Vrittamanjari 5
Vṛttamañjarī 5
- Language
- Sanskrit
5.1
ślokasya kānte caraṇāntamātre yatistadarddhetu viśeṣarūpā
vimboṣṭhi vedādipadāntataśca vyaktānabhivyaktavibhaktike syāt
5.2
pūrvvāparāṃśau yadi naikavarṇau syātāṃ sphuṭendīvarapatranetre
padasya madhye'pi yatiḥ kvacitsyādguṇābdhivāṇartuhayācalādau
5.3
pūrvāntavatsundari saṃhitāyāmacaḥ kadācittu parādivatsyuḥ
tathā yaṇādeśa iha pramugdhe parādivatsyādyaticintane tu
5.4
pūrveṇa sambandhayujastu nityaṃ syuścādayaḥ pūrvvapadāntavadbhoḥ
pareṇa sambandhayujastu nityaṃ syuḥ prādayastanvi parādivacca
5.5
ityāmnāyaprasiddhaste yatibhedaḥ pradarśitaḥ
śṛṇvatha cchandasāṃ sañjñā ākarṇāyatalocane