[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Baudhayanagrihyasutra](https://indike.org/pramana/in.vedanga.kalpa.grhya.baudhayana) › 1.4 # Baudhayanagrihyasutra 1.4: atha prathamapraśne caturtho 'dhyāyaḥ Baudhāyanagṛhyasūtra 1.4 - **Language:** Sanskrit ### atha prathamapraśne caturtho 'dhyāyaḥ ### [1.4.1](https://indike.org/pramana/in.vedanga.kalpa.grhya.baudhayana.1.4.1) athāsyā upotthāya dakṣiṇena hastena dakṣiṇamaṃsaṃ pratibāhumanvavahṛtya hṛdayadeśamabhimṛśati\_mama hṛdaye hṛdayaṃ te astu mama citte cittamastu te \ mama vājamekamanāḥ śṛṇu māmevānuvratā sahacaryā mayā bhava iti \1\ ### [1.4.2](https://indike.org/pramana/in.vedanga.kalpa.grhya.baudhayana.1.4.2) athāsyai dakṣiṇe karṇe japati \2\ ### [1.4.3](https://indike.org/pramana/in.vedanga.kalpa.grhya.baudhayana.1.4.3) māṃ te manaḥ praviśatu māṃ cakṣurmāmu te bhagaḥ mayi sarvāṇi bhūtāni mayi prajñānamastu te \3\ ### [1.4.4](https://indike.org/pramana/in.vedanga.kalpa.grhya.baudhayana.1.4.4) madhuge madhvagāhe jihvā me madhuvādinī \ mukhe me sāraghaṃ madhu datsu saṃvananaṃ kṛtam \4\ ### [1.4.5](https://indike.org/pramana/in.vedanga.kalpa.grhya.baudhayana.1.4.5) cākravākaṃ saṃvananaṃ yannadībhya udāhṛtam \ yadvittau devagandharvau tena saṃvaninau svaḥ \5\ ### [1.4.6](https://indike.org/pramana/in.vedanga.kalpa.grhya.baudhayana.1.4.6) spṛśāmi te 'hamaṅgāni vāyurāpaśca mā maraḥ \ māṃ caiva paśya sūryaṃ ca mā cānyeṣu manaḥ kṛthāḥ \6\ ### [1.4.7](https://indike.org/pramana/in.vedanga.kalpa.grhya.baudhayana.1.4.7) somaḥ prathamo vivide gandharvo vivida uttaraḥ \ tṛtīyo agniṣṭe patisturīyaste manuṣyajāḥ \7\ ### [1.4.8](https://indike.org/pramana/in.vedanga.kalpa.grhya.baudhayana.1.4.8) somo 'dadadgandharvāya gandharvo 'dadagnaye \ rayiṃ ca putrāṃścādādagnirmahyamatho imām \8\ ### [1.4.9](https://indike.org/pramana/in.vedanga.kalpa.grhya.baudhayana.1.4.9) sarasvati predamava subhage vājinīvati \ tāṃ tvā viśvasya bhūtasya pragāyāmasyagrataḥ iti \9\ ### [1.4.10](https://indike.org/pramana/in.vedanga.kalpa.grhya.baudhayana.1.4.10) athāsyai dakṣiṇena nīcā hastena dakṣiṇamuttānaṃ hastaṃ sāṅguṣṭhamabhīva lomāni gṛhṇāti gṛbhṇāmi te suprajāstvāya hastaṃ mayā patyā jaradaṣṭiryathā 'saḥ \ bhagoaryamā savitā purandhirmahyaṃ tvā 'durgārhapatyāya devāḥ iti \10\ ### [1.4.11](https://indike.org/pramana/in.vedanga.kalpa.grhya.baudhayana.1.4.11) athaināṃ pradakṣiṇamagniṃ paryāṇayati\_paritvā 'gne puraṃ vayaṃ vipraṃ sahasya dhīmahi \ dhṛṣadvarṇaṃ divedive bhettāraṃ bhaṅgurāvataḥ iti \11\ ### [1.4.12](https://indike.org/pramana/in.vedanga.kalpa.grhya.baudhayana.1.4.12) atha tathopaviśyānvārabdhāyāmupayamanīrjuhoti \12\ ### [1.4.13](https://indike.org/pramana/in.vedanga.kalpa.grhya.baudhayana.1.4.13) agne śardha mahate saubhagāya tava dyumnānyuttamāni santu \ sañjāspatyaṃ suyamamākṛṇuṣva śatrūyatāmabhitiṣṭhā mahāṃsi svāhā \13\ ### [1.4.14](https://indike.org/pramana/in.vedanga.kalpa.grhya.baudhayana.1.4.14) somāya janivide svāhā \14\ ### [1.4.15](https://indike.org/pramana/in.vedanga.kalpa.grhya.baudhayana.1.4.15) gandharvāya janivide svāhā \15\ ### [1.4.16](https://indike.org/pramana/in.vedanga.kalpa.grhya.baudhayana.1.4.16) agnaye janivide svāhā \16\ ### [1.4.17](https://indike.org/pramana/in.vedanga.kalpa.grhya.baudhayana.1.4.17) kanyalā