Vrittamanjari 36
Vṛttamañjarī 36
- Language
- Sanskrit
36.1
atha mātrāsamakakusumam
ṣor̤aśa mātrā viratiḥ śravye laghuranucaraṇaṃ navamī bhavye
antyā dīrghā karuṇāloke mātrāsamakaṃ prathitaṃ loke
36.2
sarvvaṃ syādadharavijitavimbe prāgvacchaśadharasamukhavimbe
navamī dvādaśyapi laghubhaktā yasyāṃ sā vānavāsikoktā
36.3
yatra praticaraṇe tanvi syuḥ pārvaṇaśaśimukhi ṣor̤aśamātrāḥ
yadi pañcamī laghurathāṣṭamikā, gururantimā sa viślokaḥ syāt
36.4
raktakamalamukhi yadi viśloke navamī ca bhavati laghurviśoke
citreti nāma hi tadā labhate chandaḥpravīṇakavayo bruvate
36.5
yatra syuḥ pratipāde mātrāḥ kānte ṣor̤aśa gurvvavasānāḥ
navamikayā daśamī ca guruścettadā bhavedrupacitrākhyā sā
36.6
smitasambhāṣitavikasitadante niṣpannaṃ yadi suvimalakānte
eṣāṃ kaiścana caraṇaiḥ śānte pādākulakamidaṃ smara kānte
36.7
tatpādākulakaṃ yatpāde, ṣor̤aśamātrā yāvakapāde
gurulaghvornāsti ko'pi niyamaḥ paramantarāntarā gurulaghavaḥ
36.8
ṣor̤aśamātrāḥ pāde sthāpaya, yamake ubhayordalayoḥ prāpaya
laghuyugamante cedavadhāraya tadaḍillammadhyagurūccāraya
36.6-2
prāk tricatuṣkalagaṇamanupade hi gurumadhyagaṇañca tato nidhehi
ayi yatra catuḥṣaṣṭiḥ kalā hi nanu pajjhaṭikāṃ sati tāmavehi
36.10
ṣor̤aśa mātrāḥ pāde kānte, sānuprāsā yadi pādānte
nirmadhyagurucatuṣkalasādhyā, pajjhaṭikā tarhi budhārādhyā
36.11
prathamamacaladhṛtipadayugamudayati dhṛtadinakarakarajalaruhasamamukhi
paścārddhe cedvidyunmālāpādau syātāṃ tarhi jyotiḥ
36.12
tatpūrvvārddhe paścārddhañcetpaścārddhe pūrvvārddhaṃ saumyā
bhavati sumukhi haribhajanasaphalajanuraśakalaguṇamaṇigaṇavikhacitatanu
36.13
triguṇitanavamitalaghukamavasitigatagurukamatirucirarucike
yadi dalayugalamaśakalaśaśadharamukhi bhavati hi punaratirucirā
36.14
triguṇitanavalaghuta udayati gururacaramadala iha caramadale
dviguṇitadaśanavalaghuta [udayati] yadi gururayi sudati bhavati
śikhikā
36.15
triguṇitanavalaghuta udayati gururiha śaśimukhi yadi dalayugale
varatara itarakavinikara upadiśati matimati punariti śikhikā