Vrittamanjari 6
Vṛttamañjarī 6
- Language
- Sanskrit
6.1
(gha) sāmānyasaṃjñākusumam
pādairekākṣarairukthātyukthā tu dvayakṣarairmatā
tryakṣaraistu bhavenmadhyā pratiṣṭhā caturakṣaraiḥ
6.2
pañcākṣaraiḥ supratiṣṭhā gāyatrī syātṣaḍakṣaraiḥ
uṣṇik saptākṣaraiḥ proktā'nuṣṭubaṣṭākṣaraiḥ smṛtā
6.3
navākṣaraiḥ syādvṛhatī jñeyā paṅktirdaśākṣaraiḥ
ekādaśākṣaraistriṣṭubjagatī dvādaśākṣaraiḥ
6.4
trayodaśākṣarairdhīraiḥ kānte'tijagatī smṛtā
caturdaśākṣaraiḥ sādhvi śakkarī saṃsmṛtā budhaiḥ
6.5
tathātiśakkarī nāma bhavetpañcadaśākṣaraiḥ
syātṣoḍaśākṣarairaṣṭiratathā saptadaśākṣaraiḥ
6.6
atyaṣṭiḥ sammatā śiṣṭairdhṛtiraṣṭādaśākṣaraiḥ
ūnaviṃśatyakṣaraistu prājñairatidhṛtiḥ smṛtā
6.7
kānte viṃśatyakṣaraistu kṛtiḥ kṛtibhirucyate
ekaviṃśatyakṣaraistu prakṛtiḥ samprakīrttitā
6.8
dvāviṃśatyakṣarairvidvadvṛndairākṛtirucyate
trayoviṃśatyakṣaraistu vikṛtiḥ sādhvi budhyatām
6.6-2
sālaṃkṛte caturviṃśatyakṣaraiḥ saṅkṛtirbhavet
pañcaviṃśatyakṣaraistu bhavedatidhṛtiḥ priye
6.10
ṣaḍviṃśatyakṣaraiḥ pūrvvaiḥ kavibhiḥ kīrttitotkṛtiḥ
ata ūrddhvaṃ caṇḍavṛṣṭiprapātādyāstu daṇḍakāḥ
6.11
iti sāmānyasaṃjñoktā chandasāmadhunaikataḥ
lakṣyalakṣaṇasaṃśliṣṭaṃ śṛṇu cchando'nuśāsanam
6.12
iti sāmānyasaṃjñākusumam
iti dhīreśvarācāryyakṛtau chando'nuśāsane
śrīvṛttamañjarīnāmni dvitīyastavako gataḥ