pitṛbhyo yatī patilokamava dīkṣāmadāstha svāhā \17\ ### [1.4.18](https://indike.org/pramana/in.vedanga.kalpa.grhya.baudhayana.1.4.18) preto muñcāti nāmutassubaddhāmamutaskarat \ yatheyamindramīḍhvassuputrā subhagā satī svāhā \18\ ### [1.4.19](https://indike.org/pramana/in.vedanga.kalpa.grhya.baudhayana.1.4.19) imāṃ tvamindra mīḍhvassuputrāṃ subhagāṃ kuru \ daśāsyāṃ putrānādhehi patimekādaśaṃ svāhā \19\ ### [1.4.20](https://indike.org/pramana/in.vedanga.kalpa.grhya.baudhayana.1.4.20) agniraitu prathamo devatānāṃ so 'syai prajāṃ muñcatu mṛtyupāśāt \ tadayaṃ strī pautramaghaṃ na rodāt svāhā \20\ ### [1.4.21](https://indike.org/pramana/in.vedanga.kalpa.grhya.baudhayana.1.4.21) imāmagnistrāyatāṃ gārhapatyaḥ prajāmasyai nayatu dīrghamāyuḥ \ aśūnyopasthā jīvatāmastu mātā pautramānandamabhiprabudhyatāmiyaṃ svāhā \21\ ### [1.4.22](https://indike.org/pramana/in.vedanga.kalpa.grhya.baudhayana.1.4.22) mā te gṛhe niśi ghoṣa utthādanyatra tvadrudatyassaṃviśantu \ mā tvaṃ vikeśyura āvadhiṣṭhā jīvapatrī patiloke virāja paśyantī prajāṃ sumanasyamānāṃ svāhā \22\ ### [1.4.23](https://indike.org/pramana/in.vedanga.kalpa.grhya.baudhayana.1.4.23) aprajastāṃ pautramṛtyuṃ pāpmānamuta vā 'gham \ śīrṣṇassrajamivonmucya dviṣadbhyaḥ pratimuñcāmi pāśaṃ svāhā iti \23\ ### [1.4.24](https://indike.org/pramana/in.vedanga.kalpa.grhya.baudhayana.1.4.24) athaināmutthāpyottareṇāgniṃ dakṣiṇena padā 'śmānamāsthāpayati ātiṣṭhemamaśmānamaśmeva tvaṃ sthirā bhava \ abhitiṣṭha pṛtanyatassahasva pṛtanāyataḥ iti \24\ ### [1.4.25](https://indike.org/pramana/in.vedanga.kalpa.grhya.baudhayana.1.4.25) athāsyā añjalāvupastīrya tasyāssodaryo dvirlājānāvapati \25\ ### [1.4.26](https://indike.org/pramana/in.vedanga.kalpa.grhya.baudhayana.1.4.26) tānabhidhārya juhoti \_ iyaṃ nāryupabrūte 'gnau lājānāvapantī \ dīrghāyusstu me patirjīvātu śaradaśśataṃ svāhā \26\ ### [1.4.27](https://indike.org/pramana/in.vedanga.kalpa.grhya.baudhayana.1.4.27) athaināṃ pradakṣiṇamagniṃ paryāṇayati\_tubhyamagne paryavahan sūryaṃ vahatunā saha \ punaḥ patibhyo jāyāṃ dā agne prajayā saha iti \27\ ### [1.4.28](https://indike.org/pramana/in.vedanga.kalpa.grhya.baudhayana.1.4.28) tathā ' 'sthāpayati tathā juhoti \28\ ### [1.4.29](https://indike.org/pramana/in.vedanga.kalpa.grhya.baudhayana.1.4.29) athaināṃ punaḥ pradakṣiṇamagniṃ paryāṇayati\_punaḥ patnīmagniradādāyuṣā saha varcasā \ dīrghāyurasyā yaḥ patissa etu śaradaśśatam iti \29\ ### [1.4.30](https://indike.org/pramana/in.vedanga.kalpa.grhya.baudhayana.1.4.30) tathaivāsthāpayati tathaiva juhoti \30\ ### [1.4.31](https://indike.org/pramana/in.vedanga.kalpa.grhya.baudhayana.1.4.31) athaināṃ punareva paryāṇayati \_ viśvā uta tvayā vayaṃ dhārā udanyā iva \ ātigāhemahi dviṣaḥ iti \31\ ### [1.4.32](https://indike.org/pramana/in.vedanga.kalpa.grhya.baudhayana.1.4.32) atha tathopaviśyānvarabdhāyāṃ jayānabhyātānātrāṣṭrabhṛta iti hutvā athāmātyahomān juhoti \32\ ### [1.4.33](https://indike.org/pramana/in.vedanga.kalpa.grhya.baudhayana.1.4.33) atha prājāpatyāt juhoti\_prajāpate na tvadetānyanyaḥ iti \33\ ### [1.4.34](https://indike.org/pramana/in.vedanga.kalpa.grhya.baudhayana.1.4.34) atha sauviṣṭakṛtaṃ juhoti yadasya karmaṇo 'tyarīricaṃ yadvā nyūnamihākaram \ agnistatsviṣṭakṛdvidvān sarva sviṣṭaṃ suhutaṃ karotu me \ agnaye sviṣṭakṛte suhutahuta āhutīnāṃ kāmānāṃ samardhayitre svāhā iti \34\ ### [1.4.35](https://indike.org/pramana/in.vedanga.kalpa.grhya.baudhayana.1.4.35) atha struveṇa paridhīnanakti \35\ ### [1.4.36](https://indike.org/pramana/in.vedanga.kalpa.grhya.baudhayana.1.4.36) atha paristarātsamullipyājyasthālyāṃ prastaravat barhiraktvā tṛṇaṃ pracchādyāgnāvanupraharati \36\ ### [1.4.37](https://indike.org/pramana/in.vedanga.kalpa.grhya.baudhayana.1.4.37) atha śamyā apohya tathaiva pariṣiñcati \ anvamaṃsthāḥ prāsāvīḥ iti mantrāntān sannamayati \37\ ### [1.4.38](https://indike.org/pramana/in.vedanga.kalpa.grhya.baudhayana.1.4.38) atha praṇotādbhyo diśo vyunnīya brahmaṇe varaṃ dadāmīti gāṃ brāhmaṇebhyaḥ \38\ ### [1.4.39](https://indike.org/pramana/in.vedanga.kalpa.grhya.baudhayana.1.4.39) eṣa āghārabān darvīhomaḥ \39\ ### [1.4.40](https://indike.org/pramana/in.vedanga.kalpa.grhya.baudhayana.1.4.40) athāparaḥ\_parisamūhya paryukṣya paristīryājyaṃ vilāpyotpūya struk struvaṃ niṣṭapya sammṛjya struci caturgṛhītaṃ gṛhītvā sarvān mantrān samanudrutya sakṛdevāhutiṃ juhoti \40\ ### [1.4.41](https://indike.org/pramana/in.vedanga.kalpa.grhya.baudhayana.1.4.41) agnissviṣṭakṛdvitīyaḥ \41\ ### [1.4.42](https://indike.org/pramana/in.vedanga.kalpa.grhya.baudhayana.1.4.42) dvirjuhoti dvirnimārṣṭi dviḥ prāśnātyutsṛpyācāmati nirleḍhītyeṣa āgnihotrikaḥ \42\ ### [1.4.43](https://indike.org/pramana/in.vedanga.kalpa.grhya.baudhayana.1.4.43) athāparaḥ\_parisamūhya paryukṣya paristīrya prākṛtena haviṣā yāvadāmnātamāhutīrjuhotyeṣa hyapūrvaḥ \43\ ### [1.4.44](https://indike.org/pramana/in.vedanga.kalpa.grhya.baudhayana.1.4.44) tatrodāharanti āghāraṃ prakṛtiṃ prāha darvīhomasya bādariḥ \ āgnihotrikaṃ tathā ' 'treyaḥ kāśakṛtsnastvapūrvatām iti iti bodhāyanīye gṛhyasūtre prathamapraśne caturtho 'dhyāyaḥ ## Linked texts (12) - [Ekāgnikāṇḍa](https://indike.org/pramana/in.vedanga.kalpa.grhya.ekagnikanda.1.10301) — Sanskrit - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.11.2.p1) — Sanskrit - [Hiraṇyakeśigṛhyasūtra](https://indike.org/pramana/in.vedanga.kalpa.grhya.hiranyakesi.1.6.20.1) — Hiraṇyakeśin, Sanskrit - [Āpastambagṛhyasūtra](https://indike.org/pramana/in.vedanga.kalpa.grhya.apastamba.2.4.13) — Āpastamba, Sanskrit - [Śākala](https://indike.org/pramana/in.veda.samhita.rg*sakala.5.28.3) — Sanskrit - [Śaunakasaṃhitā](https://indike.org/pramana/in.veda.samhita.atharva*saunaka.7.73.10) — Sanskrit - [Bhāradvājaśrautasūtra](https://indike.org/pramana/in.vedanga.kalpa.srauta.bharadvaja.56.1) — Sanskrit - [Mādhyandina](https://indike.org/pramana/in.veda.samhita.suklayajur*vajasaneyi*madhyandina.33.12) — Sanskrit - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.29.1) — Laugākṣi, Sanskrit - [Bhāradvājagṛhyasūtra](https://indike.org/pramana/in.vedanga.kalpa.grhya.bharadvaja.1.17.2) — Sanskrit - [Kalpaḥ](https://indike.org/pramana/in.jaina.post.vidhi.mantra.kalpah.2.6.19.69_180) — Sanskrit - [Saṃskāraratnamālā (Gopīnātha Dīkṣita Oka)](https://indike.org/pramana/in.niti.dharma.samskara.samskararatnamala.46.9.p5.6) — Gopīnātha Dīkṣita Oka, Sanskrit --- Source: [https://indike.org/pramana/in.vedanga.kalpa.grhya.baudhayana.1.4](https://indike.org/pramana/in.vedanga.kalpa.grhya.baudhayana.1.4) · Pramāṇa