣviha priye kalā dvitīyā śliṣyate yadā
tṛtīyā yā yatra mātrayā, bhavettadā sā dakṣiṇāntikā
35.7
lalane dvicaturthapādayo pūrvvagā sutanu miśritā bhavet
yadi pañcamamātrayā tadā prācyavṛttiriha gīyate budhaiḥ
35.8
ayugmapadayorvimiśritā yadi pūrvveha tṛtīyamātrayā
tadā dhruvamudīcyavṛttirityabhibhāṣanta imāmmahādhiyaḥ
35.6-2
dvituryyapadayorvimiśritā yatra pañcamikayeha pūrvvagā
tathānyapadayostṛtīyā pūrvvagā bhavati tatpravṛttakam
35.10
caturṣu caraṇeṣvapi priye yadāsya viṣamāṅghliīkṣaṇam
bhavetkavibhirucyate tadā caritravati cāruhāsino
35.11
yadi caturṣu caraṇeṣu yugmayoścaraṇayorbhavettasya lakṣaṇam
gurujanāntikanatānanāmbuje nanu tadeyamaparāntikā bhavet
35.12
ayi sundari sundarīti yā kathitā chandasi varṇavṛttake
praviśenna tadīyalakṣaṇaṃ mātrāvṛtta iheti niścinu