Pramāṇa · Search · About · API

Baudhayanagrihyasutra 2.1: atha dvitīyapraśne prathamo 'dhyāyaḥ

Baudhāyanagṛhyasūtra 2.1

Language
Sanskrit

atha dvitīyapraśne prathamo 'dhyāyaḥ

2.1.1

atha prahutaḥ \1\

2.1.2

jātaṃ kumāramabhimantrayate_adbhyassambhūtaḥ ityetenānuvākena \2\

2.1.3

athainaṃ snapayati_kṣetriyai tvā nirṛtyai tvā iti ṣaḍbhiranucchandasam \3\

2.1.4

athainaṃ svopasthaṃ ādadhāti_aṅgādaṅgātsambhavasi hṛdayādadhijāyase \ ātmā vai putranāmāsi saṃjīva śaradaśśatam iti \4\

2.1.5

athainaṃ mūrdhnyabhijighrati_aśmā bhava paraśurbhava hiraṇyamastṛtaṃ bhava \ paśūnāṃ tvā hiṅkāreṇābhijighrāmyasau iti nakṣatranāmadheyena \5\

2.1.6

athāsya dakṣiṇe karṇe japati agnirāyuṣmān iti pañcabhiḥ paryāyaiḥ \6\

2.1.7

athainaṃ dadhimadhughṛtamiti samudāyutya hiraṇyena prāśayati_prāṇo rakṣati viśvamejat ityetenānuvākena pratyṛcam \7\

2.1.8

atiśiṣṭaṃ gopade ninayati vyāhṛtībhiḥ \8\

2.1.9

athainaṃ māturupastha ādadhāti_sīda tvaṃ māturasyā upasthe iti catasṛbhissahaṃsābhiḥ \9\

2.1.10

stanamabhimantrayate_yaste stanaśśaśayo yo mayobhūryena viśvā puṣyasi vāryaṇi \ yo ratnadhā vasuvidyassudatrassarasvati tamiha dhātavekaḥ iti \10\

2.1.11

dhayantamanumantrayate_dyauste pṛṣṭhaṃ rakṣatu vāyurūrū aśvinau ca stanaṃ dhayantaṃ savitā 'bhirakṣatu \ āvāsasaḥ parighānādbṛhaspatirviśvedevā abhirakṣantu paścāt iti \11\

2.1.12

athāsyodakumbhamucchirasi nidadhāti_āpassupteṣu jāgrata rakṣāṃsi nīrito nudadhvam iti \12\

2.1.13

atha devayajanollekhanaprabhṛtyāgnimukhāt kṛtvā pakvājjuhoti_hariṃ harantamanuyanti devāḥ iti puro 'nuvākyāmanūcya mā chido mṛtyo mā vadhīḥ iti yājyayā juhoti \13\

2.1.14

athājyāhutīrupajuhoti_sadyaścakamānāya ityāntādanuvākasya \14\

2.1.15

sviṣṭakṛtprabhṛti siddhamādhenuvarapradānāt \15\

2.1.16

athānoyugaṃ rathayugaṃ vā snāpyācchādyālaṃkṛtya agreṇāgnimuddhṛtya tasyāgreṇāśvatthaparṇeṣu hutaśeṣaṃ nidadhāti_nama āvyādhinībhyaḥ iti \16\

2.1.17

athāstamita āditye gaurasarṣapān phalīkaraṇamiśrān añjalinā juhoti_kṛṇuṣva pājaḥ prasitiṃ na pṛthvīm ityetenānuvākena pratyṛcam \17\

2.1.18

athaudanam tilasakturbhighṛteneti samudāyutya goṣṭhe 'śvatthaparṇeṣu hutaśeṣaṃ nidadhāti_aghorāya mahāghorāya namo namaḥ iti \18\

2.1.19

athātiśiṣṭaṃ sarvā diśassamprakiranti_āveśinā vyaśrumukhī kutūhalinyekastanī jṛmbhaṇī stambhanī mohanī ca \ kṛṣṇā viśākhā vimalā brahmarātrī bhrātṛvyasaṅkhyeṣu patantyamoghāḥ \ tābhyo vai mātṛbhyo namo namaḥ iti \19\

2.1.20

sa evameva phalīkaraṇahomaprabhṛti sāyaṃprātardaśarātraṃ karoti \20\

2.1.21

nānutthitāyāṃ sūtikāyāṃ bhojyānnatā \21\

2.1.22

daśamyāmutthānam \22\

2.1.23

daśamyāṃ dvādaśyāṃ vā nāmakaraṇam \23\

2.1.24

prājāpatyena sūktena hutvā brāhmaṇānannena pariviṣya puṇyāhaṃ svasti ṛddhimiti vācayannāmāsmai dadhāti \24\

2.1.25

dvyakṣaraṃ caturakṣaraṃ ṣaḍakṣaramaṣṭākṣaraṃ vā \25\

2.1.26

ghoṣavadādyantarantasthaṃ dīrghābhiniṣṭhānāntam \26\

2.1.27

api vā yasmin svityupasargassyāttaddhi pratiṣṭhitamiti vijñāyate \27\

2.1.28

ṛṣyaṇūkaṃ devatāṇūkaṃ vā \28\

2.1.29

yathaivaiṣāṃ pūrvapuruṣāṇāṃ nāmāni syuḥ \29\

2.1.30

ayugakṣaraṃ kumāryāḥ \30\

2.1.31

amuṣmai svastīti \31\
iti bodhāyanīyagṛhyasūtre dvitīyapraśne prathamo 'dhyāyaḥ

Linked texts (3)