Apastambagrihyasutra 47

Anākulā, with Sudarśanārya's Tātparyadarśana 47

Language: Sanskrit

47.1

śaktissamarthyam /
viṣaye 'vakāśaḥ /
asyāmṛddhiparīkṣāyāṃ varatatpakṣiṇāṃ sāmarthyasyāvakāśe sambhavati, yadi kanyā ca tadīyāścemāṃ parīkṣāmabhyupagaccheyurityarthaḥ /
yata evātra śaktiviṣaya ityāha, ata evaiṣā ṛddhiparīkṣā jyotiṣādibhirvaikalpikī, na tu nityavadvivāhāṅgam /

47.2

dravyāṇivakṣyamāṇāni mṛtpiṇḍeṣu ca praticchannānyekasmin bhājane nidhāya kanyāṃ samīpe ca kṛtvā, tāṃ brūyādeṣāṃ piṇḍānāmekamupaspṛśeti // 15 //

47.3

kāni tānītyata āha--

47.4

nānābījānivrīhiyavādibījāni /
saṃsṛṣṭāniekasmin piṇḍe kṣiptāni /
vedyāḥ saumikyāḥ āhṛtān pāṃsūn /
kṣetrāt sasyasampannādāhṛtaṃ loṣṭam /
aviśiṣṭe prasiddhe //16//

47.5

pūrveṣāmupasparśane yathāliṅgamṛddhiḥ //

47.6

uttamaṃ paricakṣate //

47.7

COMMENTARIES:

47.8

tatra bījasparśane prajābhissamṛddhiḥ /
vedipurīṣe yajñaiḥ, kṣetraloṣṭe dhanadhānyaiḥ, gomaye paśubhiḥ, śmaśānaloṣṭe maraṇamiti yathāliṅgārthaḥ /

47.9

uttamamantyaṃ dravyaṃparicakṣategarhante varjayantītyarthaḥ //14//

Linked texts (1)

Āpastambagṛhyasūtra — Āpastamba, Sanskrit