Baudhayanagrihyasutra 1.3: atha prathamapraśne tṛtīyo 'dhyāyaḥ

Baudhāyanagṛhyasūtra 1.3

Language: Sanskrit

atha prathamapraśne tṛtīyo 'dhyāyaḥ

1.3.1

atha śucau same deśe agnyāyatanadeśaṃ śakalena triḥ prācīnamullikhet trirudīcīnam \1\

1.3.2

athādbhirabhyukṣya śakalaṃ nirasyāpa upaspṛśya yājñikātkāṣṭhādagniṃ mathitvā śrotriyāgārādvā ' 'hṛtya vyāhṛtibhirnirupyopasamādhāyopadiṣṭhate \2\

1.3.3

juṣṭo damūnā atithidurgeṇa imaṃ no yajñamupayā hi vidrān \ viśvā agne 'bhiyujo vihatya śatrūyatāmābharā bhojanāni iti \3\

1.3.4

athainaṃ pradākṣiṇamagniṃ parisamūhya paryṛkṣya paristīrya prāgagrairdarbhairagniṃ paristṛṇāti \4\

1.3.5

api vodagagrāḥ paścācca purastācca bhavanti \5\

1.3.6

dakṣiṇānuttarānuttarānadharānyadi prāgudagagrāḥ \6\

1.3.7

uttareṇāgniṃ pragagrān darbhān saṃstīrya teṣu dvandvaṃ nyacci pātrāṇi saṃsādayati devasaṃyuktānyekaikaśaḥ pitṛsaṃyuktāni sakṛdeva manuṣyasaṃyuktāni \7\

1.3.8

yatsaha sarvāṇi mānuṣāṇi ityetasmādbrāhmaṇāt \8\

1.3.9

pavitre kṛtvā tūṣṇīṃ saṃskṛtābhiradbhiruttānāni pātrāṇi kṛtvā prokṣya vistrasyedhmaṃ trissarvābhiḥ prokṣati \9\

1.3.10

darbheṣu dakṣiṇato brāhmaṇa upaviśati utarata udapātram \10\

atha tiraḥpavitramājyasthālyāmājyaṃ nirupyodīco 'ṅgārā 'nnirūhya yantānkṛtvā teṣvadhiśrityābhidyotanenābhidyotya dve darbhāgre pracchidya prakṣāḷya pratyasya punarabhidyotya triḥ paryagnikṛtvā vartma kurvannudagudvāsya pratyūhyāṅgārān barhirāstīrya athainadudīcīnāgrābhyāṃ pavitrābhyāṃ punarāhāraṃ trirutpūya vistrasya pavitre 'dbhissaṃspṛśyāgnāvanupraharati \11\

1.3.12

atha darvī niṣṭapya darbhaissaṃmṛjyādbhissaṃspṛśya punarniṣṭapya prokṣya nidhāya darmānadbhissaṃspṛśyāgnāvanupraharāti \12\

1.3.13

atha śamyāḥ paridhāti svādirī darvī tejaskāmasyaudumbaryannādyakāmasya pālāśī brahmavarcasakāmasya iti \13\

1.3.14

atha haikeṣāṃ vijñāyate nirṛtigṛhitā vai davīṃ yaddarvyā juhuyānnirṛtyā 'sya yajña grāhayettasmātstruveṇaiva hotavyam iti \14\

1.3.15

pālāśena struveṇetyātreyaḥ \15\

1.3.16

khādireṇetyāṅgirasaḥ \16\

1.3.17

tāmrāyasenetyātharvaṇaḥ \17\

1.3.18

kārṣṇāyasenābhicaranniti sārvatrikam \18\

1.3.19

anyo vā 'syaitāvatkṛtvā ' 'gamanaṃ kāṅkṣet \19\

1.3.20

apareṇāgnimudīcīnapratiṣevaṇāmerakāṃ sādhivāsāmāstīrya tasyāṃ prāñcāvupaviśata uttarataḥ patirdakṣiṇā patnī \20\

1.3.21

athānvārabdhāyāṃ pradakṣiṇamagniṃ pariṣiñcati \21\

1.3.22

adite 'numanyasva iti dakṣiṇataḥ prācīnam \22\

1.3.23

anumate 'numanyasva iti paścādudīcīnam \23\

1.3.24

sarasvate 'numanyasva ityuttarataḥ prācīnam \24\

1.3.25

deva savitaḥ prasuva iti samantaṃ pradakṣiṇaṃ samantameva vā tūṣṇīm \25\

1.3.26

athebhyamabhyajya parisamidhaṃ śinaṣṭi svāhākāreṇābhyādhāyāghārāvādhārayati \26\

1.3.27

prajāpataye svāhā iti manasottare paridhisandhau saṃspṛśyākṣṇayā santatam \27\

1.3.28

indrāya svāhā ityupāṃśu dakṣiṇe paridhisandhau saṃspṛśyākṣṇayā santatam \28\

1.3.29

athājyabhāgau juhoti \29\

1.3.30

agnaye svāhā ityuttarārdhapūrvārdhe \30\

1.3.31

somāya svāhā iti dakṣiṇārdhapūrvārdhe \31\

1.3.32

athāgnimukhaṃ juhoti \32\

1.3.33

yukto vaha jātavedaḥ purastādagne viddhi karma kriyamāṇaṃ yathedam \ tvaṃ bhiṣagbheṣajasyāsi kartā tvayā gā aśvān puruṣān sanemi svāhā \33\

1.3.34

catasra āśāḥ pracarantvagnaya imaṃ no yajñaṃ nayatu prajānan \ ghṛtaṃ pibannajaraṃ suvīraṃ brahma samidbhavatyāhutīnāṃ svāhā \34\

1.3.35

ā no bhadrāḥ kratavo yantu viśvato 'dabdhāso aparītāsa udbhidaḥ \ devā no yathā sadamidvṛdhe sanna prāyuvo rakṣitāro dive dive svāhā \35\

1.3.36

virūpākṣa mā vibāṃdhiṣṭhā mā vibādha vibādhithāḥ \ nirṛtyai tvā putramāhussa naḥ marmāṇi dhāraya svāhā \36\

1.3.37

virūpākṣamahaṃ yaje nijaṅghaṃ śabaḷodaram \ yo mā 'yaṃ paribādhate śriyai puṣṭyai ca nityadā tasmai svāhā \37\

1.3.38

yā tiraścī nipadyase 'haṃ vigharaṇī iti \ tāṃ tvā ghṛtasya dhārayā 'gnau saṃrādhirnī yaje svāhā \38\

1.3.39

saṃrādhinyai devyai svāhā \ prasādhinyai denyai svāhā \ bhūssvāhā \ bhuvassvāhā \ suvassvāhā bhūrbhuvassuvassvāhā ityetāvat sarvadarvīhomānāmeṣa kalpaḥ \39\
iti bodhāyanīyagṛhyasūtre prathamapraśne tṛtīyodhyāyaḥ

Linked texts (1)

Bhāradvājaśrautasūtra — Sanskrit