Baudhayanagrihyasutra 2.10: atha dvitīyapraśne daśamo 'dhyāyaḥ
Baudhāyanagṛhyasūtra 2.10
- Language
- Sanskrit
atha dvitīyapraśne daśamo 'dhyāyaḥ
2.10.1
atha pratyavarohaṇam \1\
2.10.2
vasantādau madhuśca mādhavaśca iti hutvā vāsantikairalaṅkārairalaṅkṛtya vāsantikānyannāni brāhmaṇebhyo datvā 'nnaśeṣān sagaṇaḥ prāśnāti \2\
2.10.3
atha grīṣmādau śukraśca śuciśca iti hutvā graiṣmikairalaṅkārairalaṅkṛtya graiṣmikānyannāni brāhmaṇebhyo datvā 'nnaśeṣān sagaṇaḥ prāśnāti \3\
2.10.4
atha varṣādau nabhaśca nabhasyaśca iti hutvā vārṣikairalaṅkārairalaṅkṛtya vārṣikānyannāni brāhmaṇebhyo datvā 'nnaśeṣān sagaṇaḥ prāśnāti \4\
2.10.5
atha śaradādau iṣaścorjaśca iti hutvā śāradikairalaṅkārairalaṅkṛtya śāradikānyannāni brāhmaṇebhyo datvā 'nnaśeṣān sagaṇaḥ prāśnāti \5\
2.10.6
atha hemantādau sahaśca sahasyaśca iti hutvā haimantikairalaṅkārairalaṅkṛtya haimantikānyannāni brāhmaṇebhyo datvā 'nnaśeṣān sagaṇaḥ prāśnāti \6\
2.10.7
atha śiśirādau tapaśca tapasyaśca iti hutvā śaiśirikairalaṅkārairalaṅkṛtya śaiśirikānyannāni brāhmaṇebhyo datvā 'nnaśeṣān prāśnāti \7\
2.10.8
athādhimāse saṃsarpo 'syaṃhaspatyāya tvā iti hutvā caitrikairalaṅkārairalaṅkṛtya caitrikānyannāni brāhmaṇebhyo datvā 'nnaśeṣān sagaṇaḥ prāśnāti \8\
2.10.9
sa eṣa āghāravān vā syādāgnihotriko vā 'pyāpūrviko vā \9\
2.10.10
pratyavarohaṇaṃ vyākhyātam \10\
iti bodhāyanīye gṛhyasūtre dvitīyapraśne daśamo 'dhyāyaḥ