Pramāṇa · Search · About · API

Baudhayanagrihyasutra 1.5: atha prathamapraśne pañcamo 'dhyāyaḥ

Baudhāyanagṛhyasūtra 1.5

Language
Sanskrit

atha prathamapraśne pañcamo 'dhyāyaḥ

1.5.1

tāṃ na mithassaṃsādayedanādeśāt \1\

1.5.2

anunayantyetamagnim \2\

1.5.3

athaināṃ pituraṅkādudvahati gurorvā_ye vadhvaścandraṃ vahatuṃ yakṣmā yanti janā m̐ anu \ punastānyajñikīyā devā nayantu yata āgatāḥ iti \3\

1.5.4

athaināṃ dakṣiṇe haste gṛhītvā svarathamāropya svān gṛhānānayati pūṣā tveto nayatu hastagṛhyāśvinau tvā pravahatāṃ rathena \ gṛhān gaccha gṛhapatnī yathā 'so vaśinī tvaṃ vidathamāvadāsi iti \4\

1.5.5

panthānamanumantrayate_su gaṃ panthānamārukṣamariṣṭaṃ svastivāhanam \ yasmin vīro na riṣyatyanyeṣāṃ vindate vasu iti \5\

1.5.6

oṣadhivanaspatayo nadyo vanānyanumantrayate_yā oṣadhayo yā vanaspatayo yā nadyo yāni dhanvāni ye vanā \ te tvā vadhu prajāvatīṃ pratve muñcantvaṃhasaḥ iti \6\

1.5.7

atha jāyāmānīya svān gṛhān prapādayati_bhadrān gṛhān sumanamaḥ prapadye 'vīradhnī vīravatassuvīrān \ irāṃ vahato ghṛtamukṣamāṇāsteṣvahaṃ sumanāssaṃviśāni iti \7\

1.5.8

athaināmānaḍuhe carmaṇyupaveśayati_iha gāvaḥ prajāyadhvamihāśvā iha pūruṣāḥ \ iho sahasradakṣiṇo rāyapsoṣo niṣīdatu iti \8\

1.5.9

atrābhyāmamātyāsstokmāṇyāropayante \9\

1.5.10

atha vācaṃ yacchataḥ ā nakṣatrāṇāmudayāt \10\

1.5.11

athāhorātrayossandhimanumantrayate_nīlalohite bhavataḥ kṛtyāsaktirvyajyate \ edhante 'syā jñātayaḥ patirbandheṣu badhyatām iti \11\

1.5.12

athoditeṣu nakṣatreṣūpaniṣkramya dhruvamarundhatīṃ ca darśayati \12\

1.5.13

dhruvo 'si dhruvakṣitirdhruvamasi dhruvatassthitam \ tvaṃ nakṣatrāṇāṃ methyasi sa mā pāhi pṛtanyataḥ iti dhruvam \13\

1.5.14

sapta ṛṣayaḥ prathamāṃ kṛttikānāmarundhatīṃ yaddhruvatāṃ ha ninyuḥ \ ṣaṭkṛttikā mukhyayogaṃ vahantīyamasmākamedhatvaṣṭamyarundhatī ityarundhatīm \14\

1.5.15

atha vivāhasyārundhatyupasthānāt kṛtvā vratamupaiti_agne vratapate upayamanaṃ vrataṃ cariṣyāmi tacchakeyaṃ tanme rādhyatām \ vāyo vratapata āditya vratapate vratānāṃ vratapate upayananaṃ vrataṃ cariṣyāmi tacchakeyaṃ tanme rādhyatām iti \15\

1.5.16

ubhau jāyāpatī vratacāriṇau brahmacāriṇau bhavato 'dhaśśayāte \16\

1.5.17

tayośśyāmantareṇodumbaradaṇḍo gandhānulipto vāsasā sūtreṇa vā parivītastiṣṭhatyāpakvahomāt \17\

1.5.18

caturthyāṃ niśāyāṃ hute pakvahome vrataṃ visṛjya daṇḍamutthāpayatiūrjaḥ pṛthivyā adhyutthito 'si vanaspate śatavalśo viroha \ tvayā vayamiṣamūrja vadanto rāyaspoṣeṇa samiṣā madema iti \18\

1.5.19

athainaṃ vadhvai prayacchati _prajayā tvā saṃsṛjāmi māsareṇa surāmiva iti \19\

1.5.20

taṃ vadhūḥ pratigṛhṇāti_prajāvatī bhūyāsam iti \20\

1.5.21

athainaṃ varāya prayacchati_prajayā tvā paśubhissaṃsṛjāmi māsareṇa surāmiva iti \21\

1.5.22

taṃ varaḥ pratigṛhṇāti_prajāvān paśumān bhūyāsam iti \22\

1.5.23

athainaṃ sthūṇādeśe nidhāyāntikena pratipadyate \23\

1.5.24

prasiddhamupasaṃveśanam \24\

1.5.25

śvobhūte daṇḍamādāya puṇyāhaṃ vācayitvā 'psu visarjayati \25\

1.5.26

atha devayajanollekhanaprabhṛtyāgnimutvāt kṛtvā pakvājjuhoti_agnirmūrdhā bhuvaḥ iti dvābhyām \26\

1.5.27

sviṣṭakṛtprabhṛti siddhamādhenuvarapradānāt \27\

1.5.28

sa eṣa pārvaṇo bhavati \28\

1.5.29

athāstamita āditye 'nyonyamalaṅkṛtyopariśayyāṃ śayāte \29\

1.5.30

atha vadhūmabhimantrayate_sumaṅgalīriyaṃ vadhūrimāṃ sameta paśyata \ saubhāgyamasyai datvāyāthāstaṃ viparetana iti \30\

1.5.31

athaināṃ sarvasurabhigandhayā mālayā yunakti _ saṃ nā manassaṃ hṛdayāni saṃ nā 'bhi saṃ tanutyajaḥ \ saṃ tvā kāmasya yākreṇe yuñjatyavimocanāya iti
iti bodhāyanīye gṛhyasūtre prathamapraśne pañcamo 'dhyāyaḥ

Linked texts (8)