Apastambagrihyasutra 187

Anākulā, with Sudarśanārya's Tātparyadarśana 187

Language: Sanskrit

187.2

asminnahani yāvadastamayaṃ mūtrapurīṣotsarjanārthamapyasau maṇḍapādbahirna nirgacchet ityarthaḥ //2//

madhyandine 'gnerupasamādhānādyājyabhāgānte pālāśīṃ samidhamuttarayā'dhāyāpareṇāgniṃ kaṭa erakāyāṃ vopaviśyottarayā kṣuramabhimantryottareṇa yajuṣā vaptre pradāyāpāṃ saṃsarjanādyākeśanidhānāt samānam //

187.5

COMMENTARIES:

187.6

atha tasminnahani madhyandine karma pratipadyate /
agnerupasamādhānādi /
śamyāḥ /
sakṛtpābhāṇi kṣurādibhissaha /
svayameva kartā nācāryaḥ /
ājyabhāgāntavacanaṃ samidādhānāderuttarasya karmaṇaḥ kālopadeśārtham /
anenaiva tantraprāptāvapi siddhāyāṃ aghnerupasamādhānādivacanaṃ tantrārambhaseyaiva madhyandinaniyamaḥ, na kṛtsnasya karmaṇaḥ /
uttarayarcā'imaṃ stoma'mityetayā /
na svāhākāraḥ, juhoticodanābhāvāt /
kaṭaḥ prasiddhaḥerakātatprakṛtibhūtaṃ tṛṇam /
kaśipvityanye /
uttarayarcā'tryāyuṣa'mityetayā /

187.7

kṣuramabhimantrya /
uttareṇa yajuṣā 'śivo nāmāsī'tyanena /
vaptā nāpitaḥ nācāryaḥ /
tasmai kṣuraṃ pradāya tataḥ 'uṣṇāḥ śītāsvānīye'tyādi yadapāṃ saṃsarjanādikarmakeśanidhānāntaṃ tadupanayanena samānam /
kiṃ? kārayatītyadhāyāhāraḥ /
kena kārayati?ācāryeṇa yadyapyācāryakulādayaṃ nivṛttaḥ, tathāpi snāna kāle vivāhakāle ca samavaityācāryaḥ /
samānavacanasāmarthyāt /
yo 'syāpacitastamitarayā (āpa.gṛ.3-9) iti ca darśanāt /
spaṣṭaṃ cāśvalāyanake-athaitānyupakalpayati samāvartamānarḥ (tyamāne) (āśva.gṛ.3-7-1) ityādi /
anye tvācāryakula eva samāvartamicchanti /
tatrācāryassaṃsarjanondane kṛtvā kṣuraṃ nāpitādapādāya pratidiśaṃ pravāpya punastasmai pradāya taṃ ca vapantamuttarayānumantrayate /
evamantamācāryakarma //3//

Linked texts (1)

Āpastambagṛhyasūtra — Āpastamba, Sanskrit