[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Baudhayanagrihyasutra](https://indike.org/pramana/in.vedanga.kalpa.grhya.baudhayana) › 1.7 # Baudhayanagrihyasutra 1.7: atha prathamapraśne saptamo 'dhyāyaḥ Baudhāyanagṛhyasūtra 1.7 - **Language:** Sanskrit ### atha prathamapraśne saptamo 'dhyāyaḥ ### [1.7.1](https://indike.org/pramana/in.vedanga.kalpa.grhya.baudhayana.1.7.1) brāhmaṇena brāhmaṇyāmutpannaḥ prāgupanayanājjāta ityabhidhīyate \1\ ### [1.7.2](https://indike.org/pramana/in.vedanga.kalpa.grhya.baudhayana.1.7.2) upanītamātro vratānucārī vedānāṃ kiñcidadhītya brāhmaṇaḥ \2\ ### [1.7.3](https://indike.org/pramana/in.vedanga.kalpa.grhya.baudhayana.1.7.3) ekāṃ śākhāmadhītya śrotriyaḥ \3\ ### [1.7.4](https://indike.org/pramana/in.vedanga.kalpa.grhya.baudhayana.1.7.4) aṅgādhyāyyanūcānaḥ \4\ ### [1.7.5](https://indike.org/pramana/in.vedanga.kalpa.grhya.baudhayana.1.7.5) kalpādhyāyī ṛṣikalpaḥ \5\ ### [1.7.6](https://indike.org/pramana/in.vedanga.kalpa.grhya.baudhayana.1.7.6) sūtrapravacanādhyāyī bhrūṇaḥ \6\ ### [1.7.7](https://indike.org/pramana/in.vedanga.kalpa.grhya.baudhayana.1.7.7) caturvedādṛṣiḥ \7\ ### [1.7.8](https://indike.org/pramana/in.vedanga.kalpa.grhya.baudhayana.1.7.8) ata ūrdhvaṃ devaḥ \8\ ### [1.7.9](https://indike.org/pramana/in.vedanga.kalpa.grhya.baudhayana.1.7.9) atha yadi kāmayeta śrotriyaṃ janayeyamityā 'rundhatyupasthānātkṛtvā trirātramakṣāralavaṇāśināvadhaśśāyinau brahmacāriṇāvāsāte \9\ ### [1.7.10](https://indike.org/pramana/in.vedanga.kalpa.grhya.baudhayana.1.7.10) ahatānāṃ ca vāsasāṃ paridhānaṃ sāyaṃ prātaścālaṅkaraṇāmiṣupratodayośca dhāraṇamagniparicaryā ca \10\ ### [1.7.11](https://indike.org/pramana/in.vedanga.kalpa.grhya.baudhayana.1.7.11) caturthyāṃ pakvahoma upasaṃveśanaṃ ca \11\ ### [1.7.12](https://indike.org/pramana/in.vedanga.kalpa.grhya.baudhayana.1.7.12) atha yadi kāmayetānṛcānaṃ janayeyamiti dvādaśarātrametadvrataṃ caret \12\ ### [1.7.13](https://indike.org/pramana/in.vedanga.kalpa.grhya.baudhayana.1.7.13) vratānte pakvahoma upasaṃveśanaṃ ca \13\ ### [1.7.14](https://indike.org/pramana/in.vedanga.kalpa.grhya.baudhayana.1.7.14) atha yadi kāmayeta ṛṣikalpaṃ janayeyamiti māsametadvrataṃ caret \14\ ### [1.7.15](https://indike.org/pramana/in.vedanga.kalpa.grhya.baudhayana.1.7.15) vratānte pakvahoma upasaṃveśanaṃ ca \15\ ### [1.7.16](https://indike.org/pramana/in.vedanga.kalpa.grhya.baudhayana.1.7.16) atha yadi kāmayeta bhrūṇaṃ janayeyamiti caturo māsānetadvrataṃ caret \16\ ### [1.7.17](https://indike.org/pramana/in.vedanga.kalpa.grhya.baudhayana.1.7.17) vratānte pakvahoma upasaṃveśanaṃ ca \17\ ### [1.7.18](https://indike.org/pramana/in.vedanga.kalpa.grhya.baudhayana.1.7.18) atha yadi kāmayeta ṛṣiṃ janayeyamiti ṣaṇmāsānetadvrataṃ caret \18\ ### [1.7.19](https://indike.org/pramana/in.vedanga.kalpa.grhya.baudhayana.1.7.19) vratānte pakvahoma upasaṃveśanaṃ ca \19\ ### [1.7.20](https://indike.org/pramana/in.vedanga.kalpa.grhya.baudhayana.1.7.20) atha yadi kāmayeta devaṃ janayeyamiti saṃvatsarametadvrataṃ caret \20\ ### [1.7.21](https://indike.org/pramana/in.vedanga.kalpa.grhya.baudhayana.1.7.21) vratānte pakvahoma upasaṃveśanaṃ ca \21\ ### [1.7.22](https://indike.org/pramana/in.vedanga.kalpa.grhya.baudhayana.1.7.22) atha yadaiṣā malavadvāsāssyāt\_nainayā saha saṃvadeta na sahāsīta nāsyā annamadyādbhrahmahatyāyai hyoṣā varṇaṃ pratimucyāste 'tho svalvāhurabhyañjanaṃ vāva striyā annamabhyañjanameva na pratigṛhyaṃ kāmamanyat iti \22\ ### [1.7.23](https://indike.org/pramana/in.vedanga.kalpa.grhya.baudhayana.1.7.23) naināmupeyāt \23\ ### [1.7.24](https://indike.org/pramana/in.vedanga.kalpa.grhya.baudhayana.1.7.24) nāraṇye \24\ ### [1.7.25](https://indike.org/pramana/in.vedanga.kalpa.grhya.baudhayana.1.7.25) na parācīm \25\ ### [1.7.26](https://indike.org/pramana/in.vedanga.kalpa.grhya.baudhayana.1.7.26) na snāti \26\ ### [1.7.27](https://indike.org/pramana/in.vedanga.kalpa.grhya.baudhayana.1.7.27) nābhyaṅkte \27\ ### [1.7.28](https://indike.org/pramana/in.vedanga.kalpa.grhya.baudhayana.1.7.28) na pralikhate \28\ ### [1.7.29](https://indike.org/pramana/in.vedanga.kalpa.grhya.baudhayana.1.7.29) nāṅkte \29\ ### [1.7.30](https://indike.org/pramana/in.vedanga.kalpa.grhya.baudhayana.1.7.30) na dato dhāvate \30\ ### [1.7.31](https://indike.org/pramana/in.vedanga.kalpa.grhya.baudhayana.1.7.31) na nakhāni nikṛntate \31\ ### [1.7.32](https://indike.org/pramana/in.vedanga.kalpa.grhya.baudhayana.1.7.32) na kṛṇatti \32\ ### [1.7.33](https://indike.org/pramana/in.vedanga.kalpa.grhya.baudhayana.1.7.33) na rajjuṃ sṛjati \33\ ### [1.7.34](https://indike.org/pramana/in.vedanga.kalpa.grhya.baudhayana.1.7.34) na parṇena pibati \34\ ### [1.7.35](https://indike.org/pramana/in.vedanga.kalpa.grhya.baudhayana.1.7.35) na kharveṇa pibati \35\ ### [1.7.36](https://indike.org/pramana/in.vedanga.kalpa.grhya.baudhayana.1.7.36) tasyai kharvasrisro rātrīrvrataṃ caredañjalinā vā pibedakharveṇa vā pātreṇa prajāyai gopīthāya iti brāhmaṇam \36\ ### [1.7.37](https://indike.org/pramana/in.vedanga.kalpa.grhya.baudhayana.1.7.37) caturthyāṃ snātāyāṃ niśāyāmalaṅkṛtya śayane 'bhimantrayate viṣṇuryoniṃ kalpayatu tvaṣṭā rūpāṇi piṃśatu \ āsiñcatu prajāpatirdhātā garbhaṃ dadhātu te \37\ ### [1.7.38](https://indike.org/pramana/in.vedanga.kalpa.grhya.baudhayana.1.7.38) yathā 'gnigarbhā pṛthivī dyauryathendreṇa garbhiṇī \ vāyuryathā diśāṃ garbha evaṃ garbhaṃ dadhātu te \38\ ### [1.7.39](https://indike.org/pramana/in.vedanga.kalpa.grhya.baudhayana.1.7.39) garbhaṃ dhehi sinīvāli garbhaṃ dhehi sarasvati \ garbhaṃ dhehi aśvinau devāvāghattāṃ puṣkarasrajā \39\ ### [1.7.40](https://indike.org/pramana/in.vedanga.kalpa.grhya.baudhayana.1.7.40) hiraṇyayī araṇī yaṃ nirmanthato aśvinā \ taṃte garbhaṃ dadhāmyahaṃ daśame māsi sūtave \40\ ### [1.7.41](https://indike.org/pramana/in.vedanga.kalpa.grhya.baudhayana.1.7.41) nejameṣa parāpata saputraḥ punarāpata \ asyai me putrakāmāyai garbhamādhehi yaḥ pumān iti \41\ ### [1.7.42](https://indike.org/pramana/in.vedanga.kalpa.grhya.baudhayana.1.7.42) athaināṃ pariṣvajati\_amūhamasmi sā tvaṃ dyaurahaṃ pṛthivī tvaṃ reto 'haṃ retobhṛttvaṃ mano 'hamasmi vāktvaṃ sāmāhamasmi ṛktvaṃ tāvehi sambhavāva saha reto dadhāvahai puṃse putrāya vettavai rāyaspoṣāya suprajāstvāya suvīryāya iti \42\ ### [1.7.43](https://indike.org/pramana/in.vedanga.kalpa.grhya.baudhayana.1.7.43) ātmānaṃ pratyabhimṛśatai\_ahaṃ garbhamadadhāmoṣadhīṣvahaṃ viśveṣu bhuvaneṣvantaḥ \ ahaṃ prajā ajanayanpitṛṇāmahaṃ janibhyo aparīṣu putrān iti \43\ ### [1.7.44](https://indike.org/pramana/in.vedanga.kalpa.grhya.baudhayana.1.7.44) athaināmupaiti\_tāṃ pūpañchivatamomarayasva yasyāṃ bījaṃ manuṣyā vapanti \ yā na ūrū uśatī visrayātai yasyāmuśantaḥ praharema śepham iti \44\ ### [1.7.45](https://indike.org/pramana/in.vedanga.kalpa.grhya.baudhayana.1.7.45) sa evameva caturthīprabhṛtyāṣoḍaśīmuttarāmuttarāṃ yugmāmupaiti \45\ ### [1.7.46](https://indike.org/pramana/in.vedanga.kalpa.grhya.baudhayana.1.7.46) prajāniśśreyasamṛtugamanamityācāryāḥ \46\ ### [1.7.47](https://indike.org/pramana/in.vedanga.kalpa.grhya.baudhayana.1.7.47) sarvāṇyupagamanāni mantravanti bhavantīti bodhāyanaḥ \47\ ### [1.7.48](https://indike.org/pramana/in.vedanga.kalpa.grhya.baudhayana.1.7.48) yaccādau yaccartāviti śālikiḥ \48\ iti bodhāyanīyagṛhyasūtre prathamapraśne saptamo 'dhyāyaḥ ## Linked texts (12) - [Śākala](https://indike.org/pramana/in.veda.samhita.rg*sakala.10.183.3) — Sanskrit - [Taittirīyasaṃhitā](https://indike.org/pramana/in.veda.samhita.krsnayajur*taittiriya.2.5.1.7) — Sanskrit - [Taittirīyāraṇyaka (complete text)](https://indike.org/pramana/in.veda.aranyaka.taittiriya*complete.11.11.p1) — Sanskrit - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.30.3) — Laugākṣi, Sanskrit - [Hiraṇyakeśigṛhyasūtra](https://indike.org/pramana/in.vedanga.kalpa.grhya.hiranyakesi.1.7.25.1) — Hiraṇyakeśin, Sanskrit - [Ekāgnikāṇḍa](https://indike.org/pramana/in.vedanga.kalpa.grhya.ekagnikanda.1.11201) — Sanskrit - [Kalpaḥ](https://indike.org/pramana/in.jaina.post.vidhi.mantra.kalpah.2.6.19.69_223) — Sanskrit - [Prayogaratna (Jagadguru Nārāyaṇa Bhaṭṭa)](https://indike.org/pramana/in.niti.dharma.prayoga.bhatta.prayogaratna.20.61.2) — Jagadguru Nārāyaṇa Bhaṭṭa, Sanskrit - [Prayogaratna](https://indike.org/pramana/in.niti.dharma.prayoga.prayogaratna.20.61.2) — Kāśīdīkṣita Yājñika 1625, Sanskrit - [Prayogaratna](https://indike.org/pramana/in.vedanga.kalpa.grhya.prayogaratna.20.61.2) — Nārāyaṇabhaṭṭa 1540, Sanskrit - [Nityācārapaddhati (Vidyākara vājapeyin)](https://indike.org/pramana/in.niti.dharma.acara.ahnika.nityacarapaddhati-vidyakara-vajapeyin.4.p1) — Vidyākara vājapeyin, Sanskrit - [Prayogaratna (Bhaṭṭa Nārāyaṇa)](https://indike.org/pramana/in.niti.dharma.prayoga.bhatta.prayogaratna-bhatta-narayana.16.8.2) — Bhaṭṭa Nārāyaṇa, Sanskrit --- Source: [https://indike.org/pramana/in.vedanga.kalpa.grhya.baudhayana.1.7](https://indike.org/pramana/in.vedanga.kalpa.grhya.baudhayana.1.7) · Pramāṇa